chithi 2 serial: சித்தீதீதீதீதீதீதீ... 2 வந்தாச்சு.. அப்ப ராசாத்தி கதி!?
சென்னை: ராதிகா சரத்குமாரின் சித்தி 2 சன் டிவியில் வரும் 27ம் தேதி முதல் இரவு 9 மணிக்கு என்று அதிகாரப்பூர்வமாக ப்ரோமோ வெளியாகி உள்ளது.
சன் டிவியில் வழக்கமாக அந்த நேரத்துக்கு ஒளிபரப்பாகி வரும் ராசாத்தி சீரியலுக்கான நேரம் எப்போ என்கிற கேள்வி எழுந்துள்ளது.
சித்தி 2 சீரியல் ப்ரோமோ ராதிகா சித்தியாக வர பின்னணியில் கண்ணின் மணி கண்ணின் மணி என்கிற நித்யஸ்ரீயின் குரல் பாடலும் ஒலிக்கிறது.
பொங்கல் விடுமுறை
நான்கு நாட்கள் பொங்கல் விடுமுறை... அத்துடன் சனி ஞாயிறு ஆகிய இரு நாட்களும் பொங்கல் விடுமுறையோடு சேர்த்து தொலைக்காட்சிகள் நிகழ்ச்சிகளை வழங்கி வருவதால் ராசாத்தி சீரியலுக்கான நேரம் பற்றிய அறிவிப்பை சன் டிவி இன்னும் அறிவிக்கவில்லை.
ராசாத்தி சீரியல்
ராசாத்தி சீரியலில் ஒரு கல்யாணம் ரொம்ப இழுபறியாக இருக்க, அதற்கென தனியாக ஞாயிறு டபுள்ஸ் கொண்டாட்டத்தை நிறுத்தி, சன் குடும்ப விருதுகள் முடிந்த கையோடு ஒரு மணி நேரத்தை ராசாத்தி சீரியலுக்கு சன் டிவி வழங்க, அந்த நேரத்தில் திருமணத்தை முடித்தது ராசாத்தி சீரியல்.
9 மணி நேரம்
இந்த 9 மணி நேரத்தைத்தான் ராதிகாவின் சித்தி 2 வுக்கு வழங்கி இருக்கிறது சன் டிவி. வழக்கமா ரடான் டிவிக்கு சன் டிவி வழங்கி வந்த நேரம் என்பது 9:30 மணி நேரம்தான். இப்போது அந்த நேரத்தை சுந்தர் சி.யின் தயாரிப்பு நிறுவனம் பிடித்துக் கொண்டுள்ளது. இதற்கிடையில் ராசாத்திக்கான நேரத்தை சன் டிவி எப்போது ஒதுக்கித் தரும் என்று தெரியவில்லை.
சித்தி 2 -செம்பருத்தி
இப்போதைய காலக்கட்டத்தில் இரவு 9 மணி நேரம் என்பதுதான் அனைத்து தொலைக்காட்சிகள் இடையேயான ப்ரைம் டைம் சீரியல் காஸ்டிங் டைமாக பார்க்கப்படுகிறது. விஜய் டிவியில் எந்த சீரியலும் இந்த நேரத்தில் இல்லை என்றாலும், ஜீ தமிழ் டிவியின் செம்பருத்தி சீரியலில் இருந்து பலரையும் ஈர்க்க சன் டிவி சித்தி 2 வுக்கு இந்த நேரத்தை ஒதுக்கித் தந்து இருப்பதாகவே பார்க்கப்படுகிறது.