Vaazhai OTT: வாழை ஓடிடி உரிமையை வாங்கியது யார் தெரியுமா? ஓடிடி ரிலீஸ் எப்போது?
சென்னை: மாரி செல்வராஜ் இயக்கிய 'வாழை’ திரைப்படம் வெளியான நாளிலிருந்து தமிழ் சினிமா ரசிகர்களின் மனதில் நீங்கா இடம் பிடித்துள்ளது. கலையரசன், திவ்யா துரைசாமி, நிகிலா விமல் உள்ளிட்ட பலர் நடித்துள்ள இப்படம், தூத்துக்குடி மாவட்டம் புளியங்குளத்தை கதைக்களமாகக் கொண்டு, வறுமை மற்றும் உழைப்பாளிகளின் போராட்டத்தை உணர்வுபூர்வமாக சித்தரித்துள்ளது.
'வாழை’ திரைப்படம் வெளியானதிலிருந்து, விமர்சகர்கள் மற்றும் ரசிகர்கள் மத்தியில் நல்ல வரவேற்பைப் பெற்று வருகிறது. படத்தின் கதை, இயக்கம், நடிப்பு என அனைத்து அம்சங்களும் பாராட்டப்பட்டு வருகின்றன. குறிப்பாக, படத்தின் கதாநாயகன் சிவணைந்தனின் பாத்திரத்தை கலையரசன் மிகவும் நெருக்கமாக சித்தரித்துள்ளதாக பலரும் பாராட்டியுள்ளனர்.
தியேட்டர்களில் தொடர்ந்து வெற்றிநடை போட்டு வரும் 'வாழை’ திரைப்படம், விரைவில் ஓடிடி தளமான டிஸ்னி+ ஹாட்ஸ்டாரில் வெளியாக உள்ளது. திரைப்படத்தின் டிஜிட்டல் உரிமைகளை டிஸ்னி+ ஹாட்ஸ்டார் கைப்பற்றியுள்ளது. செப்டம்பர் மாத இறுதியில் இப்படம் டிஸ்னி+ ஹாட்ஸ்டாரில் வெளியாகும் என எதிர்பார்க்கப்படுகிறது.
சிறுவன், நண்பர்கள், ஆசிரியை அவர்களின் அன்றாட சவால்கள் மற்றும் வெற்றிகளை பட்டவர்த்தனமாக காட்டியது படம். ஒவ்வொரு நடிகரும் தங்கள் கதாபாத்திரத்திற்கு நியாயம் கற்பித்து, படத்தின் ஒட்டுமொத்த தாக்கத்திற்கு பங்களிக்கின்றனர்.மாரி செல்வராஜின் தனித்துவமான கதை சொல்லும் பாணி மற்றும் சமூக பிரச்சினைகளை மையமாகக் கொண்டு திரைப்படங்களை எடுக்கும் முறை ரசிகர்களால் கொண்டாடப்பட்டு வருகிறது.
'வாழை’ திரைப்படமும் இதற்கு விதிவிலக்கல்ல. திரையரங்குகளில் பெரும் வரவேற்பைப் பெற்றுள்ள இப்படம், ஓடிடி தளத்திலும் அதே வெற்றியைத் தரும் என எதிர்பார்க்கப்படுகிறது.
ஆகஸ்ட் 23 அன்று வெளியானது முதல், 'வாழை' பார்வையாளர்கள் மற்றும் விமர்சகர்களிடமிருந்து நேர்மறையான விமர்சனங்களைப் பெற்றுள்ளது. செல்வராஜின் முந்தைய படைப்புகளான 'பரியேறும் பெருமாள்' மற்றும் 'கர்ணன்' போன்றவற்றுடன் பலர் இதை ஒப்பிட்டுள்ளனர். விடுதலை சிறுத்தைகள் கட்சித் தலைவர் திருமாவளவன் நேரில் சென்று மாரி செல்வராஜ் வீட்டில் விருந்து சாப்பிட்டு கவுரவித்தார் என்பது குறிப்பிடத்தக்கது.
Click it and Unblock the Notifications
Sign in with Google