பார்ப்பதற்குத்தான் கரடுமுரடு! சூப்பர் சிங்கர் திஷாதனாவின் கல்வி கட்டணத்தை ஏற்ற மிஷ்கின்

சென்னை: விஜய் டிவி சூப்பர் சிங்கர் 11 போட்டியாளர் திஷாதனாவின் கல்லூரி படிப்பிற்கான மொத்த செலவையும் ஏற்பதாக இயக்குநர் மிஷ்கின் தெரிவித்துள்ளார். அந்த பெண் தற்போது பிசியோதெரபி படித்து வருகிறார். மிஷ்கின் கலந்து கொண்ட நிகழ்ச்சி குறித்த வீடியோ வைரலாகி வருகிறது.

விஜய் டிவியில் சூப்பர் சிங்கர் 11 ஆவது சீசன் கடந்த ஆகஸ்ட் மாதம் தொடங்கியது. இதில் டெல்டா தமிழ், கொங்கு தமிழ், எங்கும் தமிழ், சென்னை தமிழ் என போட்டியாளர்கள் பிரிக்கப்பட்டு நிகழ்ச்சி நடத்தப்பட்டு வருகிறது.

இந்த சீசனில் உன்னி கிருஷ்ணன், அனுராதா ஸ்ரீராம், தமன், இயக்குநர் மிஷ்கின் உள்ளிட்டோர் நடுவர்களாக உள்ளனர். மிஷ்கின் இயக்குநர், நடிகர் மட்டுமில்லை, அவர் பாடகர், இசையமைப்பாளரும் கூட! "டெவில்" படத்தில் ஒரு பாடலுக்கு இசையமைத்துள்ளார்.

தற்போது முதல் முறையாக ரியாலிட்டி ஷோவில் கலந்து கொண்டுள்ளார். இந்த நிகழ்ச்சியில் சிறப்பு விருந்தினராக நாம் தமிழர் கட்சியின் தலைமை ஒருங்கிணைப்பாளர் சீமான் கலந்து கொண்டார். அப்போது மறைந்த பாடலாசிரியர்களை நினைவுப்படுத்தும் வகையில் போட்டியாளர்கள் பாடல்களை பாடினார்கள். "பானா காத்தாடி" படத்தில் இடம்பெற்ற "என் நெஞ்சில்" என்ற பாடலை திஷாதனா பாடினார்.

இலங்கை தமிழரான திஷாதனாவின் பெற்றோர் அகதிகளால் தமிழகம் வந்து நாமக்கல் அகதிகள் முகாமில் வசித்து வருகிறார்கள். திஷாதனாவின் தந்தை சென்ட்ரிங் வேலை செய்து மகளை பிசியோதெரபி படிக்க வைக்கிறார். திஷாதனா பாடி முடித்ததும், மிஷ்கின், "திஷா என்ன படிக்கிற, உன் கல்லூரி கட்டணம் எவ்வளவு" என கேட்டார்.

திஷா சொன்னதும், "உன் கல்லூரி கட்டணத்தை முழுக்க நானே கட்டுறேன், மேற்படிப்பு வேண்டுமானாலும் படி, நான் பார்த்துக் கொள்கிறேன்" என்றார். இது அவரையும் அவரது பெற்றோரையும் மகிழ்ச்சியில் ஆழ்த்தியது.

மேலும் மிஷ்கின் தனது கை கடிகாரத்தை திஷாவிடம் கொடுத்து தந்தையின் கையில் கட்டி விடச் சொன்னார். இந்த வீடியோ வைரலாகி வருகிறது. மிஷ்கின் பார்ப்பதற்கு கரடுமுரடாக இருந்தாலும் அவருக்கு நல்ல மனசு இருக்கிறது என நெட்டிசன்கள் பாராட்டி வருகிறார்கள்.

யார் இந்த மிஷ்கின்

இயக்குநர் மிஷ்கின் (இயற்பெயர்: சண்முகராஜா) தமிழ் சினிமாவின் தனித்துவமான மற்றும் முக்கியமான இயக்குநர்களில் ஒருவர். திகில், த்ரில்லர் மற்றும் இருண்ட நகைச்சுவை வகைத் திரைப்படங்களை இயக்கி, தனக்கென ஒரு தனி முத்திரையைப் பதித்துள்ளார்.

இயக்கம் மற்றும் பாணி

பாணி: மிஷ்கினின் படங்கள் பெரும்பாலும் நிதானமான திரைக்கதை, ஆழமான கதாபாத்திரங்கள், குறியீடுகள் நிறைந்த காட்சிகள் மற்றும் கவித்துவமான ஒளிப்பதிவு ஆகியவற்றால் அறியப்படுகின்றன.

தாக்கங்கள்: ஜப்பானிய இயக்குநர் அகிரா குரோசாவா மற்றும் தென் கொரிய இயக்குநர் கிம் கி-டக் ஆகியோரின் பாணியால் இவர் பெரிதும் ஈர்க்கப்பட்டுள்ளார். இவருடைய படங்களில், மேற்கத்திய திரைப்படங்களின் noir (இருண்ட திரைப்படம்) பாணியின் தாக்கம் அதிகம் இருக்கும்.

மறுசுழற்சி: இவர் தனது படங்களில் சில காட்சிகளையும், கருப்பொருள் மையங்களையும் மீண்டும் மீண்டும் பயன்படுத்துவது இவரின் தனிச்சிறப்பு.

முக்கியமான திரைப்படங்கள்

சித்திரம் பேசுதடி (2006): இவரது முதல் படம், இந்தத் திரைப்படம் ஒரு புதுமையான, இருண்ட காதல் கதையைச் சொன்னது.

அஞ்சாதே (2008): சிறந்த விமர்சனங்களைப் பெற்ற இத்திரைப்படம், ஒரு போலீஸ் அதிகாரியின் வாழ்க்கையை யதார்த்தமாகப் படமாக்கியது.

நந்தலாலா (2010): ஜப்பானியப் படமான **'கிக்குஜிரோ'**வின் தழுவலான இது, ஒரு சிறுவனின் பயணத்தைக் குறித்த நெகிழ்வான கதை.

பிசாசு (2014): வணிக ரீதியாகவும், விமர்சன ரீதியாகவும் வெற்றி பெற்ற பேய்ப் படம். இதில், பேய்கள் நல்லவர்களாக சித்தரிக்கப்பட்ட ஒரு வித்தியாசமான முயற்சியைச் செய்தார்.

துப்பறிவாளன் (2017): துப்பறியும் கதையான இது, சர்லாக் ஹோம்ஸ் பாணியில் அமைந்தது.

சைக்கோ (2020): மனநலம் பாதிக்கப்பட்ட ஒரு கொலையாளியின் பார்வையில் சொல்லப்பட்ட இத்திரைப்படம், பலத்த சர்ச்சைகளையும், பாராட்டுகளையும் பெற்றது.

பிற பணிகள்

மிஷ்கின் இயக்கம் மட்டுமல்லாமல், சில திரைப்படங்களில் நடிகராகவும் நடித்துள்ளார். சவரக்கத்தி, சூப்பர் டீலக்ஸ், காத்துவாக்குல ரெண்டு காதல் போன்ற படங்களில் இவரது நடிப்பு குறிப்பிடத்தக்கது. இவர் தனது படங்களில் இசையமைப்பாளர், பாடகர் மற்றும் தயாரிப்பாளராகவும் பணியாற்றியுள்ளார். இவர் குணச்சித்திர வேடங்களிலும் நடித்து வருகிறார். லியோ, டிராகன் உள்ளிட்ட படங்களிலும் நடித்துள்ளார்.

English summary

Director Mysskin has announced that he will bear the full expenses of Super Singer Season 11 contestant Dishadana’s college education. The young singer is currently pursuing physiotherapy. A video of Mysskin making this announcement at an event has gone viral.