அந்த ‘அணில்’ இன்னும் எலிமினேட் ஆகல பாஸ்!

பிக் பாஸ் வீட்டில் போட்டியாளர்களை விட அணில் ஒன்று பார்வையாளர்களை அதிகம் கவர்ந்து வருகிறது.

Updated: Wednesday, August 15, 2018, 11:15 [IST]

சென்னை: பிக் பாஸ் வீட்டில் அதிகாரப்பூர்வமாக நுழைந்த போட்டியாளர்கள் எண்ணிக்கை 16. ஆனால், சத்தமில்லாமல் அங்கு வசிக்கும் சில போட்டியாளர்களும் இருக்கிறார்கள். அவர்கள் தான் அணில், சிட்டுக்குருவி போன்றவர்கள்.

பிக் பாஸ் சீசன் 2 தொடங்கியதும் அதிகாரப்பூர்வமாக 16 போட்டியாளர்களை கமல் பிக் பாஸ் வீட்டிற்குள் அனுப்பி வைத்தார். தற்போது அவர்களில் 10 போட்டியாளர்கள் மட்டுமே களத்தில் உள்ளனர். மீதமுள்ள ஆறு பேர் கடந்த சில வாரங்களில் வெளியேற்றப்பட்டனர்.

இது அனைவருக்கும் தெரிந்த விசயம் தான். ஆனால், இந்தப் போட்டியாளர்கள் தவிர பிக் பாஸ் வீட்டில் அணில், சிட்டுக்குருவி என சிலரும் உள்ளனர்.

சுறுசுறுப்பாக அணில்:

போன சீசன் மாதிரி இந்த சீசன் விறுவிறுப்பாக இல்லை என்ற சலிப்பு மக்களைப் போலவே, கேமராமேன்களுக்கும் இருக்கிறது போல. அதனாலேயே தினமும் காலையில் வேக்கப் சாங் போடும் போது சுறுசுறுப்பாக அந்த அணிலைக் காண்பித்து தான் பெரும்பாலும் பிக் பாஸ் வீட்டின் காட்சிகளை ஆரம்பிப்பார்கள்.

எலிமினேட் ஆன அணில்:

இந்நிலையில், கடந்த சில நாட்களாக அந்த அணிலை காட்டவில்லை. அதற்குப் பதிலாக சிட்டுக்குருவி ஒன்றைக் காட்டி வந்தார்கள். இதனால் அது எலிமினேட் ஆகி விட்டதாக நெட்டிசன்கள் கிண்டலடித்து வந்தனர். அதோடு, வைல்ட் கார்டு எண்ட்ரியாக சிட்டுக்குருவி வந்திருப்பதாகவும் அவர்கள் கூறினர்.

மகிழ்ச்சி பாஸ்:

ஆனால், அவர்களின் யூகம் எல்லாம் பொய், தான் இன்னும் பிக் பாஸ் வீட்டில் தான் இருக்கிறேன் என நேற்று மீண்டும் அட்டெண்டன்ஸ் போட்டுள்ளது அணில். இதனால் அதன் ரசிகர்கள் மகிழ்ச்சி அடைந்துள்ளனர். போகிற போக்கைப் பார்த்தால் அந்த அணிலுக்கு ஒரு ஆர்மி ஆரம்பித்தாலும் ஆச்சர்யப்படுவதற்கில்லை

புலம்பல்:

இந்த அணில், சிட்டுக்குருவி தவிர பிக் பாஸ் வீட்டில் சில எலிகளும் இருக்கின்றன. ஓடவும் முடியாது ஒளியவும் முடியாது என கேமராக்களால் சூழப்பட்ட வீட்டில் அந்த எலிகளை இதுவரை யாரும் காட்சிகளில் காட்டியதில்லை. ஆனால், போட்டியாளர்கள் மட்டும் அவ்வப்போது இது குறித்து புலம்புவார்கள்.