Kanmani Serial: சஞ்சீவ் ஸ்டார் காஸ்ட்..,பூர்ணிமா பாக்கியராஜ்.. கண்மணி ஓகே!
சென்னை: என்னதான் வாய்ப்பு சீக்கிரம் கிடைத்து விட்டாலும் அதை தக்க வைத்துக் கொள்ள திறமை தேவைப்படுகிறது. அந்த வகையில் நடிகர் சஞ்சீவ் சீரியல் காஸ்ட் நடிகர் என்று சொல்லலாம்.
சன் டிவியின் கண்மணி சீரியலில் இவருக்கு பொருத்தமான நல்ல கதாபாத்திரம். இந்த சீரியல் சன் டிவியில் சரியான நேரத்தில் ஒளிபரப்பாவதால் நல்ல வரவேற்பை பெற்றுள்ளது.
சின்னவர் சின்னவர் என்று சஞ்சீவ் கதாபாத்திரமான கண்ணன் கதாபாத்திரம் அவ்வப்போது சின்னக் கவுண்டர் விஜயகாந்தை நினைவு படுத்தினாலும் குறை ஒன்றும் இல்லை.
நடிகை பூர்ணிமா பாக்கியராஜ்
நடிகை பூர்ணிமா பாக்கியராஜ் ஆரம்பத்தில் சொந்த குரலில் பேசி நடித்து வந்தது எடுபடாமல் இருந்தாலும், இப்போது டப்பிங் வாய்ஸில் கதாபாத்திரம் ஜொலிக்கிறது.சவுந்தர்யாவுக்கு அம்மாவாகவும், கண்ணனுக்கு அக்காவாகவும் நடிப்பில் ஸ்க்கோர் பண்ணுகிறார். தவறாமல் முக்கியமான காட்சிகளில் எஸ்கேப் ஆகாமல் ஆஜராகி விடுகிறார்.
சின்னவர் கண்ணன்
சின்னவராக கண்ணன் வேடத்தில் சஞ்சீவ் கிளிசரின் போடாமலே வசனத்தை மனப்பாடம் செய்து உணர்ச்சி பூர்வமாக பேசி பார்ப்பவர்களின் கண்களிலும் கண்ணீரை வரவழைச்சு அனுதாபப் பட வைக்கிறார். இயல்பான நடிப்பு என்று திருமதி செல்வத்தில் மக்களின் மனதைக் கொள்ளை கொண்டவர் போல இந்த சீரியலிலும் நன்றாகவே புகழ் அடைந்து வருகிறார்.
சின்னப் பெண்ணுக்கு
முத்துச்செல்வி சின்னப் பெண்ணாக இருந்து படும் கஷ்டங்களை பார்க்கையில் அம்மா இல்லாமல், பொறுப்பற்ற அப்பாவை வைத்துக் கொண்டு அவள் படும் கஷ்டம் ஏராளம். எந்த இடத்தில் எப்படி தன்னால் முடிந்ததை செய்து அன்றாட பிழைப்பை ஓட்டலாம் என்கிற சூட்சுமம் தெரிந்த கேரக்டர். அது நன்றாக பிரதி பலிக்கும்படி முத்துவின் கதாபாத்திரம் அமைந்து இருக்கிறது.
ஓகே ரகம்
வரிசையாக சன் டிவி சீரியலை ஒளிபரப்பி வந்தாலும், அத்தனையும் பார்க்கும்படியும் இல்லை.ஒரு சில சீரியல்களை மக்கள் தேர்ந்தெடுத்து பார்க்கிறார்கள். அதில் சஞ்சீவ் மற்றும் பூர்ணிமா பாக்கியராஜுக்காக கண்மணி சீரியல் மக்களால் விரும்பிப் பார்க்கப்படுகிறது என்பது உண்மை.
Click it and Unblock the Notifications
Sign in with Google