பாசிட்டவா நினைப்போம்.. ஜோடியாக வந்து சொல்லிச் சென்ற பவித்ரா - திரவியம்

Updated: Tuesday, May 25, 2021, 11:15 [IST]

Subscribe to Oneindia Tamil

சென்னை: நாம் என்ன நினைக்கிறோமோ அதுபடிதான் நம்முடைய வாழ்க்கையில் நடைபெறும் அதுபோல பாசிட்டிவ்வாக நினைத்தால் எல்லாமே பாசிட்டிவாக நடக்கும்.

தற்போது இருக்கும் சூழ்நிலைகளுக்கு ஏற்ப ரசிகர்களுக்கு விழிப்புணர்வை ஏற்படுத்திவரும் ஈரமான ரோஜாவே சீரியல் பிரபலங்கள் தற்போது வைரலாகியுள்ளனர்.

எந்த சூழ்நிலையிலும் அனைவருமே பாசிட்டிவ் என்னும் செய்தியை தான் எதிர்பார்ப்போம் ஆனால் தற்போது இருக்கும் சூழ்நிலையில் எல்லோருக்கும் நெகட்டிவே நல்லது என்ற நிலை உள்ளது.

பயம் தேவையில்லை

கொரோனா மட்டும் நெகட்டிவாக இருந்தால் போதும் என பலரும் மனதிற்குள்ளே பயந்து கொண்டுதான் வாழ்ந்து கொண்டிருக்கிறோம் .இந்த நோயின் தாக்கத்தினால் உலக நாடுகளே கதிகலங்கி கொண்டிருக்கும்போது இந்தியாவின் நிலைமை ரொம்ப மோசமாக போய்க்கொண்டிருக்கிறது. நாளுக்கு நாள் இதந் தாக்கம் அதிகரித்துக் கொண்டிருப்பதால் மக்கள் அதிகமாக பாதிக்கப்பட்டு வருகின்றனர் .

மன அழுத்தம்

உடல்நலக் குறைவாலும் , மனஅழுத்தத்தினாலும், நெருங்கியவர்களின் இழப்பினாலும் பலரும் தவித்துக் கொண்டிருக்கும் நேரத்தில் தன்னுடைய ரசிகர்களின் மனநிலையை பாசிட்டிவ் ஆக மாற்ற வேண்டும் என பல திரை பிரபலங்களும் முயற்சி எடுத்து வருகின்றனர் .அதில் ஈரமான ரோஜாவே சீரியல் பிரபலங்கள் வித்தியாசமாக வீடியோவை வெளியிட்டு இருக்கின்றனர்.

லாக்டவுன் தளர்வுகள்

தமிழக அரசு தற்போது லாக்டோன் போட்டு அதுவும் தளர்வுகள் இல்லா ஊரடங்குகளை போட்டு அனைவரையும் வீட்டிற்குள்ளேயே இருக்க வைத்திருக்கும் நேரத்தில் சிலர் நோயினாலும் சிலர் பயத்தினாலும் தவித்துக் கொண்டிருக்கின்றனர் .இந்த நேரத்தில் விஜய் டிவியில் ஒளிபரப்பாகி வரும் பிரபலமான சீரியல் ஈரமான ரோஜாவே சீரியல் கதாநாயகி பவித்ரா மற்றும் அந்த சீரியலின் கதாநாயகன் திரவியமும் தங்களுடைய அறிவுரைகளை வழங்கியிருக்கின்றனர்.

தைரியமாக எதிர்கொள்ளுங்கள்

அதில் எந்த சூழ்நிலையிலும் நேருக்கு நேர் தைரியமாக எதிர்கொள்ளும் போது அதில் வெற்றி தான் கிடைக்கும் அது போல தான் தற்போது இருக்கும் கஷ்டமான சூழ்நிலையிலும் கூட நாம் கடந்தாக வேண்டும் என்றும் கோராணா வீட்டிற்கு வெளியே இருந்தாலும் வீட்டிற்கு உள்ளே இருந்தாலும் சரி பாசிட்டிவ் எனும் நிலையில் இருந்தாலும் சரி அதனை ஜெயித்து விடலாம். பாசிட்டிவ் சிந்தனைகள் மட்டும் மனதில் இருந்தால் கண்டிப்பாக இதனை நாம் கடந்துவிடலாம்.

பாசிட்டிவ் எண்ணங்கள்

மனதளவில் ஸ்ட்ராங்காக இருந்தால் வீட்டிற்குள்ளே இருந்தால் கண்டிப்பாக விரட்டி அடிக்கலாம் என இவர்களிருவரும் விழிப்புணர்வு செய்திருக்கின்றனர் . இந்த வீடியோக்கள் தற்போது இன்ஸ்டாகிராமில் வைரலாக பரவி வருகிறது. இந்த சீரியலுக்கு பெரும் ரசிகர்கள் இருக்கும் நிலையில் தற்போதைய சூழ்நிலையில் அனைவரும் இந்த சூழ்நிலையை நினைத்து பயந்து கொண்டு இருக்கும் போது இவர்களின் விழிப்புணர்வு கொஞ்சம் ஆறுதலாகவும் பலருக்கு பாசிடிவ் ஆகவும் இருக்கிறது.