அடடே புதுசா.. வாட்ஸ் அப்பில் மெசேஜ் ஃபார்வர்டு செய்யும்போது.. மெட்டா அறிமுகம் செய்யும் புதிய அம்சம்!
சென்னை: உலகெங்கிலும் பல கோடி மக்கள் பயன்படுத்தும் வாட்ஸ் அப் செயலியில் புதிய அப்டேட் வர இருக்கிறது. நாம் போட்டோ, வீடியோ போன்றவற்றை ஃபார்வர்டு செய்யும்போது கூடுதலாக டெக்ஸ்ட் சேர்த்து அனுப்பும் வகையில் கஸ்டமைஸ் செய்து கொள்ள முடியும். இந்த அம்சம் பீட்டா யூசர்களுக்கு வந்துள்ள நிலையில், விரைவில் அனைவருக்கும் கிடைக்கும்.
வாட்ஸ்அப் செயலி தொடங்கப்பட்டது முதல் அவ்வப்போது பல்வேறு அப்டேட்களை வெளியிட்டு வருகிறது. முதலில் மெசேஜிங் தளமாக மட்டும் இருந்த வாட்ஸ் அப், குரூப் சாட், வாய்ஸ் கால், வீடியோ கால், ஸ்டோரி, யுபிஐ பேமெண்ட் வசதி என அடுத்தடுத்த டெக்னாலஜி அப்டேட்களால் பயனர்களை ஈர்த்து, தற்போது உலகின் முன்னணி மெசஞ்சர் தளமாக உள்ளது. வாட்ஸ்அப் மெசஞ்சரை உலகம் முழுவதும் சுமார் 200 கோடிக்கும் அதிகமான மக்கள் பயன்படுத்தி வருகின்றனர்.
வாடிக்கையாளர்களை ஈர்க்கும் வகையில் அவ்வப்போது புதிய அம்சங்களை அறிமுகம் செய்து வரும் வாட்ஸ் அப், தற்போது, ஃபார்வேர்ட் மெசேஜ்களை கஸ்டமைஸ் செய்யும் அம்சத்தை அறிமுகம் செய்ய உள்ளதாக தகவல் வெளியாகியுள்ளது.
வழக்கமாக வாட்ஸ் அப்பில் மெசேஜ்களை ஃபார்வர்டு செய்யும்போது அதில் கூடுதல் தகவல்களை சேர்க்க முடியாது. ஒரு போட்டோவுடன் கேப்ஷன் இடம்பெற்றிருக்கும்போது, நாம் ஃபார்வர்டு செய்தால் போட்டோ மட்டுமே ஃபார்வர்டு ஆகும். இந்நிலையில், புதிய அம்சம் மூலம், அதனுடன் கூடுதல் தகவலை சேர்த்து ஃபார்வர்டு செய்யலாம். இந்த அம்சம் விரைவில் அறிமுகமாக உள்ளது.
வாட்ஸ் அப் யூசர்கள், எதையாவது ஃபார்வர்டு செய்யும் போது, அதை அனுப்பும் முன் கஸ்டமைஸ்டு செய்தியைச் சேர்ப்பதற்கான ஆப்ஷன் காட்டப்படும். நாம் ஏன் இந்த செய்தியை அனுப்புகிறோம் என மற்றவர்களுக்கு விளக்க விரும்பும்போது இந்த அம்சம் உதவிகரமாக இருக்கும்.
இதன் மூலம் வாட்ஸ் அப் யூசர்கள் தங்களுக்கு வந்த டெக்ஸ்ட் மெசேஜ், டாக்குமெண்ட்ஸ், வீடியோ, லிங்க் மற்றும் போட்டோக்களை பிற பயனர்களுக்கு ஃபார்வேர்ட் செய்யும் போது அதில் கூடுதல் விவரங்களை சேர்த்து அனுப்ப முடியும். இந்த தகவலை வாட்ஸ்அப் குறித்த அப்டேட்டை வழங்கி வரும் வாட்ஸ் அப் பீட்டா இன்ஃபோ பகிர்ந்துள்ளது. இப்போதைக்கு இந்த அம்சம் பீட்டா வெர்ஷனில் இருப்பதாக தெரிவித்துள்ளது. விரைவில் அனைவருக்கும் பயன்பாட்டுக்கு வரும்.
Click it and Unblock the Notifications
Sign in with Google