Captain Prabhakaran: கேப்டன் பிரபாகரன்" ரீ ரிலீஸில் வேட்டை! 10வது நாளிலும் இத்தனை கோடி வசூல்! பிரமாண்ட வெற்றி

சென்னை:( Captain Prabhakaran Box Office)தமிழ் சினிமாவின் 'கேப்டன்' என ரசிகர்களால் கொண்டாடப்பட்ட மறைந்த நடிகர் விஜயகாந்தின் 100-வது திரைப்படமான 'கேப்டன் பிரபாகரன்', 34 ஆண்டுகளுக்குப் பிறகு ரீ-ரிலீஸில் வெளியாகி, பாக்ஸ் ஆபிஸில் சாதனை படைத்து வருகிறது. ஒரு புதிய படம் போல, திரையரங்குகளில் வசூலை வாரிக்குவித்து வரும் இந்த நிகழ்வு, விஜயகாந்த் இன்றும் மக்கள் மனதில் ஒரு 'வசூல் மன்னனாக' வாழ்ந்து வருகிறார் என்பதை உணர்த்தியுள்ளது.

ஒரு வசூல் சக்கரவர்த்தியின் பயணம்

1991-ல் வெளியான 'கேப்டன் பிரபாகரன்' திரைப்படம், விஜயகாந்தின் சினிமா வாழ்க்கையில் ஒரு மகுடமாக அமைந்தது. விஜயகாந்தும், அவரது நெருங்கிய நண்பர் இப்ராஹிம் ராவுத்தரும் இணைந்து தயாரித்த இந்தப் படம், வெளியான இடமெல்லாம் வசூலை அள்ளியது. சில திரையரங்குகளில் 275 நாட்களுக்கு மேல் ஓடி, ஒரு சாதனையைப் படைத்தது.

அசத்தலான அம்சங்கள்

இந்தப் படத்தில் இடம் பெற்ற வசனங்கள், அதிரடியான சண்டைக் காட்சிகள், மற்றும் வில்லனாக வந்த மன்சூர் அலிகானின் மிரட்டலான நடிப்பு என அனைத்தும் ரசிகர்களைக் கவர்ந்தன. இசைஞானி இளையராஜாவின் இசையில் உருவான 'பாசமுள்ள பாண்டியரு' மற்றும் 'ஆட்டமா தேரோட்டமா' ஆகிய பாடல்கள், இன்றும் ரசிகர்களின் மனதில் ஒலித்துக் கொண்டிருக்கின்றன. இளையராஜாவின் பின்னணி இசை, படத்திற்குப் பெரும் பலமாக அமைந்தது.

ரீ-ரிலீஸில் பிரம்மாண்ட வசூல்

கடந்த ஆகஸ்ட் 22-ம் தேதி, 'கேப்டன் பிரபாகரன்' திரைப்படம் 4K தொழில்நுட்பத்தில் சுமார் 100 திரையரங்குகளில் மீண்டும் வெளியானது. முதல் இரண்டு நாட்கள் லட்சங்களில் வசூலித்தாலும், மூன்றாவது நாள் முதல் தினமும் ₹2 கோடிக்கு மேல் வசூலித்து சாதனை படைத்து வருகிறது.

10 நாள் வசூல்

படம் வெளியாகி 10 நாட்கள் ஆன நிலையில், ₹20 கோடி வரை வசூல் செய்து, புதிய படங்களுக்குப் போட்டியாக களமிறங்கியுள்ளது. 10-வது நாளில் மட்டும், இந்தப் படம் ₹2.33 கோடிகளை வசூலித்து, அதன் வசூல் குறையாமல் ஏறிக்கொண்டே செல்கிறது என்பதை நிரூபித்துள்ளது.

பிரபலங்களின் பாராட்டு

விஜயகாந்தின் இந்த ரீ-ரிலீஸ் வெற்றி, திரையுலகினரையும், ரசிகர்களையும் ஆச்சரியத்தில் ஆழ்த்தியுள்ளது. பல பிரபலங்கள் சமூக வலைத்தளங்களில் விஜயகாந்தின் வசூல் சாதனையைப் பாராட்டி வருகின்றனர். "இன்றும் கேப்டன் தான் வசூல் மன்னன்!" என்று பல இயக்குநர்களும், தயாரிப்பாளர்களும் நெகிழ்ச்சியுடன் கருத்து தெரிவித்து வருகின்றனர்.

விஜயகாந்தின் திரை வாழ்க்கையும், அவரது உதவும் மனப்பான்மையும், மக்களுடன் அவர் கொண்டிருந்த நெருக்கமும் தான் இந்தப் பிரம்மாண்ட வெற்றிக்குக் காரணம் என்று பலர் உணர்ச்சிபூர்வமாகப் பேசி வருகின்றனர். விஜயகாந்த் ஒரு நடிகராக மட்டுமல்ல, ஒரு நல்ல மனிதராகவும் மக்களின் மனதில் வாழ்ந்து வருகிறார் என்பதை, 'கேப்டன் பிரபாகரன்' திரைப்படம் இன்றும் நிரூபித்துக் கொண்டிருக்கிறது.

English summary

Captain Prabhakaran: The re-release of Vijayakanth’s 100th film, Captain Prabhakaran (1991), has taken the Tamil box office by storm. Released on August 22, 2025, in 4K format across 100 theatres, the film has collected over ₹20 crores within 10 days, earning more than ₹2 crores daily since the third day. Directed by R. K. Selvamani, the film originally ran for over 275 days during its initial release and became a milestone in Vijayakanth’s career. The movie’s powerful dialogues, thrilling action sequences, Mansoor Ali Khan’s villainous role, and Ilaiyaraaja’s evergreen music contributed to its timeless appeal. Fans and celebrities alike are celebrating this massive success, calling Vijayakanth the eternal “Box Office King,” proving that his legacy and connection with the audience remain stronger than ever.