அதிதி ஐ லவ் யூ! டைரக்டர் ஷங்கர் சார்! என்னை மாப்பிள்ளையா ஏத்துக்கோங்க! பிரபல நடிகர் அட்ராசிட்டி
சென்னை: இயக்குநர் ஷங்கரின் மகள் அதிதியை தான் காதலிப்பதாக காமெடி நடிகர் ஒருவர் பேட்டியால் பரபரப்பு ஏற்பட்டது.
பிரம்மாண்ட இயக்குநர் ஷங்கரின் மகள் அதிதி சங்கர், விருமன் என்ற படத்தில் அறிமுகமாகியுள்ளார். இந்த படத்தின் இசை வெளியீட்டு விழாவில் நடிகர் கார்த்தியுடன் அமர்ந்து உட்கார்ந்த இடத்தில் இருந்தே டான்ஸ் ஆடி என்ஜாய் செய்தார்.
தனது அப்பாவின் செல்வாக்கை பயன்படுத்தாமல் நடிகையாக வேண்டும் என விரும்பி இந்த படத்தில் நடித்துள்ளார். இவர் இந்த படத்தில் ஒரு பாடலையும் பாடியுள்ளார்.
விருமன் திரைப்படம்
இந்த விருமன் திரைப்படம் நேற்றைய தினம் வெளியானது. இந்த படத்தில் அதிதியின் நடிப்பை வெகுவாக அனைவரும் பாராட்டினர். இந்த படம் இவருக்கு முதல் படம்போல் இல்லை. மிகவும் யதார்த்தமாக நடித்துள்ளார் எனபாராட்டுகள் குவிகின்றன.
ஷங்கர் உற்சாகம்
இதனால் ஷங்கர் மிகவும் உற்சாகத்தில் இருக்கிறாராம். இந்த நிலையில் தமிழ் சினிமாவில் பல்வேறு படங்களில் நகைச்சுவை நடிகராக நடித்துள்ள கூல் சுரேஷ், அண்மைக்காலங்களாக ரிலீஸ் ஆகும் படங்களை பார்த்துவிட்டு யூடியூப் சானல்களுக்கு பேட்டி அளித்து வருகிறார். அந்த வகையில் வெந்து தணிந்தது காடு, தி லெஜன்ட் உள்ளிட்ட படங்கள் எப்படியிருந்தது என்பது குறித்து விமர்சனங்களை காமெடியாக சொல்வார்.
லெஜண்ட்
வெந்து தணிந்தது காடு.. தி லெஜண்டுக்கு ஒரு ஓ போடு என ரைமிங்காக இவர் வசனங்களை பேசிவருவார். இதனால் நிறைய யூடியூப் சேனல்கள் இவரிம் பேட்டி எடுத்து வருகின்றன. அந்த வகையில் விருமன் படத்தின் முதல் நாள் காட்சியை பார்த்தார் கூல் சுரேஷ். அவர் யூடியூப் சேனல்களுக்கு பேட்டி அளித்தார்.
ஐ லவ் யூ அதிதி
அப்போது கையில் ஐ லவ் யூ என்ற போர்டை வைத்திருந்தார். அவர் யூடியூப் சேனல்களுக்கு அளித்த பேட்டியில் நான் அதிதியை காதலிக்கிறேன். எனது காதலை ஏற்றுக்கொண்டு ஷங்கர் தன்னை மருமகனாக ஏற்க வேண்டும். உங்கள் படத்தில் எப்படி காதலன், காதலியை சேர்த்து வைக்கிறீர்களோ, அது போல் என்னையும் அதிதியையும் சேர்த்து வையுங்கள் என கூல் சுரேஷ் கோரிக்கை விடுத்தார்.
Click it and Unblock the Notifications
Sign in with Google