Retro Box Office: ரெட்ரோ லாபத்தில் ரூ. 10 கோடியை நடிகர் சூர்யா என்ன செய்தார் பாருங்கள்!

Updated: Thursday, May 8, 2025, 20:32 [IST]

Subscribe to Oneindia Tamil

சென்னை: ரெட்ரோ திரைப்படத்தில் கிடைக்கப் பெற்ற லாபத்தில் ரூ 10 கோடியை நடிகர் சூர்யா என்ன செய்திருக்கிறார் தெரியுமா? சூர்யாவுக்கு பாராட்டுகள் குவிகின்றன. இந்த மனசு யாருக்கு வரும்!

கடந்த மே 1 ஆம் தேதி நடிகர் சூர்யா நடிப்பில் ரெட்ரோ எனும் திரைப்படம் வெளியானது. இந்த படத்திற்கு முதல் நாளே அதிக வரவேற்பு இருந்தது. எனினும் விமர்சனம் என வரும் போது எல்லாருக்கும் எல்லா படங்களும் கதைகளும் பிடிக்கும் என சொல்ல முடியாது.

அது போல் ரெட்ரோவுக்கும் விமர்சனங்கள் கலவையாகவே வந்தன. எனினும் முதல் நாளிலேயே நல்ல வகையில் பெர்ஃபார்ம் செய்துள்ளது. முதல் நாளிலேயே அனைத்து மொழிகளிலும் சேர்த்து ரூ 19.25 கோடி வசூலானது. இரண்டாவது நாள் 7.75 கோடியும் மூன்றாவது நாள் மொத்தம் ரூ 8 கோடியும் வசூலானது.

அது போல் நான்காவது நாள் ரூ8.15 கோடியும் 5ஆவது நாள் ரூ 3.4 கோடியும், 6ஆவது நாள் ரூ 2.5 கோடியும் வசூலானது. 7ஆவது நாள் ரூ. 89 லட்சம் ஆகும். எனவே இந்தியாவில் கடந்த 7 நாட்களில் இந்த படத்திற்கு ரூ 49.94 கோடி வசூல் ஈட்டியதாக சொல்லப்படுகிறது.

வெளிநாடுகளில் ரிலீஸாகியுள்ள லிஸ்டை பார்த்தால் படம் ரூ 100 கோடியை தாண்டியிருக்கும் என படக்குழுவினர் தெரிவிக்கிறார்கள். இந்த படம் சென்னை, கோவை, பெங்களூர், ஹைதராபாத் உள்ளிட்ட நகரங்களில் வெளியாகியுள்ளது.

A ‘ONE’ hundred crore LOVE at the Box Office for #TheOne's show💥

Book your tickets for #Retro Experience
🔗 https://t.co/zLoKNZJF7N #TheOneWon #RetroRunningSuccessfully #LoveLaughterWar @Suriya_Offl #Jyotika @karthiksubbaraj @hegdepooja @Music_Santhosh @prakashraaj… pic.twitter.com/nvkrEm4SJC
— 2D Entertainment (@2D_ENTPVTLTD) May 6, 2025

கடந்த 6ஆவது நாள் அன்று இந்தியாவில் ரூ 49 கோடி வசூல் என்றால் உலக அளவில் ரூ 81 கோடி வசூலானது. அதாவது வெளிநாடுகளில் மட்டும் 6ஆவது நாள் ரூ 23.15 கோடி கிடைத்தது என்கிறார்கள். இதைத்தான் படத்தயாரிப்பு நிறுவனம் A one hundred crore love at box office என குறிப்பிட்டுள்ளது.

இந்த நிலையில் ரெட்ரோ படத்தின் லாபத்தில் ரூ 10 கோடியை எடுத்து நடிகர் சூர்யா அகரம் பவுண்டேஷனுக்கு கொடுத்துள்ளார். இதனால் சூர்யாவுக்கு பாராட்டுகள் குவிகின்றன.

நடிகர் சூர்யா அகரம் அறக்கட்டளையை நடத்தி வருகிறார். இதன் மூலம் படிப்பதற்கு பணம் கட்ட முடியாத ஏழை, எளிய மாணவர்களின் கல்வி செலவை ஏற்று வருகிறார் என்பது குறிப்பிடத்தக்கது.