சிவகார்த்திகேயன் எனக்கு போட்டியா? என்கிட்ட நேரடியாக அவரே சொன்ன விஷயம் இதுதான்! ஜீவா விளக்கம்

சென்னை: தமிழ் சினிமாவில் சமீப காலமாக இரண்டு படங்கள் ரசிகர்களின் கவனத்தை ஈர்த்து வருகின்றன. சுதா கொங்கரா இயக்கத்தில் சிவகார்த்திகேயன் நடித்த பராசக்தி ஒருபுறம் விவாதங்களை கிளப்பிக் கொண்டிருக்க, மறுபுறம் நிதிஷ் இயக்கத்தில் ஜீவா நடித்த தலைவர் தம்பி தலைமையில் எதிர்பார்ப்பை மீறிய பாசிட்டிவ் ரெஸ்பான்ஸை பெற்று வருகிறது. இந்த சூழலில் ஜீவா அளித்த சமீபத்திய பேட்டி ஒன்று சினிமா வட்டாரத்தில் பேசுபொருளாகியுள்ளது.

அந்தப் பேட்டியில் சிவகார்த்திகேயன் குறித்து கேள்வி எழுப்பப்பட்டபோது, ஜீவா அளித்த பதில் பலரையும் ஆச்சரியப்பட வைத்தது. "நான் சினிமாவுக்கு வந்த காலகட்டத்தில் ரவி மோகன், தனுஷ், சிம்பு போன்றவர்கள் தான் எனக்கு சமகால நடிகர்கள். அவர்களையே நான் என் போட்டியாளர்களாக நினைக்கிறேன். ஆனால் சிவகார்த்திகேயனை நான் ஒருபோதும் போட்டியாக பார்த்ததில்லை" என டக்கெனு பதிலடி கொடுத்து விட்டார்.

மேலும் அவர் பேசும்போது, சிவகார்த்திகேயன் தன்னை முதன்முறையாக சந்தித்த தருணத்தை நினைவுகூர்ந்தார். "எஸ்கே என்னிடம், 'அண்ணா, உங்களுடைய படங்களை எல்லாம் பார்த்துதான் வளர்ந்தேன்' என்று சொன்னார். அந்த வகையில், நான் அவருக்கொரு இன்ஸ்பிரேஷனாக இருந்திருக்கலாம். அதில் எனக்கு மகிழ்ச்சிதான்" என்று மனம் திறந்து கூறினார்.

சிவகார்த்திகேயன் தற்போது கோலிவுட்டின் முன்னணி நடிகர்களில் ஒருவராக வளர்ந்துள்ள நிலையில், ஜீவாவின் இந்த அணுகுமுறை ரசிகர்களிடையே பாராட்டைப் பெற்றுள்ளது. 'அமரன்' போன்ற மெகா ஹிட் படங்களுக்குப் பிறகு எஸ்கே தொடர்ந்து பெரிய படங்களில் நடித்துவர, ஜீவாவுக்கு தலைவர் தம்பி தலைமையில் ஒரு முக்கியமான கம்பேக் படமாக அமைந்துள்ளது என்பதையும் பலர் சுட்டிக்காட்டுகிறார்கள்.

குறிப்பாக, ஜீவா நடித்திருந்த என்றென்றும் புன்னகை படத்தின் ஆரம்ப கட்டங்களில், ஒரு முக்கிய கதாபாத்திரத்தில் சிவகார்த்திகேயன் நடிக்க இருந்ததாகவும், பின்னர் அது நடக்காமல் போனதாகவும் சினிமா வட்டாரத்தில் ஏற்கனவே பேசப்பட்ட விஷயம். இவை எல்லாம் சேர்ந்து, "போட்டி அல்ல, பரஸ்பர மரியாதை" என்ற கோணத்தில் ஜீவாவின் பேச்சு ரசிகர்களிடம் நல்ல வரவேற்பை பெற்றுவருகிறது.

இளம் நடிகர்களின் வளர்ச்சியை சீனியர்கள் எவ்வாறு பார்க்கிறார்கள் என்பதற்கான உதாரணமாக, ஜீவாவின் இந்தப் பேட்டி தற்போது சமூக ஊடகங்களில் பரவலாக பகிரப்பட்டு வருகிறது.

English summary

Jiiva: Recent developments in Tamil cinema have drawn attention to two contrasting films: Sivakarthikeyan–Sudha Kongara’s Parasakthi, which continues to fuel debates, and Jiiva–Nithish’s Thalaivar Thambi Thalaimaiyil, which has surprised audiences with strong positive responses. Amid this backdrop, Jiiva’s latest interview has become a talking point. When asked about Sivakarthikeyan, Jiiva stated clearly that he never viewed him as a competitor, explaining that his contemporaries were actors like Ravi Mohan, Dhanush, and Simbu. Jiiva also fondly recalled Sivakarthikeyan once telling him that he grew up watching Jiiva’s films, suggesting a sense of inspiration rather than rivalry. At a time when Sivakarthikeyan is firmly established as a leading star and Jiiva is enjoying a comeback with Thalaivar Thambi Thalaimaiyil, fans have appreciated Jiiva’s perspective of respect over competition. The interview is now widely shared as an example of how senior actors acknowledge and encourage the growth of younger generations in the industry.