Ajith: பது ட்ரென்டிங் உருவாக்கிய அஜித்தின் மங்காத்தா!
சென்னை: ரசிகர்களால் தல என்று செல்லமாக அழைக்கப்படும் அல்டிமேட் ஸ்டார் அஜித் நடிப்பில் வெளியான மங்காத்தா படத்தை சன் டிவியில் இன்று காலை ஒளிபரப்பு செய்தார்கள்.
Recommended Video
இன்று அஜித் பிறந்தநாள்.. இதை முன்னிட்டு தொலைக்காட்சிகள் அஜித் நடித்த படங்களை போட்டி போட்டு ஒளிபரப்பு செய்து வருகின்றன.இதில் சன் டிவி ஒளிபரப்பு செய்து உள்ள மங்காத்தா கொஞ்சம் ஸ்பெஷல்.
அஜீத் வயதுக்கு ஏற்ற கெட்டப்பில் நடித்து அசத்தி இருப்பார். சால்ட் இன் பெப்பர் ஹேர்ஸ்டைல் இந்த படத்தில் புது ட்ரெண்டை உருவாக்கியது.
கெட்டப்பை மாற்றி
இயக்குநர் வெங்கட் பிரபுவை ஒரே ராத்திரியில் ரசிகர்கள் கொண்டாடி மகிழ்ந்தது இந்த படத்தில்தான். அஜீத் கெட்டப் இப்படித்தான் இருக்க வேண்டும் என்றும்...ஹேர் ஸ்டைல் சால்ட் இன் பெப்பர் ஸ்டைலில்தான் இருக்க வேண்டும் என்றும் உடை அலங்கார நிபுணர் வாசுகி பாஸ்கர் சொன்னபோது வெங்கட் பிரபு உடனடியாக ஓகே சொல்லிவிடவில்லையாம்.
வாசுகி பாஸ்கர்
இளையராஜா மற்றும் கங்கை அமரனின் அண்ணன் பாஸ்கரின் மகள் வாசுகி. இவர் உடை அலங்கார நிபுணர். மற்றும் நடிகர் நடிகைகளுக்கு உடைகளுக்கு ஏற்ப மேக்கப், தலை அலங்காரம் என்று டிசைன் செய்பவர். இவர் ஆரம்பத்தில் அஜீத்துக்கு சால்ட் இன் பேப்பர் ஹேர்ஸ்டைல்தான் என்று சொல்லும்போது வெங்கட் பிரபு வெலவெலத்து போய்விட்டாராம்.
ரசிகர்கள் ஏற்பார்களா?
அஜீத்தை ஏற்கனவே வயதுக்கு ஏற்ற கதாபாத்திரத்தில் காண்பிக்கிறோம். இதில் வெள்ளை முடியுடன் அவரை காண்பிக்கும்போது அவரது ரசிகர்கள் ஏற்றுக் கொள்வார்களா என்கிற பயம் வந்து தங்கை வாசுகிக்கு ஓகே சொல்லாமல் இருந்தாராம். வாசுகி பாஸ்கர் அதே பிடிவாதத்தில் இருக்க. தலகிட்டே ஒரு வார்த்தை கேட்டுவிடலாம் என்று கேட்டாராம் வெங்கட் பிரபு.
தல ஓகே
தல உடனடியாக நல்லாருக்கும்..ஓகே அப்படியே பண்ணிடலாம் என்று சொன்னாராம். இப்படி உருவான அந்த சால்ட் இந்த பெப்பர் ஹேர் ஸ்டைலை அஜீத் ரசிகர்கள் மட்டும் இல்லை... நடிகர்கள் பலரும் எல்லாரும் பின்பற்றினார்கள். இப்போதும் வெள்ளை முடியுடன் இருப்பது ஒரு ஸ்டைல் என்று கெத்தாக சுற்றுகிறார்கள்.