பாக்கியலட்சுமி சீரியலில் பாக்யாவாக நடிப்பவர் இவரா? ரசிகர்களுக்கு இன்ப அதிர்ச்சி கொடுத்த தகவல்!

Updated: Thursday, March 3, 2022, 20:27 [IST]

Subscribe to Oneindia Tamil

சென்னை: பாக்கியலட்சுமி சீரியலில் நடித்து வரும் பாக்யா பற்றிய ரகசிய தகவல்கள் கிடைத்துள்ளன. இதை பார்த்து ரசிகர்கள் இன்பத்தில் ஷாக்காகியுள்ளனர்.

விஜய் டிவியில் பல ரியாலிட்டி ஷோக்கள் இருந்தாலும் சீரியல்கள் ரசிகர்களின் மனதிற்கு பிடித்தமானவையாக மாறிவிட்டன. அதில் முக்கியமான சீரியல் பாக்கியலட்சுமிதான்.

இந்த சீரியலில் பாக்கியா கேரக்டரில் நடித்து வருபவர் சுசித்ரா. படிப்பறிவில்லாத பெண்ணாக இருந்து குடும்பத்தில் உள்ள அனைவரையும் கண்ணும் கருத்துமாக பார்த்துக் கொள்ளும் அம்மா கதாபாத்திரத்தில் நடித்துள்ளார்.

பாக்கியலட்சுமி சீரியல்

தன்னை கேப் கிடைக்கும் போதெல்லாம் அவமானப்படுத்தும் கணவர், மாமியாரை சமாளித்து அவற்றை வெளியே காட்டிக் கொள்ளாமல் வாழ்க்கையில் முன்னேறும் கதாபாத்திரமாக நடித்து வருகிறார். குடும்பத் தலைவிகளின் ஃபேவரைட் சீரியல் என்றால் அது இதுதான். இந்த சீரியலின் புரோமோவை கூட மக்கள் விடாமல் பார்த்து வருகிறார்கள்.

தமிழ் ரசிகர்கள்

கன்னடத்து நடிகையான இவர் தமிழ் ரசிகர்களின் மனதை கொள்ளை கொண்டுவிட்டார். இப்படிப்பட்ட சுசித்ரா குறித்து சில ரகசிய தகவல்கள் கிடைத்துள்ளன. இதனால் அவரது ரசிகர்கள் மகிழ்ச்சியடைந்துள்ளார்கள். இவர் தனது 14 ஆவது வயதில் குழந்தை நட்சத்திரமாக கன்னட திரைப்படத்தில் உபேந்திராவின் தங்கையாக அறிமுகமானார்.

கன்னட படங்கள்

இந்த திரைப்படத்தை தொடர்ந்து ஒன்மேன் ஆர்மி, மஞ்சுநாதா, காட்ஃபாதர், சிவா, பீமா, கிரெசி ஸ்டார் உள்ளிட்ட 20- க்கும் மேற்பட்ட கன்னட படங்களில் நடித்துள்ளார். இதையடுத்து கன்னடாவில் ஒரு சீரியலில் கூட இவர் நடித்துள்ளார். கன்னடம் மட்டுமல்லாமல் தெலுங்கு சீரியலிலும் நடித்துள்ளார்.

ஏஎல் விஜய் இயக்கம்

இவர் ஏஎல் விஜய் இயக்கத்தில் உருவான சைவம் திரைப்படத்திலும் முக்கிய கதாபாத்திரத்தில் நடித்துள்ளார். இந்த படத்திற்கு பின்னர்தான் பாக்கியலட்சுமி சீரியலில் நடிக்கும் வாய்ப்பை சுசித்ரா பெற்றார். இவருக்கு தற்போது ஏகப்பட்ட பட வாய்ப்புகள் குவிகின்றன. ஆனால் தனக்கு பெயர் வாங்கிக் கொடுத்த சீரியலை விட்டுவிட்டு செல்ல மனமில்லாமல் அவர் "பாக்கியலட்சுமியாகவே" இருந்து வருகிறார்.