ஓவரா தெரில.. ஆப்பிளின் புது "பென்சில்!" விலை கம்மி தான்.. ஜஸ்ட் ரூ.7900 மட்டுமே! அப்படி என்ன ஸ்பெஷல்

வாஷிங்டன்: ஆப்பிள் நிறுவனம் இப்போது புதிதாக பென்சில் ஒன்றை வெளியிட்டுள்ளது. ஆப்பிள் பென்சிலுக்கு என்ன சிறப்பு. இதில் இருக்கும் வசதிகள் என்ன என்பதை நாம் பார்க்கலாம்.

உலகில் எத்தனையோ டெக் நிறுவனங்கள் இருந்தாலும் ஆப்பிள் நிறுவனத்திற்கு இருக்கும் கெத்து தனி தான். ஒவ்வொரு ஆண்டும் ஆப்பிள் வெளியிடும் மொபைல்களை வாங்க எத்தனை பேர் வரிசை கட்டி நிற்கிறார்கள் என்பதில் இருந்தே நாம் இதைத் தெரிந்து கொள்ளலாம்.

ஆப்பிள் நிறுவனத்தைப் பொறுத்தவரை ஐபோன் தான் அவர்களுக்குப் பிரதானம் என்றாலும் கூட அதையும் தாண்டி கணினி, ஐபேட் என்று பல சாதனங்களை அவர்கள் வெளியிட்டே வருகிறார்கள். அப்படி அவர்களின் முக்கியமான கருவி தான் ஆப்பிள் பென்சில். இது குறித்து நாம் விரிவாகப் பார்க்கலாம்.

ஆப்பிள்: ஆப்பிள் நிறுவனம் கடந்த சில நாட்களுக்கு முன்பு ஆப்பிள் பென்சில் (2023) என்ற மாடலை வெளியிட்டிருந்தது. இவை ஆப்பிள் பென்சில் 2ஐ விட குறைந்த விலையில் அறிமுகப்படுத்தப்பட்டுள்ளது. இந்த புதிய பென்சில் ஸ்டைலஸ் மேட் ஃபினிஷ் கொண்டுள்ளது. கடந்தாண்டு வெளியான ஐபாட் சாதனத்தில் பக்கவாட்டில் இந்த பென்சிலை காந்தத்தின் மூலம் கச்சிதமாக அட்டாச் செய்ய முடியும். இந்த பென்சிலில் டைப் சி சார்ஜிங் வசதி கொடுக்கப்பட்டுள்ளது.

எனவே, டைப் சி சார்ஜிங் வசதியுடன் வரும் அனைத்து ஐபாட் ப்ரோ, ஐபாட் ஏர், ஐபாட் மினி ஆகிய கருவிகளையும் இதில் இணைத்துப் பயன்படுத்தலாம். இது தவிர இதுவரை வெளியான 3 பென்சில் மாடல்களில் இதுதான் மிகவும் சைஸ் குறைவான பென்சில் ஆகும். மேலும், விலையிலும் இதுதான் மற்ற இரண்டை காட்டிலும் குறைவு. விலை குறைவு என்பதால் முந்தைய மாடல்களில் இருக்கும் சில வசதிகளும் இதில் மிஸ்ஸாகிறது.

சில வசதிகள் இல்லை: பென்சில் 2 மாடலை ஐபேட்டிற்கு பக்கவாட்டில் அட்டாச் செய்ய முடியும். அப்போது அது தானா ஒயர்லெஸ் முறையில் சார்ஜ் ஆகும். இந்த புதிய பென்சில் மாடலை நம்மால் பக்கவாட்டில் அட்டாச் செய்ய முடிந்தாலும் கூட, இது ஒயர்லெஸ் முறையில் சார்ஜ் ஆகாது. மேலும், அந்த முந்தைய மாடலில் ஐபேட் அருகே பென்சிலை எடுத்துச் சென்றாலே அது தானாக கனெக்ட் ஆகும். அந்த வசதியும் புது மாடலில் மிஸ் ஆகிறது.

அதேபோல முந்தைய இரு மாடல்களிலும் இருந்த pressure sensitivity வசதியும் இதில் மிஸ் ஆகிறது. அதாவது நாம் ஒரு லைனை போடுகிறோம் என வைத்துக் கொள்ளுங்கள். அப்போது நாம் கொடுக்கும் அழுத்தத்தை வைத்தே எந்தளவுக்கு லேசாக அல்லது தடிமனமாக அந்த லைன் வர வேண்டும் என்பதை செட் செய்வதே pressure sensitivity வசதி. இது புதிய மாடலில் மிஸ் ஆகிறது. வரைபடங்களுக்கு இந்த பென்சிலை பயன்படுத்துவோருக்கு இது சிக்கலாக இருக்கும்.

விலை எவ்வளவு: அதேபோல முந்தைய பென்சில் மாடலை வாங்கினால் இலவசமாக நமது பெயரைப் பொறித்துத் தருவார்கள். அதுவும் புது மாடலில் மிஸ்ஸிங். குறைந்த ரேட்டில் பென்சிலை வெளியிட வேண்டும் என்பதற்காக இந்த வசதியை எல்லாம் ஆப்பிள் கட் செய்துள்ளது.

குறைந்த விலை என்றால் எவ்வளவு எனக் கேட்கிறீர்களா.. ஜஸ்ட் ரூ. 7900 மட்டுமே. மேலும், மாணவர்களுக்குச் சிறப்புச் சலுகையாக ரூ. 6900க்கு இது விற்பனை செய்யப்படுகிறது. இது குறைவா எனக் கேட்கிறீர்களா... இந்தியாவில் முந்தைய பென்சில் 1 மாடல் இப்போது 9500 ரூபாய்க்கும், பென்சில் 2 மாடல் 11,900 ரூபாய்க்கும் விற்பனை செய்யப்பட்டு வருவது குறிப்பிடத்தக்கது.

English summary

Apple has launched new pencil for its older ipad models: All things to know abour Apple pencil and why its impt.