புதிய கார் வாங்கிய CWC மோனிஷா பிளஸி! விலை என்ன தெரியுமா? ட்விட்டரில் எஸ்.கே. தங்கை உருக்கம்

Updated: Sunday, September 3, 2023, 10:56 [IST]

Subscribe to Oneindia Tamil

சென்னை: குக் வித் கோமாளி மோனிஷா புதிதாக கார் வாங்கியுள்ளார். அந்த காரின் விலை எத்தனை லட்சம் தெரியுமா?

விஜய் டிவியில் குழந்தை நட்சத்திரமாக அறிமுகமாகி கலக்க போவது யார் போன்ற காமெடி நிகழ்ச்சிகளில் நடித்தவர் மோனிஷா பிளஸி. எனினும் இவர் மிகவும் பேமஸ் ஆனது குக் வித் கோமாளியில் நடித்த பிறகுதான்.

குக் வித் கோமாளியில் 4ஆவது சீசனில் வந்த மோனிஷா, சிவாங்கி கோமாளியாக இருந்த போது என்னென்ன சேட்டைகள் செய்தாரோ அந்த இடத்தை மோனிஷா நிரப்பியதாகவே சொல்ல வேண்டும். அது மட்டுமல்லாமல் ஷிவாங்கி மாதிரியே இவர் மிமிக்ரியும் செய்து அசத்தினார்.

குக் வித் கோமாளி நிகழ்ச்சியில் பணியாற்றும் போதே சிவகார்த்திகேயனின் மாவீரன் படத்தின் மூலம் மோனிஷா அறிமுகமானார். அந்த படத்தில் சிவாவின் தங்கையாக நடித்திருந்தார். இந்த நிலையில் தற்போது மோனிஷா கார் வாங்கியுள்ளார். அந்த வீடியோவை சமூகவலைதள பக்கத்தில் அப்லோடு செய்திருந்தார்.

அவர் வாங்கிய கார் ஹூண்டாய் நிறுவனத்தின் புதிய மாடலான Exter மாடல் கார். இதன் விலை ரூ 12 லட்சமாகும். கார் வாங்கியது குறித்து மோனிஷா கூறியிருப்பதாவது: கடவுளுக்கு நன்றி, இப்போது கூட இது கனவு மாதிரிதான் இருக்கிறது. நடுத்தர பெண்ணான எனக்கு கார் வாங்குவது எல்லாம் பெரிய விஷயம்.

எனக்கு நினைவிருக்கிறது. எனது தந்தை கடந்த சில ஆண்டுகளுக்கு முன்பு பழைய காரை வாங்கியிருந்தார். அந்த கார் அங்க அங்க நின்று போகும். எல்லாரும் சேர்ந்து தள்ளி தள்ளி ஸ்டார்ட் செய்வோம். அதன் பிறகு சுத்தமாக ஓடவில்லை. சில ஆண்டுகள் கழித்து பழைய நானோ கார் வாங்கினோம். பார்ப்பவர்கள் எல்லாம் அந்த காரை கேலியாகவே பார்ப்பார்கள். அதை ஒரு காராக கூட மதிக்க மாட்டார்கள். ஆனாலும் நாங்கள் மகிழ்ச்சியாக இருந்தோம். இத்தனை ஆண்டுகளாக அதுதான் எங்களுக்கு உறுதுணையாக இருந்தது.

புதிய கார் வாங்குவது எப்போதும் கனவாக இருந்தது. இறுதியாக அது நடந்துவிட்டது. கடவுளுக்கு நன்றி தெரிவித்துக் கொள்கிறேன். இவ்வாறு மோனிஷா பிளஸி தெரிவித்துள்ளார். ஹுண்டாய் எக்டரில் 5 சீட்டுகள கொண்டது. அதில் 17 வேரியண்டுகள் உள்ளன. ஆட்டோமேட்டிக் ,மேனுவல் என இரு வகைகளிலும் கார்கள் உள்ளன. பெட்ரோல் வாகனம் என்றால் 19 கி.மீ. மைலேஜ் கொடுக்குமாம். இதில் பெட்ரோலுக்கு பதிலாக கேஸும் நிரப்பிக் கொள்ளலாம்.