3 மாதத்தில் 12 கிலோ எடை குறைத்த பிரபல இயக்குநர்.. காரணம் "காரக்குழம்பாம்".. அது எப்படி?
சென்னை: 3 மாதத்தில் 12 கிலோ எடையை குறைத்துள்ள குக் வித் கோமாளி கனியின் கணவர் இயக்குநர் திரு. இவர் யார் தெரியுமா?
தமிழ் சினிமாவில் இயக்குநர்களில் ஒருவர் திரு. இவர் விஷால் நடித்த தீராத விளையாட்டு பிள்ளை என்ற படத்தின் மூலம் தமிழ் சினிமாவில் அறிமுகமாகியிருந்தார்.
இதைத் தொடர்ந்து விஷால் நடித்த சமர், நான் சிகப்பு மனிதன் போன்ற படங்களை இயக்கியுள்ளார். இந்த படங்களும் திருவுக்கு நல்ல வரவேற்பை கொடுத்தன. அது போல் கார்த்திக் கவுதம் கார்த்திக் நடிப்பில் மிஸ்டர் சந்திரமௌலி என்ற படத்தை இயக்கியிருந்தார். ஆனால் அந்த படம் அத்தனை வெற்றியை தரவில்லை.
அதன் பிறகு இயக்குநர் திரு இயக்கத்தில் எந்த படமும் இதுவரை வெளியாகவில்லை. இவர் வேறு யாருமில்லை , நம்ம காரக்குழம்பு கனியைத்தான் காதலித்து திருமணம் செய்து கொண்டார். கனி- இயக்குநர் அகத்தியனின் மகளாவார். கனி விஜய் டிவியில் குக் வித் கோமாளி சீசன் 2 நிகழ்ச்சியில் கலந்து கொண்டார். இந்த நிகழ்ச்சியின் டைட்டில் வின்னர் கனிதான்.
இவர் சன் டிவியில் ஒளிபரப்பாகி வரும் சமையல் நிகழ்ச்சிக்கு தொகுப்பாளராகவும் இருந்து வருகிறார். கனி யூடியூப் சேனல் வைத்து சமையல் குறிப்புகளை சொல்லி கொடுத்து வருகிறார். இந்த நிலையில் இவருடைய கணவர் தனது உடல் எடை குறைப்பு குறித்து இன்ஸ்டாகிராமில் ஒரு பதிவு போட்டுள்ளார். அதில் அவர் கூறியிருப்பதாவது: நான் 3 மாத பிட்னஸ் சேலஞ்ச் எடுத்துக் கொண்டேன்.
நான் 76 கிலோவிலிருந்து 65 கிலோவுக்கு எடை குறைந்துள்ளேன். இதை உங்களுக்கு பகிர்ந்து கொள்ள விரும்புகிறேன். இந்த எடை குறைப்பை நான் எதிர்பார்க்கவே இல்லை. 3 மாத கடின உழைப்பு, அர்ப்பணிப்பு, சுய தேடல் என மிகவும் கஷ்டமாக இருந்தது. ஆனால் இந்த அளவுக்கு பலன் கொடுக்கும் என நினைத்துக் கூட பார்க்கவில்லை. நான் இப்போது முன்பை விட வலிமையாக இருக்கிறேன்.
நான் தினமும் உடற்பயிற்சி செய்ய ரொம்ப கஷ்டப்பட்டேன். இதை விட்டுவிடலாம் என்று கூட நினைத்தேன். ஆனால் கனியின் தொடர்ச்சியான ஆதரவு, ஊக்கம்தான் என்னை தொடர்ந்து உடற்பயிற்சி செய்ய வைத்தது. இதில் நான் கற்றுக் கொண்டது என்ன தெரியுமா, மன தைரியம், உறுதி இருந்தால் எந்த விஷயமும் நிச்சயம் கிடைக்கும் என்பதுதான். உங்களை நீங்கள் நம்புங்கள் உங்களை சுற்றி நேர்மையான எண்ணம் கொண்டவர்கள் இருக்குமாறு பார்த்துக் கொள்ளுங்கள் என கூறியிருக்கிறார்.
Click it and Unblock the Notifications
Sign in with Google