நயனுக்கு அறம் அமைந்தது போல ஐஸ்வர்யா ராஜேஷுக்கு க/பெ ரணசிங்கம்?

சென்னை: விஜய் சேதுபதி & ஐஸ்வர்யா ராஜேஷின் க/பெ ரணசிங்கம்; இது ஒரு முக்கியமான கோலிவுட் படம் என்று சொல்லப்படுகிறது. இந்த படத்தின் இசை அமைப்பாளர் கிப்ரான் தனது ட்விட்டர் பக்கத்தில் படம் குறித்து தகவல் பகிர்ந்துள்ளார்.

கோவிட் 19 தொற்று காரணமாக வருகிற 14ம் தேதி வரை லாக்டவுன் அமலில் இருக்கும் நேரத்தில், திரைப்படங்கள், சின்னத்திரை சீரியல்களுக்கான போஸ்ட் புரடக்ஷன் பணிகளைத் துவக்கலாம் என்று அரசு அனுமதி அளித்து இருக்கிறது.

போஸ்ட் புரடக்ஷன் பணிகளில் ஒன்றான இசை அமைக்கும் பணியை கிப்ரான் துவக்க இருக்கும் பட்சத்தில், இசை அமைப்பதற்கு முன்னர் க/பெ ரணசிங்கம் படத்தை பார்த்துவிட்டு, படம் குறித்து வெகுவாக பாராட்டி இருக்கார்

ஐஸ்வர்யா விஜய் சேதுபதி

மக்கள் செல்வன் விஜய் சேதுபதி ஆரம்பத்தில் இருந்தே வித்தியாசமான கதாபாத்திரங்கள் ஏற்று நடித்து மக்கள் மத்தியில் பிரபலம் அடைந்தவர். ஐஸ்வர்யா ராஜேஷ் எளிமையான கதாபாத்திரங்களில் நடித்து, அனைத்து தரப்பு மக்களையும் கவர்ந்து இருப்பவர். தர்மதுரை படத்துக்குப் பிறகு இருவரும் க/பெ ரணசிங்கம் படத்தில் இணைந்துள்ளனர்.

நல்ல வாய்ப்புக்கள்

ஐஸ்வர்யா ராஜேஷுக்கு தமிழ், ஹிந்தி, மலையாளம், தெலுங்கு என்று பிற மாநில மொழி படங்களில் இருந்து நல்ல வாய்ப்புக்களாக வந்து நடித்து புகழடைந்தும் வருகிறார். பெண்களுக்கு பெயர் வாங்கித் தரும்படியான கதாபாத்திரங்களில் நடிக்க வேண்டும் என்று விருப்பம் உள்ளதாகவும் அவர் தெரிவித்து இருந்தார்.

கனா ஆசை

கனா படத்தில் நடித்ததன் மூலம் இந்த ஆசை நிறைவேறியது என்றும் அவ்வப்போது கூறி வந்தார் ஐஸ்வர்யா ராஜேஷ். நயன்தாரா மாதிரி, ஹீரோயின் சப்ஜெக்ட்டுக்காக படங்கள் ஓட வேண்டிய நிலை எல்லா ஹீரோயின்களுக்கும் வேண்டும் என்று கூறி இருந்தார். அதே சமயம் இந்த படம் தமிழ் சினிமாவில் முக்கியமான ஒன்றாகும் என்றும், தானும் அதில் ஒரு பகுதியாக இசை பங்கு வகிப்பது மகிழ்ச்சியாகவும் பெருமையாகவும் இருப்பதாக கிப்ரான் கூறியுள்ளார்.

க/பெ ராணசிங்கம்

அறம் படத்துக்குப் பிறகு, க/பெ ராணாசிங்கம் படம் தமிழ் சினிமாவில் மிக முக்கியமான திரைப்படங்களில் ஒன்றாக இருக்கும் என்றும் கிப்ரான் புகழாரம் சூட்டி உள்ளார். ஐஸ்வர்யா ராஜேஷ் இந்த படத்தின் தனது லுக்கை இன்ஸ்டாவில் வெளியிட்டமைக்கே பாராட்டுக்கள் குவிந்த வண்ணம் உள்ளன.

English summary

vijaysethupathi & Aishwarya Rajesh's ka/ pe Ranasingham; It is said to be an important Kollywood film. The music composer of the film, gibran, shared the picture on his Twitter page.