அழகிய தீபா.. அருமையான பிறந்த நாள்.. ஜாலியா இருங்க.. சந்தோஷப்படுத்துங்க!
சென்னை: சீரியல்களில்தான் அழகழகான அம்மாக்களையும், அக்காக்களையும், வில்லிகளையும் காணலாம். சினிமாவில் கூட இவர்களை ஓரம் கட்டி ஒதுக்கி கண்ணீர் விட வைத்து விடுவார்கள்.. ஆனால் சீரியல்களில் இவர்களுக்குத்தான் ராஜ மரியாதை கிடைக்கும்.
அப்படிப்பட்ட அழகான நடிகைகளில் ஒருவர் தாங்க நம்ம தீபா நேத்ரன். கேரளாவைச் சேர்ந்தவர்.. பிறகென்ன சொல்லவா வேண்டும்.. அழகுக்கு.. அவருடைய கூந்தல் ஸ்பெஷல் அழகு.. சிரிப்பு கொள்ளை அழகு. நம்ம நடிகர் நேத்ரனின் மனைவிதான் தீபா.
நிறைய சீரியல்களில் நடித்துள்ளார்.. நடித்து வருகிறார். முதல் சீரியல் என்றால் அது கனா காணும் காலங்கள்தான். பிறகு சரவணன் மீனாட்சி, அன்னக்கொடியும் ஐந்து பெண்களும் ஆகிய சீரியல்களிலும் முத்திரை பதித்துள்ளார் தீபா.
நல்ல அம்மா
அது மட்டுமல்லீங்க.. சினிமாவிலும் தலை காட்டியுள்ளார். தெனாலிராமன் படத்தில் வடிவேலுவுடன் காமடெி செய்துள்ளார். தற்போது விஜய் டிவியில் ஒளிபரப்பாகும் நாம் இருவர் நமக்கு இருவர் சீரியலில் நடித்துக் கொண்டிருக்கிறார். மாயனின் மாமியாராக, தேவியின் அம்மா கதாபாத்திரத்தில் கொஞ்சம் வில்லி, நல்ல அம்மா என்று நடித்து வருகிறார்.
குடும்ப விருது
சமீபத்தில் ஜீ தமிழ் டிவி நடத்திய விருதுகள் விழாவில் ஜீ தமிழ் குடும்ப விருது வாங்கி அசத்தினார்.. உண்மைதாங்க.. தமிழ் சீரியல்கள் பார்க்கும் குடும்பங்களுக்குள் உள்ளூர ஊடுறுவி நெஞ்சங்களில் ஜம்மென்று அமர்ந்திருக்கிறார் இந்த அழகு தீபா.
டான்ஸ் நிகழ்ச்சி
தீபா தனது கணவர் நேத்ரனைப் போலவே நல்ல டான்ஸரும் கூட. இவரும் இணைந்து விஜய் டிவியின் ஜோடி நம்பர் ஒன் நிகழ்ச்சியில் ஆடியுள்ளனர். இவர்களது குழந்தையும் டான்ஸில் பின்னிப் பெடலெடுப்பார். எல்லோரையும் போலவே நாமும் தீபாவை வாழ்த்துவோம்..
விஜய் டிவி சீரியல்
ஆர்ஜே.செந்தில் நடிக்கும் விஐய் டிவியின் நாம் இருவர் நமக்கு இருவர் சீரியலில் மாயனை கொல்ல சித்தப்புவுடன் சேர்ந்து சதி செய்யும் வில்லியாக நடித்து இருந்தாலும், மாயனின் மனைவி தேவிக்கு நல்ல அம்மாவாக நடித்து வருகிறார். கொஞ்சம் வில்லி நிறைய அம்மா என்று அந்த பாத்திரத்தில் நடித்து மிளிர்ந்து வருகிறார் தீபா நேத்ரன்.
Click it and Unblock the Notifications
Sign in with Google