பவதாரிணி பாடலை இளையராஜா யூஸ் பண்ணினாரா?

Published: Friday, November 1, 2019, 16:50 [IST]

Subscribe to Oneindia Tamil

சென்னை: இசை ஞானி இளையராஜா தனது மகள் இசை அமைப்பாளர், பாடகியான பதாரிணியின் பாடலை ஒரு படத்தின் பாடலுக்கு எடுத்து கொண்டாராம்.. கேட்கவே ஆச்சரியமா இருக்கு...!

நிறைய யூடியூப் ஆரம்பித்து 90 சதவிகிதம் அத்தனையும் பாப்புலராகி வருகிறது. ஆனால், பிரபலங்கள் நெருக்கம் அதிகமுள்ள,அல்லது சின்னத்திரை பெரிய திரையில் தடம் பதித்தவர்கள் யூடியூப் சானல்கள் ஆரம்பிக்கும்போது அதில் பிரபலங்களின் நேர்காணல் அதிகம் இருக்கும்.

அப்படி ஒரு யூடியூப் சானல்தான் முத்திரை டிவி. இதில் இசைப் புயலின் சகோதரியும், இசை ஞானியின் மகள் பவதாரிணியும் இந்த சானலுக்கு நேர்காணல் கொடுத்து இருந்தார்கள்.

ரஹமான் ரெஹானா

ரெஹானா ஆரம்பத்தில் சகோதரர் ஏ.ஆர். ரஹ்மானுக்கு விளம்பர பாடல்கள் எழுதிக் கொடுத்துக்கொண்டு இருந்தாராம். அதோடு வேற்று மொழியில் வரும் விளம்பர வரிகளை அப்படியே மொழி பெயர்க்காமல் கிரியேட்டிவியாக மொழி பெயர்த்து வரும் பணிகளையும் செய்து வந்ததாக கூறினார்.

ஆசை பாடல்

சின்ன சின்ன ஆசை பாடல் டியூன் முதன் முதலில் ரெஹானாவுக்குத்தான் ரஹ்மான் கொடுத்தாராம். அத்துடன் புது வெள்ளை மழை பாடலும். ஆனால், முக்கி முக்கி இவர் எழுதிக் கொண்டு இருக்க, வைரமுத்து பாடலை எழுதிக் கொடுத்து விட்டாராம். இவரது மகன் ஜி.வி.பிரகாஷை நடிக்க சொல்லி அவர் நடிக்க ஆரம்பிப்பதற்கு பல வருடங்கள் முன்பே இவரிடம் கேட்டார்களாம். ஜி.வி கண்ணில் ஒரு ஒளி இருக்கிறது என்று அவர்கள் சொன்ன காரணத்தை சொன்னார் ரெஹானா.

ஆல்பம் செய்தேன்

ரெஹானா சொல்ற மாதிரி நானும் எல்லா இன்ஸ்ட்ருமெண்ட்ஸும் கை வச்சு ஆல்பம் போட்டு இருக்கேன். முதன் முதலில் மித்ரா மை ஃபிரண்ட் படத்துக்கு இசை அமைக்க ரேவதி மேம் கூப்பிட்டாங்க. அப்பா கூட சின்ன வயசில ரெக்கார்டிங் நடக்கும்போது போயிருக்கேன்.

நேரத்தில் ஜானகி அம்மா

அஞ்சலி படத்தில் இரவு நிலவு உலகை ரசிக்க பாடலை ஜானகி அம்மா வந்து அரை மணி நேரத்தில் பாடி குடுத்துட்டு கிளம்பிட்டாங்க. அது அவ்ளோ கஷ்டமான பாடல்.. எனக்கு ரொம்ப ஆச்சரியமா இருந்ததுன்னு பவதாரிணி சொன்னார். முதன் முதலில் நீங்கள் ஆல்பம் போட்டு அப்பாவிடம் காண்பித்த போது என்ன சொன்னார் என்று கேட்டபோது...

அதன் பாடல்

ஒரு ஆல்பம் பண்ணினேன்.. ஏசுதாஸ் அங்கிள்தான் பாடினாங்க. அதை அப்பாகிட்டே காண்பிச்சேன்.. பா.விஜய் சார் எழுதின லிரிக். ஷைய ஷைய நீயா பொய் சொன்னே ஷைய ஷையன்னு வரும். லிரிக் நல்ல இருக்கே.. எங்கே ஒரு முறை வாசிச்சு காட்டுன்னு அப்பா சொன்னாங்க. நான் வாசிச்சு காட்டினேன்.

கொஞ்ச நாள் கழிச்சு பார்த்தால்.. ஃபிரண்ட்ஸ் படத்தில் ஷைய ஷைய ஓ ஷையான்னு அப்பா போட்டு இருந்தாங்க.. எனக்கு ரொம்ப பெருமையா இருந்துச்சு.. என்னோட இன்ஸபிரேசன் அப்பாவுக்கு இருந்து இருக்குன்னு என்று சொல்லி சிரித்தார்.

Published On November 1, 2019