பிக்பாஸ் 2 : பிக்பாஸுக்கு தொண்டைல கிச் கிச் சா? பழைய கம்பீரம் இல்லையே!
பிக்பாஸின் குரலில் பழைய கம்பீரம் இல்லாததால் மக்கள் சலிப்படைந்துள்ளனர்.
சென்னை: பிக்பாஸ் சீசன் 2வில் ஒலிக்கும் பிக்பாஸ் குரல் கடந்த முறை போல அவ்வளவு கம்பீரமாக ஈர்க்கும் வகையில் இல்லை என்பதே பரவலான கருத்தாக உள்ளது.
பிக்பாஸ் வெற்றியைத் தொடர்ந்து, தற்போது அதன் இரண்டாவது சீசன் விஜய் டிவியில் ஒளிபரப்பாகி வருகிறது. கடந்த முறை போலவே இதிலும், அவ்வப்போது பிக்பாஸ் ஒலி வடிவில் வந்து போட்டியாளர்களுக்கு கட்டளை இடுகிறார், தவறு செய்தால் கண்டிக்கிறார்.
ஆனால், கடந்த முறைக்கும் இம்முறைக்கும் பெரும் வித்தியாசம் காணப்படுகிறது. கடந்த சீசன் போல இம்முறை பிக்பாஸின் குரல் அவ்வளவு கம்பீரமாக இல்லை என்பதே பெரும்பாலான மக்களின் கருத்தாக இருக்கிறது.
ஒருவேளை பிக்பாஸுக்கு டப்பிங் பேசுபவரை மாற்றி விட்டார்களா அல்லது அதே நபருக்கு தொண்டையில் ஏதும் பிரச்சினையா எனத் தெரியவில்லை. தற்போது வரும் குரலில் அவ்வளவாக கம்பீரமும் இல்லை, மிடுக்கும் இல்லை.
ஏற்கனவே, பிக்பாஸ் சீசன் 2 ஆரம்பித்த சில நாட்களிலேயே போரடிக்க ஆரம்பித்து விட்டதாக மக்கள் புலம்ப ஆரம்பித்து விட்டனர். இதில் பிக்பாஸ் வாய்ஸும் சரியில்லாதது அவர்களை மேலும் சலிப்படைய வைத்துள்ளது.
Click it and Unblock the Notifications
Sign in with Google