என்னாது மியா கலிஃபா பிக்பாஸ் வீட்டுக்கு வருகிறாரா? அன்னிக்கு அப்படி சொன்னாரே! இப்ப மட்டும் என்னவாம்?

மும்பை: நடிகர் சல்மான் கான் தொகுத்து இந்தி பிக்பாஸ் நிகழ்ச்சிக்கு வைல்ட் கார்டு என்ட்ரியாக ஆபாச படத்தின் நடிகை மியா கலிஃபா கலந்து கொள்வதாக ஒரு தகவல் வெளியாகியுள்ளது.

பிக்பாஸ் எனும் பொழுதுபோக்கு நிகழ்ச்சி முதலில் இந்தியில் தொடங்கியது. தற்போது தமிழ், தெலுங்கு, கன்னடம், மராத்தி உள்ளிட்ட மொழிகளில் நடைபெறுகிறது. இதில் இந்தி நிகழ்ச்சியை சல்மான் கான் தொகுத்து வழங்கி வருகிறார்.

இந்த நிகழ்ச்சியில் ஆபாச பட நடிகையான மியா கலிஃபா வைல்டு கார்டு என்ட்ரியாக பிக்பாஸ் வீட்டுக்குள் செல்ல உள்ளதாக செய்திகள் வெளியாகியுள்ளன. இது சமூகவலைதளங்ளில் வைரலாக பரவியது.

பிக்பாஸ் நிகழ்ச்சி

பிக்பாஸ் நிகழ்ச்சிகளில் கலந்து கொண்டாலே அவர்களுக்கு பட வாய்ப்புகள் வருகின்றன. அந்த வகையில் மியா கலிஃபாவும் பிக்பாஸில் கலந்து கொண்டால் அவருக்கும் படவாய்ப்புகள் வரும். அப்படி வரும் பட்சத்தில் பாலிவுட் நட்சத்திரங்களுக்கு பயங்கர டஃப் கொடுக்கும் நடிகையா மியா உருவெடுப்பார் என ரசிகர்கள் எதிர்பார்த்தனர்.

வதந்தி

இந்த நிலையில் இது போல் வதந்திகள் வருவது இது முதல்முறையல்ல. ஏற்கெனவே 2015 ஆம் ஆண்டு அவர் பிக்பாஸ் நிகழ்ச்சியில் கலந்து கொள்கிறார் என்ற தகவல் வெளியானது. இதற்கு மியா மறுத்தார். அப்போதே மியா கூறுகையில் தனது ட்விட்டர் பக்கத்தில் நான் ஒரு விஷயத்தை தெளிவுப்படுத்த விரும்புகிறேன். அதாவது நான் இந்தியாவில் ஒரு போதும் கால் எடுத்து வைக்க மாட்டேன்.

பிக்பாஸில் கலந்து கொள்ள எனக்கு ஆர்வம் இல்லை

அப்படியிருக்கும் போது நான் பிக்பாஸில் கலந்து கொள்ள எனக்கு ஆர்வம் இருப்பதாக கூறுபவர்களை கண்டிக்க வேண்டும் என தெரிவித்திருந்தார். கடந்த 2019 ஆம் ஆண்டு மியா வெளியிட்ட டவிட்டர் பதிவில் ஆபாச படங்கள் மூலம் நான் கோடிகளில் புரண்டு வருவதாக மக்கள் கருதுகிறார்கள். இது முற்றிலும் தவறான விஷயம். என்னிடம் மொத்தமாக இதுவரை 12 ஆயிரம் டாலர் ஊதியத்தை நடித்து பெற்றுள்ளேன். இதற்கு மேல் தாண்டியதில்லை.

ஆபாச படங்களில்

ஆபாச படங்களில் நடிப்பதை விட்டுவிட்டு வேறு வேலை தேடுவது என்பது கடினமான செயலாகும் என தெரிவித்திருந்தார். கடந்த 2014 - 2015 ஆம் ஆண்டு காலகட்டத்தில் 3 மாதங்கள் மட்டும் ஆபாச படங்களில் நடித்தார். அந்த மூன்று மாதங்களில் பல கோடிகளை சம்பாதித்ததாக பலர் கூறினர். ஆனால் ஆபாச படங்கள் மூலம் தான் 12 ஆயிரம் டாலர் மட்டுமே சம்பாதித்ததாக மியா தெளிப்படுத்தியுள்ளார்.

இந்தியாவில் காலடி எடுத்து வைக்க மாட்டேன்

இந்தியாவுக்கு காலடி எடுத்து வைக்க மாட்டேன் என மியா கூறியிருந்த நிலையில் அவர் பிக்பாஸ் நிகழ்ச்சிக்குள் வருவார் என்பது வதந்தி என சொல்லப்படுகிறது. இது மியா ரசிகர்களுக்கு இடி விழும் செய்தியாக மாறியுள்ளது. பிக்பாஸ் சீசன் 9 முதல் மியா குறித்த செய்திகள் வெளியாகி கொண்டிருக்கின்றன. முதலில் செய்தியாக வெளியாகும் நிலையில் பிறகு அது வதந்தியாக மாறிவிடுகிறது. பிக்பாஸ் மூலம் பாலிவுட்டில் நடிக்கும் வாய்ப்பு மியாவுக்கு கிடைத்தால் அவர் சன்னி லியோனுக்கு டஃப் கொடுப்பார் என எதிர்பார்க்கப்பட்டது. ஆனால் முதலுக்கே மோசம் என்பதை போல அந்த தகவலே வதந்தி என குறிப்பிடப்பட்டது.

English summary

Ex porn star Mia Khalifa entry into Salman Khan's Hindi Biggboss show?