இரண்டே ஆண்டுகளில் முடிவுக்கு வந்த திருமண வாழ்க்கை.. நடிகை ஹன்சிகா விவாகரத்து? காரணம் இதுதானாம்

Updated: Sunday, July 20, 2025, 16:53 [IST]

Subscribe to Oneindia Tamil

மும்பை: பிரபல நடிகை ஹன்சிகா மோத்வானிக்கு கடந்த இரு ஆண்டுகளுக்கு முன்பு தான் திருமணம் ஆகியிருந்தது. ஜெய்ப்பூர் கோட்டையில் பிரம்மாண்டமாக நடந்த அவர்களின் திருமணம் பலரது கவனத்தை ஈர்த்து இருந்தது. இதற்கிடையே ஹன்சிகா மோத்வானி திருமண வாழ்க்கையில் விரிசல் ஏற்பட்டுள்ளதாகவும் இருவரும் பிரிந்து வாழ்ந்து வருவதாகவும் செய்திகள் வெளியாகியுள்ளன.

தமிழ் சினிமாவில் கடந்த சில ஆண்டுகளுக்கு முன்பு வரை முன்னணி நடிகைகளில் ஒருவராக வலம் வந்தவர் ஹன்சிகா மோத்வானி. இவர் 2000களில் வெளியான ஷக்கலக்க பூம் பூம் என்ற குழந்தைகளுக்கான தொடரில் குழந்தை நட்சத்திரமாக நடித்திருந்தார். அதன் பிறகு சில ஆண்டுகள் கழித்து முதலில் இந்தியில் கதாநாயகியாக அறிமுகமானார்.

Hansika Motwani Divorce Rumors What Sohael Khaturiya says about the split After 2 Years of Marriage

ஹன்சிகா மோத்வானி

இந்தி, தெலுங்கு மொழிகளைத் தொடர்ந்து 2011ல் வெளிவந்த தனுஷின் மாப்பிள்ளை படத்தின் மூலம் இவர் தமிழிலும் அறிமுகமானார். தொடர்ந்து வேலாயுதம், அரண்மனை, ரோமியோ ஜூலியட், சிங்கம் 2 என பல்வேறு வெற்றிப் படங்களில் நடித்து வந்தார். இவருக்கும் மும்பையைச் சேர்ந்த பிரபலத் தொழிலதிபர் சோஹேல் கதுரியா என்பவருக்கும் 2022ல் திருமணம் நடைபெற்றது.

இதற்கிடையே திருமணமாகி இரண்டே ஆண்டுகளில் நடிகை ஹன்சிகா மோத்வானி- சோஹேல் கதுரியா திருமண வாழ்க்கையில் விரிசல் ஏற்பட்டுள்ளதாகத் தகவல் வெளியாகியுள்ளது. கடந்த சில மாதங்களாகவே இருவரும் பிரிந்து வாழ்ந்து வருவதாகவும் கூறப்படுகிறது.

ஹன்சிகாவுக்கு விவாகரத்து?

திருமணமாகி மூன்று வருடங்கள் கூட நிறைவடையாத நிலையில், ஹன்சிகாவுக்கும், தொழில் அதிபர் சோஹேலுக்கும் இடையே கருத்து வேறுபாடு ஏற்பட்டுப் பிரிந்து வாழ்வதாக வெளியாகும் செய்தி திரையுலகில் பரபரப்பை ஏற்படுத்தியுள்ளது. ஹன்சிகா தனது தாயுடன் வசித்து வருவதாகக் கூறப்படுகிறது. அதேபோல சோஹேலும் தனது பெற்றோருடன் தங்கி இருப்பதாகவும் தகவல் வெளியாகி உள்ளது.

என்ன நடந்தது?

கடந்த 2022 டிசம்பரில் இந்த ஜோடிக்குத் திருமணம் நடந்தது. முதலில் சோஹேலின் குடும்பத்துடன் ஒன்றாகவே ஹன்சிகா வசித்து வந்தார். இருப்பினும், சோஹேல் குடும்பத்தினருடன் ஒன்றாக இருக்கும்போது சில பிரச்சினைகள் ஏற்பட்டதாகவும் இதனால் அதே கட்டிடத்தில் வேறொரு வீட்டிற்கு அவர்கள் மாறியதாகவும் கூறப்படுகிறது. ஆனால், அதன் பிறகும் பிரச்சினை முடியவில்லையாம். கருத்து வேறுபாடுகள் தொடர்ந்து இருந்ததாகக் கூறப்படுகிறது.

பிரிந்து வாழ்வதாகத் தகவல்

அதைத் தொடர்ந்தே இருவரும் பிரிந்து வாழ்வதாகத் தகவல் வெளியாகியுள்ளது. நேற்றைய தினம் பிரபல ஆங்கில ஊடகத்தில் முதலில் இந்தச் செய்தி வெளியாகி பெரும் பரபரப்பைக் கிளப்பியது. இது குறித்து ஹன்சிகா தரப்பில் இதுவரை எந்தவொரு விளக்கமும் இல்லை. அதேநேரம் தொழிலதிபர் சோஹேல் இந்தச் செய்தியை மறுத்துள்ளார். விவாகரத்து குறித்த செய்திகளில் உண்மையல்ல என்று மட்டும் தெரிவித்தார். அதேநேரம் அவர்கள் பிரிந்து வாழ்வது பற்றிக் கேட்டபோது அதற்கு எந்தவொரு பதிலும் இல்லை.

லவ் ஷாதி டிராமா

33 வயதான ஹன்சிகாவுக்கும், 35 வயதான சோஹேலுக்கும் ஜெய்ப்பூரில் உள்ள ஒரு கோட்டையில் 2022 டிசம்பர் மாதம் பிரமாண்டமாகத் திருமணம் நடந்தது. அவர்களின் திருமண நிகழ்வுகள் ஹன்சிகாவின் லவ் ஷாதி டிராமா என்ற ரியாலிட்டி டிவி நிகழ்ச்சியிலும் ஒளிபரப்பப்பட்டது.

ஹன்சிகாவுக்கும் சோஹேலுக்கும் இடையேயான திருமணம் அறிவிப்பு வந்தபோதே அது பலரின் கவனத்தை ஈர்த்தது. ஏனெனில் ஹன்சிகா சோஹேலை திருமணம் செய்வதற்கு முன்பு, சோஹேல் ரிங்கி பஜாஜ் என்பவரை மணந்திருந்தார். ரிங்கியும் ஹன்சிகாவும் சிறந்த தோழிகள் என்றும் கூறப்பட்டது. ஆனால், சோஹேல் தனது சகோதரரின் நண்பர் என்பதால் நீண்ட காலமாகத் தெரியும் என்று ஹன்சிகா மற்றும் சோஹேல் இருவரும் விளக்கம் அளித்திருந்தது குறிப்பிடத்தக்கது.