மஞ்சுளாவை பார்த்ததும் விஜயகுமாருக்கு காதல்! ஷூட்டிங்கில் திருமணம்! 48 ஆண்டாகியும் வெளிவராத படம்

Published: Sunday, November 10, 2024, 15:35 [IST]

Subscribe to Oneindia Tamil

சென்னை: மஞ்சுளாவும் விஜயகுமாரும் ஷூட்டிங் செட்டிலேயே திருமணம் செய்து கொண்ட படம் தற்போது வரை, அதாவது 48 ஆண்டுகளாகியும் இன்னும் வெளி வரவே இல்லை. அந்த படம் எது என்பதை தெரிந்து கொள்ளுங்கள்.

இதுகுறித்து செல்வன் அன்பு என்பவர் கூறியிருப்பதாவது: "உன்னிடம் மயங்குகிறேன்" 1976. விஜயகுமார் ஹீரோவாக நடித்துக்கொண்டிருந்த நேரம்....
அவர் ஒரு பீம்சிங் இயக்கும் படத்தில் நடித்துக் கொண்டிருந்தார். அந்த படத்தின் படப்பிடிப்பில் மேக்கப் ரூமில் படத்தின் இரண்டாவது நாயகனான ரஜினிக்கு ஒரு காஸ்ட்யூமை தந்தார்கள். அவர் புதுமுக நடிகர் என்பதால் யாரும் கண்டு கொள்ளவில்லை. ரஜினியோ தன் உடம்பை அதனுள் நுழைக்க சிரமப்பட்டார். "அது சிறிய சைஸ்...உங்களுக்கு சேராது" என விஜயகுமார் சொல்ல "காஸ்ட்யூமர் இதைத்தான் கொடுத்தார்" எனச் சொன்னார் ரஜினி.

விஜயகுமார் காஸ்ட்யூமரை அழைத்து "வேறு சரியான அளவுள்ள உடையை கொடுங்கள்" எனச் சொல்ல வேறு உடை தரப்பட்டது. அன்று முதல் துவங்கிய நட்பு தினமும் தனது காரில் ரஜினியை ட்ராப் செய்யும் அளவுக்கு வளர்ந்திருந்தது.

நாயகியாக ஸ்ரீப்ரியா பேசப்பட்டு நடிக்க வந்த மஞ்சுளாவைக் கண்டதும் மயங்கிப் போனார் விஜயகுமார். அப்போது விஜயகுமாருக்கு திருமணமாகி மூன்றாவது குழந்தை அருண் பிறந்திருந்தார்.படப்பிடிப்பின் இடைவேளையில் மஞ்சுளாவை பார்த்து "நான் உங்களை திருமணம் செய்ய ஆசைப்படுகிறேன். நீங்க என்ன சொல்றீங்க?" என கேட்டே விட்டார்.

திடுக்கிட்ட மஞ்சுளா விக்கித்துப்போனார். அடுத்தநாள் மஞ்சுளாவை பார்த்து "நேத்து நான் கேட்ட விஷயம் யோசித்தீர்களா?" எனக் கேட்டதும் மஞ்சுவோ "நானாக எந்த முடிவும் எடுக்க முடியாது" எனச் சொல்ல.. பெற்றோரைப் பார்த்து சம்மதம் வாங்கினார் விஜயகுமார்.

எளிமையாக அவர்கள் திருமணம் நடந்தது இந்தப் படத்தின் படப்பிடிப்பில் தான். எதிர்பாராமல் இயக்குனர் பீம்சிங் உடல் நலமில்லாமல் இறக்க காரைக்குடி நாராயணன் இயக்கி படத்தை வெளியிட நினைத்த போது தயாரிப்பாளர்-ரஜினி லடாய் உண்டாக...ரஜினி வெளியேற்றப்பட்ட கதை நமக்கு தெரியுமே...ரஜினியே தர்பார் விழாவில் சொன்னது...

தயாரிப்பாளர் சிவசுப்ரமணியன். '16 வயதினிலே' ராஜ்கண்ணுவின் சகோதரர். தயாரிப்பாளர் கவுன்சிலில் புகாரளித்து ரஜினியை வரவழைக்க நினைத்த அவரின் பாச்சா ரஜினியிடம் பலிக்கவில்லை... பீம்சிங் கடைசியாக இயக்கிய, விஜயகுமார்-மஞ்சுளா காதல் திருமணம் நடத்திய, ரஜினியை வெளியேற்றி வெறியேற்றிய அந்தப்படம்.. "உன்னிடம் மயங்குகிறேன்..." படம் இன்றும் வெளிவராமல் பெட்டிக்குள் தூங்குகிறது.... இவ்வாறு அவர் தெரிவித்தார்.

Published On November 10, 2024