பிக்பாஸ் 2 : கமலுடன் மேடையில் தோன்றப் போகும் மகள் ஸ்ருதி.. இது தான் காரணம்!

வரும் வாரம் பிக்பாஸ் நிகழ்ச்சியில் நடிகை ஸ்ருதிஹாசனும் பங்கேற்க இருப்பதாகத் தெரிகிறது.

Updated: Wednesday, June 27, 2018, 15:20 [IST]

Subscribe to Oneindia Tamil

சென்னை: பிக்பாஸ் நிகழ்ச்சியில் வரும் வாரம் நடிகர் கமலுடன் அவரது மகள் நடிகை ஸ்ருதிஹாசனும் பங்கேற்ப இருப்பதாக தகவல்கள் வெளியாகியுள்ளது.

2013-ஆம் ஆண்டு மிகப் பெரிய போராட்டங்களுக்கு பிறகு ரிலீசான படம் விஸ்வரூபம். கமல் நடித்து, தயாரித்து, இயக்கிய இப்படத்திற்கு விமர்சன ரீதியாக நல்ல வரவேற்பு கிடைத்தது. அதன் தொடர்ச்சியாக, தற்போது விஸ்வரூபம் இரண்டாம் பாகம் தயாராகியுள்ளது.

'ஆஸ்கர் ஃபிலிம்ஸ்’ நிறுவனத்துடன் இணைந்து கமல் தனது 'ராஜ்கமல் ஃபிலிம்ஸ் இண்டர்நேஷனல்’ நிறுவனம் மூலம் இப்படத்தைத் தயாரித்துள்ளார். இதற்கு ஜிப்ரான் இசையமைத்துள்ளார். இதில் உலக நாயகனுடன், பூஜா குமார், ஆண்ட்ரியா, ராகுல் போஸ், சேகர் கபூர் ஆகியோர் முக்கிய வேடங்களில் நடித்துள்ளனர்.

வரவேற்பு:

இம்மாதம் 11ம் தேதி இப்ப்டத்தில் டிரெய்லர் வெளியிடப்பட்டது. இணையம் வாயிலாக கமலின் மகளும், நடிகையுமான ஸ்ருதி இந்த டிரெய்லரை வெளியிட்டார். முதல் பாகத்தைப் போலவே இந்த டிரெய்லருக்கு ரசிகர்களிடையே நல்ல வரவேற்பு உள்ளது.

பிக்பாஸ் மேடையில்:

இந்த சூழ்நிலையில், விஜய் டிவியில் தான் தொகுத்து வழங்கி வரும் பிக்பாஸ் சீசன் 2 நிகழ்ச்சியில் வரும் வாரம், அதாவது ஜூன் 29ம் தேதி விஸ்வரூபம் 2 படத்தில் சிங்கிள் டிராக்கை வெளியிட இருப்பதாக கமல் அறிவித்துள்ளார்.

நடனம்:

டிரெய்லரைப் போலவே இந்தப் பாடலையும் ஸ்ருதியே வெளியிடுவார் எனக் கூறப்படுகிறது. ஆனால், கடந்த முறை போல் இல்லாமல் பிக்பாஸ் மேடையில் தோன்றி இப்பாடலை அவர் வெளியிடுவார் என்றும், கலைநிகழ்ச்சியில் நடனமும் ஆட இருக்கிறார் என்றும் தகவல்கள் தெரிவிக்கின்றன.

ரிலீஸ் தேதி:

இந்த நிகழ்ச்சியில் படத்தில் நடித்துள்ள மற்றவர்களும் வருவார்கள் என எதிர்பார்க்கப்படுகிறது. இப்படத்தை வரும் ஆகஸ்ட் 10-ஆம் தேதி ரிலீஸ் செய்ய படக்குழு திட்டமிட்டுள்ளது குறிப்பிடத்தக்கது.