அடேய் விஜய் டிவி.. எப்ப பாரு இப்படி மட்டுமே ஷோ பண்ணுவியா.. நான்சென்ஸ்.. காண்டான காஜல் பசுபதி

Published: Wednesday, June 8, 2022, 16:41 [IST]

Subscribe to Oneindia Tamil

சென்னை: அடேய் விஜய் டிவி எப்ப பாரு இப்படி மட்டும்தான் ஷோ பண்ணுவியா என குறிப்பிட்டு பிக்பாஸ் ஜோடி நிகழ்ச்சி குறித்தும் நடிகை காஜல் பசுபதி பேசியுள்ளார்.

நடிகை காஜல் பசுபதி முதல் முறையாக அறிமுகமான படம் வசூல் ராஜா எம்பிபிஎஸ். இதில் ஒரு நர்ஸ் கதாபாத்திரத்தில் நடித்திருந்தார். பின்னர் ஜீவா நடித்த டிஷ்யூம் படத்திலும் சிங்கம், கோ, மவுனகுரு, கௌரவம், இரும்பு குதிரை, கலகலப்பு 2 போன்ற படங்களிலும் நடித்துள்ளார்.

இவர் நடன இயக்குநரான சாண்டியை காதலித்து திருமணம் செய்து கொண்டார். ஆனால் குடும்ப பிரச்சினை காரணமாக இருவரும் விவாகரத்து ஆகிவிட்டனர். சாண்டிக்கு மறுதிருமணமாகி இரு குழந்தைகள் உள்ளனர்.

பிக்பாஸ் நிகழ்ச்சி

காஜல் பிக்பாஸ் நிகழ்ச்சியில் கலந்து கொண்டார். எப்போதும் சமூகவலைதளங்களில் ஆக்டிவ்வாக இருந்து வருவார். இந்த நிலையில் விக்ரம் படத்தில் தன்னால் நடிக்க முடியவில்லையே என ஆதங்கத்தையும் அவர் வெளிப்படுத்தியிருந்தார். இந்த படத்தில் ஷிவானி, மகேஸ்வரி, மைனா நந்தினி ஆகியோர் நடித்திருந்தனர்.

சீரியல் ஆர்ட்டிஸ்ட்

சீரியல் ஆர்ட்டிஸ்ட் மூன்று பேரும் கமல் சார் படத்துல விஜய் சேதுபதி ஜோடியா சூப்பர் ஜி, எதுக்கும் நாங்களும் சீரியல பண்ணி இருக்கலாம் போல என காஜல் நகைச்சுவையாக பதிவிட்டிருந்தார். அதற்கு ரசிகர்கள் நீங்கள் ஏற்கெனவே சில படங்களில் செமையாக நடித்துள்ளீர்கள் என பதிவிட்டிருந்தனர்.

பிக்பாஸ் ஜோடி

அதற்கு காஜல், பெரிய பேனர் படங்களில் அவ்வப்போது சீரியல் நடிகைகளை பயன்படுத்துகிறார்கள் என தெரிவித்திருந்தார். மேலும் இவர் பிக்பாஸ் ஜோடி நிகழ்ச்சியையும் விட்டு வைக்கவில்லை. இதுகுறித்து அவர் தனது ட்விட்டர் பதிவில் கூறுகையில் அடேய் விஜய் டிவி எப்போ பாரு ஜோடினு ஜோடிஸுக்கு மட்டும்தான் ஷோ பண்ணுவியா, நான் சென்ஸ்.

நான்சென்ஸ்

மரியாதையா அடுத்த முறை பிக்பாஸ் முரட்டு சிங்கிள்ஸ்னு ஷோ பண்ணு மேன் என காமெடியாக தெரிவித்துள்ளார். இதற்கும் நெட்டிசன்கள் அவருக்கு காமெடியாக பதில் அளித்து வருகிறார்கள். இன்னும் சில முரட்டு சிங்கிள்கள் கரெக்ட் அக்கா, நீங்கள் கேட்பதுதான் சரி என்கிறார்கள்.

Published On June 8, 2022