Incredibles2...அப்பா அடிச்சா ஒன்றரை டன்னு வெயிட்டு!
சென்னை: நாளை மதியம் 12:30 மணிக்கு விஜய் டிவியில் Incredibles2 குழந்தைகளுக்கான திரைப்படம்.. தமிழில் ஒளிபரப்பாக இருக்கிறது. பெரியவர்கள் குழந்தைகளுக்கு வழிவிட்டு, அவர்களை இந்த படத்தை பார்க்க விடுங்கள்.
குழந்தைகள் மட்டுமா.. இப்போது பெரியவர்களும் குழந்தைகளோடு குழந்தைகளாக விளையாடி மகிழும் காலம். சோ..அவங்களோட உட்கார்ந்து நீங்களும் இந்த படத்தைப் பார்க்கலாம்.
அப்பா அடிச்சா ஒன்றரை டன்னு வெயிட்டு.. அம்மா தாவினா 100 அடி ஹைட்டு.. இப்படித்தான் படத்தின் ப்ரோமோவை விஜய் டிவி வெளியிட்டு வருகிறது. நடிகர்கள்னா யாருன்னு சொல்றது? எல்லாமே அனிமேஷன்...
அனிமேஷன் படம்
குழந்தைகள் இருக்காங்க.. ஆனா இல்லை. பெரியவர்கள் இருக்காங்க ஆனா இல்லை...வீடு..சாலை.. கார்.. ஊர் என்று இருக்கு..ஆனா இல்லை. இருக்கறது எல்லாமே அனிமேஷனில் இருக்குங்க. பாருங்களேன்..குழந்தைகளின் குதூகலம் நம்மையும் தொற்றிக்கொள்ளும்.
அக்கா தம்பி சண்டை
அக்கா, தம்பி என்று குழந்தைகளுக்குள் சண்டை.. அப்பா ஹீரோவாகவும், அம்மா வீரமான அம்மாவாகவும் குழந்தைகளுக்கு தெரியும்படியான ஒரு கதை. என்னதான் குழந்தைகளுக்குள் சண்டை என்றாலும், உடன்பிறந்தவர் ஒருவரை ஒருவர் விட்டுத் தர மாட்டார்.அது இந்த கதையில் உண்டு.
சூப்பர் ஹீரோ
சாகசங்கள் செய்யத் தெரிந்தாலே குழந்தைகள் மத்தியில் அவர்கள் மனதில் சூப்பர் ஹீரோவாக இடம்பிடித்து விடலாம். அப்படித்தான் இந்த கதையிலும் சூப்பர் ஹீரோ வருகிறார். நெருப்பை கையில் பிடிக்கிறார். மின்சார கம்பியைத் தூக்கிப் போடுகிறார். இப்படி ஏகப்பட்டவைகள்.
சின்ன பாப்பா செல்ல பாப்பா
சின்ன பாப்பா எங்கள் செல்ல பாப்பா என்று செல்லம் கொடுக்க கொடுக்க. அந்த குழந்தை செய்யும் வால்தனம் எல்லாரையும் ரசிக்க வைத்துவிடுகிறது. சின்ன பாப்பா காரில் போகும்போது வியந்து பார்க்கும் அழகு, பொம்மை போல இருக்கிற்றது. இருந்தாலும் இது அனிமேஷன் குழந்தை.
Click it and Unblock the Notifications
Sign in with Google