Azhagu serial: சன் டிவியின் ஹோம் அட்வர்டைசிங்குக்குத்தான் அழகு சீரியலா?

Updated: Friday, December 27, 2019, 12:29 [IST]

Subscribe to Oneindia Tamil

சென்னை: சன் டிவியில் அழகு சீரியலில் என்னதான் நடிகை ரேவதி ஸ்டார் காஸ்ட் என்றாலும், ஒரு எபிசொடுக்கான காட்சிகள் என்பது ரொம்ப ரொம்ப கம்மியாகத்தான் இருக்கிறது.

நடிகை ரேவதிக்கான கதாபாத்திர வெயிட் என்பதும் அவ்வளாவாக இல்லை. மருமகளாக நடிக்கும் சீரியல் நடிகை ஸ்ருதிக்கு நல்ல வெயிட் கதாபாத்திரம்.

ஆரம்பத்தில் ரேவதி சீரியலில் அடிக்கடி வந்து போனார். நடுவில் ரொம்ப எபிசோட்களில் காணாமல் போனவர் அண்மை காலமாக தொடர்ந்து தலை காண்பித்துக் கொண்டு இருக்கிறார்.

நடிகை ஐஸ்வர்யா

நடிகை ரேவதியின் நாத்தனாராக நடித்து வந்த நடிகை லக்ஷ்மியின் மகள் நடிகை ஐஸ்வர்யா இப்போது அண்ணன் மகன் திருநாவின் கல்யாணத்துக்கு கூட தலை காண்பிக்கவில்லை. ரேவதியின் மூத்த மகள் ஐஸு மற்றும் அவரது கணவர் வீட்டார் கூட திருநாவின் கல்யாணத்தில் கலந்து கொள்ளவில்லை.

செய்யாமல் கூட

இதை எல்லாம் டிக்ளேர் செய்ய கூட நேரமில்லாமல் ஒரு சீரியலில் கல்யாணத்தை நடத்துகிறார்கள். ஆனால், காட்சி கன்டினியூட்டி, உடை கன்டினியூட்டி என்று பார்த்து பார்த்து சீரியலை ஷூட் செய்து என்ன பயன். கதையின் கதாபாத்திரங்கள் மிஸ்ஸாவதை கவனிக்க வேண்டாமா?

எபிசோடில் முதல் இடைவேளை

எபிசோடில் முதல் இடைவேளை நேரத்திற்கு முன்னதான காட்சியில், எண்ணி நான்கு அல்லது ஐந்து உரையாடல்கள் மட்டுமே கதாபாத்திரங்கள் பேசுவார்கள். உடனே விளம்பர இடைவேளை.. அடுத்து சன் டிவியின் ஹோம் அட்வார்டைசிங் வந்துவிடும்.

எபிசோடில் அடுத்த விளம்பரம்

எபிசோடில் அடுத்த விளம்பர இடைவேளை வருவதற்குள், ஒரு சில கட் ஷாட்கள் மட்டுமே இடம்பெற்று இருக்கும். அடுத்து விளம்பரம். கடைசி சில நிமிடங்கள் மட்டுமே அழகு சீரியலில் கதை காட்சிகள் புரியும்படி இருக்கும். இப்படி பெரிய ஸ்டார் நடிச்சு இருக்கும் சீரியலை சன் டிவி ஹோம் விளம்பரத்துக்கு பயன்படுத்திக் கொள்கிறது.

இதுவும் ஒரு விளம்பர யுக்திதானோ?!