Rasathi Serial: தேவயானி நல்லாருக்காங்க... யாருக்குமே வெயிட் இல்லை!

Updated: Saturday, December 14, 2019, 16:07 [IST]

Subscribe to Oneindia Tamil

சென்னை: சன் டிவியின் ராசாத்தி சீரியலில் தேவயானி நல்லாருக்காங்கன்னு மட்டும்தான் சொல்ல முடியும்.

ராசாத்தி சீரியலில் யாருக்குமே கதாபாத்திரம் வெயிட் இல்லாதபோது தேவயானிக்கு மட்டும் எப்படி கேரக்டர் ரோல் என்று சொல்ல முடியும்?

விஜயகுமார் போட்டோவை காண்பித்தே கதையை நகர்த்தியவர்கள் இப்போது தேவயானியை வைத்து நகர்த்தி வருவதாகத் தோன்றுகிறது.

ராசாத்தி விஜயகுமார்

ராசாத்தி சீரியல் ஆரம்பித்த புதிதில் உலக நாயகன் கமல்ஹாசனின் தேவர்மகன் படத்தில் வந்தது போல தேர்திருவிழாவில் குண்டு வெடித்து பரபரப்பாக கதை ஆரம்பித்தது. நடிகர் விஜயகுமார் கதைக்கு வலு சேர்த்தார். ஒரு சில எபிசோடுகளுக்குப் பிறகு அவர் இல்லை.

விஜயகுமார் போட்டோவில்

இப்போது விஜயகுமார் போட்டோவில் மட்டுமே உள்ளார். ஃபிளாஷ் பேக் காட்சிகளில் விஜயகுமார் வந்தால் கூட கதை எடுபடாது என்று ஆன நிலையில், தேவயானி இன்னொரு ஊரின் ஜமீன் குடும்பமாக வந்துள்ளார். விஜயகுமாரைத் தெரியும் என்பது போல கதையில் என்ட்ரி கொடுத்துள்ளார்.

இளமை அழகு

தேவயானி அழகு இளமை என்று அழுத்தமான கதாபாத்திரம் கொடுத்தாலும் அடிக்க பொருத்தமாக இருக்கிறார். ஆனாலும் இன்னமும் ஏனோதானோ என்றுதான் ராசாத்தி கதையில் கதாபாத்திரத்தில் வந்து போகிறார். அதனால், கதையில் இவரது பாத்திரம் எடுபடாமல் இருக்கிறது.

ரேட்டிங் ராசாத்தி

சன் டிவியில் இரவு நேரத்தில் 9 மணி நேர ஸ்லாட்டை பிடிப்பது என்பதும் அதை தக்க வைத்துக் கொள்வது என்பதும் தொடர்ந்து பாடுபட்டால்தான் முடியும். கொஞ்சம் அசந்தால் நேரம் பறிபோய் விடும். இப்படி நல்ல நட்சத்திரம் கிடைத்தும் கதையில் கோட்டை விட்டால் அப்புறம் ராசாத்திக்கு நேரமில்லா நேரம்தான் கிடைக்கும்.