வனிதாவிற்கு டப் கொடுத்த பாலா... மீண்டும் எழுந்த ஜூலி.. சூடுபிடிக்கும் அல்டிமேட் ஆட்டம்

Published: Wednesday, February 9, 2022, 10:20 [IST]

Subscribe to Oneindia Tamil

சென்னை: பிக்பாஸ் அல்டிமேட் நிகழ்ச்சியில் நடக்கும் டாஸ்க்குகளால் தற்போது விருவிருப்பு கூடியிருக்கிறது.

கடந்த வாரம் ட்ரெண்டிங் பிளேயராக வந்த வனிதாவிற்கு டப் கொடுக்கும் விதமாக இந்த வாரம் பாலா கலக்கிக் கொண்டிருக்கிறார் என்று ரசிகர்கள் கூறுகின்றனர்.

கொளுத்திப் போட்ட பிரபலம்

பிக் பாஸ் நிகழ்ச்சியை போன்று பிக்பாஸ் அல்டிமேட் நிகழ்ச்சி தற்போது ஹாட்ஸ்டாரில் ஒளிபரப்பாகி வருகிறது. இந்த நிகழ்ச்சியில் விருவிருப்பு கூட்டுவதற்காக தினமும் போட்டியாளர்களுக்குள் பஞ்சமில்லாமல் சண்டைகளை பத்த வைத்து வருகிறார்கள். ஆரம்பத்தில் 14 போட்டியாளர்கள் அறிமுகமாகி முதல் வாரத்தில் சுரேஷ் சக்ரவர்த்தி வெளியேறி இருக்கிறார். சுரேஷ் சக்கரவர்த்தி பிக் பாஸ் அல்டிமேட் நிகழ்ச்சியிலிருந்த வரைக்கும் பிக் பாஸ் நிகழ்ச்சிக்கு கண்டென்ட் அதிகமாகக் கொடுக்கிறேன் என்று இவர் நன்றாகவே கொளுத்திப் போட்டு வந்தார்.

விளையாட்டை தொடங்கிய பாலா

முதல் வாரத்தில் அதிகமான ரசிகர்கள் வனிதா அல்லது அபிநய் தான் வெளியே செல்வார்கள் என்று எதிர்பார்த்து இருந்தனர். ஆனால் இவர்கள் இருவரும் பாதுகாக்கப்பட்டு சுரேஷ் சக்கரவர்த்தி வெளியேறியது பலருக்கும் அதிர்ச்சியாக இருந்தது. இந்த நிலையில்தான் கடந்த வாரத்தில் ட்ரெண்டிங் பிளேயராக வனிதா இருந்துள்ளார் என்று அவருக்கு அவார்டு மற்றும் பேட்ச் கொடுத்து சிறப்பு படுத்தியுள்ளது பிக்பாஸ். இதை பொறுத்துக் கொள்ளாத பாலா தன்னுடைய விளையாட்டை தொடங்கியிருக்கிறார். வனிதா இப்படி விளையாடினால் நான் அவருக்கு மேலே விளையாடுவேன் என்று நிரூபிக்கும் விதமாக தான் தற்போது பாலாவின் செயல்பாடு இருந்து வருகிறது என்று பலரும் கூறி வருகின்றனர்.

டார்கெட் செய்யும் போட்டியாளர்கள்

ட்ரெண்டிங் பிளேயர் எனும் பட்டம் கொடுக்கப்பட்ட பேட்ச் முதலியவற்றை நேற்று நடந்த திருடன் போலீஸ் விளையாட்டில் சல்லி சல்லியாக பாலா உடைத்துவிட்டார். இதனால் காண்டான வனிதாவே இந்த வாரம் ட்ரெண்டிங் பிளேயராக வருகிறாரா அல்லது அவரை சீண்டிப் பார்த்த பாலா ட்ரெண்டிங் பிளேயர் ஆக வருகிறாரா? என்பது பலருடைய எதிர்பார்ப்பாக இருந்து வருகிறது. இந்தநிலையில் ஜூலி கடந்த சீசனில் விளையாடிய விளையாட்டிருக்கும் தற்போது இந்த நிகழ்ச்சியில் விளையாடுவதற்கும் நிறையவே மாற்றம் இருக்கிறது என்று ரசிகர்கள் கூறிக் கொண்டிருக்கும் நிலையில் சக போட்டியாளர்கள் இவரை அதிகமாக டார்கெட் செய்து வருகின்றனர்.

மீண்டும் எழுந்த ஜூலி

யாரும் எதிர்பார்க்காத வகையில் ஜூலி தற்போது தன்னுடைய விளையாட்டில் கவனமாக விளையாடி வருவதைப் பார்க்கும்போது ரசிகர்கள் மத்தியில் இவருக்கு நன்றாக வரவேற்பு அதிகரித்திருக்கிறது. இந்த நிலையில் நேற்று மீண்டும் தன்னுடைய பழைய நிலைக்கு ஜூலி திருப்பியுள்ளார். ஒரு சில நாட்களாக போட்டியாளர்களின் டார்கெட்டால் சோர்ந்து போயிருந்த ஜூலியின் மிரட்டலான ஆட்டம் நேற்றைய எபிசோடில் மீண்டும் காணப்பட்டதை பார்க்கும்போது ரசிகர்கள் அவருக்கு வாழ்த்துக்களை கூறி வருகின்றனர்.

Published On February 9, 2022