மணிச்சத்தம் கேட்குதே.. சமையலை விடுங்க.. பிரியங்காவின் சம்பளத்தை பாருங்க.. இதுவா காரணம்? அப்ப மணிமேகலை

Updated: Friday, September 20, 2024, 16:09 [IST]

Subscribe to Oneindia Tamil

சென்னை: பிரியங்கா, மணிமேகலை விவகாரத்தின் பரபரப்பு இன்னமும் அடங்காத நிலையில், அதுகுறித்து நெட்டிசன்களும் தொடர்ந்து தங்கள் கருத்துக்களை பதிவிட்டு கொண்டே வருகிறார்கள். இந்நிலையில், இவர்கள் 2 பேரும் குக் வித் கோமாளி நிகழ்ச்சியில் எவ்வளவுதான் சம்பளம் பெற்றார்கள்? என்ற தகவல் தீயாய் பரவி வருகிறது.

விஜய் டிவியில் கடந்த 4 வருடங்களாகவே மக்களின் பேராதரவை பெற்று வந்தது குக் வித் கோமாளி நிகழ்ச்சி... காமெடிக்கு பஞ்சமே இல்லாத அளவுக்கு, சமையல் ஒருபக்கம், நகைச்சுவை மறுபக்கம் என ரசிகர்களை ஈர்த்திருந்தது.

சீசன்: ஒவ்வொரு சீசனிலும் மக்கள் தந்த ஆதரவால், அடுத்தடுத்த சீசன்கள் வெளிவந்து கொண்டிருக்கின்றன. ஆனால், இந்த 5வது சீசன், தலைகீழான மாற்றத்தை தந்துவிட்டது. சண்டையிலும், சச்சரவையிலும் சிக்கிவருகிறது.

ஆரம்பத்திலிருந்தே இந்த சீசனில் நிறைய தடைகள் ஏற்பட்டு வருகின்றன.. வெங்கடேஷ் பட்டுக்கு பதிலாக மாதம்பட்டி ரங்கராஜை நடுவராக போட்டு நிகழ்ச்சியை ஆரம்பித்தும்கூட, சர்ச்சைகள் ஓயவில்லை.. இப்போது மணிமேகலை விலகிவிடவும், உச்சக்கட்ட விமர்சனத்துக்கு ஆளாகிவிட்டது.. இந்த சீசன் இறுதிக்கட்டத்தில் உள்ளதால், பிரியங்கா தேஷ்பாண்டே வெற்றியாளராக அறிவிக்கப்பட வாய்ப்புள்ளதாகவும் சொல்கிறார்கள்.

மணிமேகலை: ஏற்கனவே மணிமேகலை விவகாரம் விவாத பொருளாக மாறியுள்ள நிலையில், பிரியங்கா வெற்றியாளராக அறிவிக்கப்பட்டால், அதன் விமர்சனங்கள் எப்படியிருக்கும் என்று தெரியவில்லை.

இந்த அளவுக்கு பரபரப்பையும், சர்ச்சையையும் ஏற்படுத்தி குக் வித் கோமாளி நிகழ்ச்சியில், பிரியங்கா, மணிமேகலை வாங்கிய சம்பளம் எவ்வளவு என்பது தற்போது இணையத்தில் கசிந்து வருகிறது.

அடுத்த சீசன்: குக் வித் கோமாளி சீசன் 5 நிகழ்ச்சியை தொகுத்து வழங்குவதற்கு மணிமேகலை ஒரு எபிசோடுக்கு 60 ஆயிரம் சம்பளம் வாங்குகிறார். அதுவே இந்த நிகழ்ச்சியில் போட்டியாளராக பங்கு பெறும் பிரியங்காவின் சம்பளம் 20 ஆயிரம் ஆகும்.. அதேபோல ஒரு ஷோவிற்கு ரூ. 18 ஆயிரம் சம்பளம் பிரியங்கா பெறுவதாகவும் கூறப்படுகிறது.

வழக்கமாக, விஜய் டிவியில் பிரியங்கா ஒரு நிகழ்ச்சியை தொகுத்து வழங்க ஒரு எபிசோடுக்கு 2 முதல் 2.5 லட்சம் வரை சம்பளம் பெறுகிறாராம். ஆனால், சமையல் மீது உள்ள ஈடுபாட்டினால், சம்பளத்தை குறைத்து பெற்றுக் கொண்டு, இந்த நிகழ்ச்சியில் பங்கேற்றுள்ளாராம்.