அது எப்பவுமே ஸ்பெஷல்தாங்க... அம்மாவாகப் போகும் ஆல்யா சஞ்சீவ்!
சென்னை: அம்மான்னாலே ஸ்பெஷல்தாங்க என்று அம்மாவாகப் போகும் ஆல்யா சஞ்சீவ் கூறினார்.
விஜய் டிவியின் டான்சிங் சூப்பர் ஸ்டார் நிகழ்ச்சியின் நடுவர்களில் ஒருவராக ஆல்யா சஞ்சீவ் பங்கேற்று வருகிறார்.
ஞாயிறு ஒளிபரப்பான நிகழ்ச்சியில் உங்கள் அம்மாவை நீங்கள் எவ்வளவு மிஸ் செய்கிறீர்கள் என்று கேட்டபோது ஆல்யா மேற்கண்டவாறு கூறினார்.
23 வரைக்கும்
ஆல்யா நீங்க அம்மாவாகப் போறீங்க.. உங்க அம்மாவை எவ்ளோ மிஸ் பண்றீங்க என்று கேட்டார்கள். அப்போது, இந்த 23 வரைக்கும் (அதாவது வயதை சொன்னார்) அம்மாவோட முக்கியத்துவம்.. அவங்க நம்ம வாழ்க்கையில் எவ்வளவு முக்கியமான பெர்சன்... இது எதுவுமே சத்தியமா எனக்கு தெரியாது. ஆனா..மை காட் இப்போ அவங்கள் முக்கியத்துவம் புரியுது என்று கூறினார்.
காதல் திருமணம்
விஜய் டிவியின் ராஜா ராணி மெகா சீரியலில் ஆல்யா நடிக்கும்போது உடன் நடித்த சஞ்சீவுடன் காதல் மலர்ந்து, இருவரும் திருமணம் செய்து கொண்டார்கள். ஆல்யாவின் வீட்டில் அவர் பெற்றோர் இந்த திருமணத்துக்கு சம்மதம் தெரிவிக்கவில்லை என்று கூறப்படுகிறது. இந்த நேரத்தில்தான் ஆல்யா பிள்ளை உண்டாகி இருக்கார்.
ஆல்யா திறமைசாலி
சிறிய வயதுதான் என்றாலும் ஆல்யா திறமைசாலி. டான்ஸ் என்றால் அலாதி பிரியம். நடுத்தர குடும்பத்தில் பிறந்த இவர் தனது டான்ஸ் திறமை மூலம் சம்பாதித்து சென்னையில் முகப்பேர் உட்பட மூன்று இடங்களில் நடனப் பள்ளி நடத்தி வருகிறார்.
நடிப்பு ரசிகர்கள்
நடிப்பு பிடிக்கும், நடிப்பதன் மூலம் வசிக்கும் இடத்தில் தான் பிரபலம் ஆனதாகவும் கூறியுள்ள ஆல்யா, அப்பா அம்மாவின் ஃபிரண்ட்ஸ் கூட, உங்கள் பெண்ணை சந்திக்க வேண்டும், அவங்க கூட செல்ஃபி எடுத்துக்கணும் என்று விரும்பி கேட்டு வந்து எடுத்துக்கொண்டு சென்றார்கள் என்றும் கூறினார் ஆல்யா.