Katrin Mozhi Serial: சொன்னபடி கேளுன்னு ப்ரோமோவை சுருக்கி மாத்திட்டாங்கப்பா!

Updated: Monday, September 30, 2019, 12:23 [IST]

Subscribe to Oneindia Tamil

சென்னை: மாற்றம் தேவை, இதில் தவறு இருக்கிறது என்று சுட்டிக் கட்டும்போது, அதை சீர் செய்தால் நமக்கு சந்தோஷம் இருக்கும்தானே! அப்படியொரு சந்தோஷம்தான் இது.

விஜய் டிவியின் காற்றின் மொழி சன் டிவியின் கல்யாண வீடு சீரியல்களை உதாரணமாகச் சொல்லலாம். காற்றின் மொழி சீரியலில் ஒரு தவறை சுட்டிக் காட்டி இருந்தோம். இப்போது ப்ரோமோவில் அந்த தவறு ஒளிபரப்பாவதில்லை.

கல்யாண வீடு சீரியலில் பெரிய விஷயத்தை கையில் எடுத்திருக்கிறார் திருமுருகன் அதற்கு சரியான தீர்வு சொல்ல வேண்டும் என்று சொல்லி இருந்தோம். அந்த விஷயத்தை கையிலெடுத்து நீண்ட நேர காட்சி அமைத்தமைக்கு இயக்குநரே வருத்தம் தெரிவித்து வருகிறார்.

விஜய் டிவியின் சீரியல்

விஜய் டிவியில் புதிதாக அக்டோபர் மாதம் முதல் ஒளிபரப்பாக இருக்கும் காற்றின் மொழி சீரியல் ப்ரோமோ பற்றி சுட்டிக் காட்டி எழுதி இருந்தோம். அதாவது, அமெரிக்க தம்பி வந்ததிலிருந்து ஏதோ பேசணும்னு சொல்லிட்டு பேசாமலிருந்தா எப்படினு ஒரு முதியவர் கேட்கிறார். அதற்கு அமெரிக்க தம்பியாக நடித்து வரும் ராஜா ராணி சீரியல் சஞ்சீவ் சொல்லும் பதிலில் தவறை சுட்டிக் காட்டி இருந்தோம்.

இரு மின்னல்கள்

தடதட தட ன்னு இடி, கையை பந்து போல குவித்து இந்தப் பக்கம் ஒரு மின்னல் அந்த பக்கம் பக்கம் ஒரு மின்னல் என்று சொல்லி இருப்பார். மின்னல் பந்து போல எப்படி இருக்கும் என்று கேட்டு இருந்தோம். அத்தோடு, தேவதை மாதிரி அழகான பொண்ணு சைகையில பேசினான்னு சொல்லும் போது ,ரெண்டு பாட்டிமார்கள், அந்த புள்ளைக்கு பேச்சு வராது போலிருக்குன்னு பேசிக்குவாங்க. ஏ கெழவி அந்த பொண்ணுக்கு பேச்சுத்தான் வராது.. ஆனா,கண்ணு நல்லா பேசும்னு சஞ்சீவ் சொல்லி இருந்தார்.

மதிக்க கற்றுக்கொடுங்கள்

ஏ கெழவின்னு ஏன் கூப்பிடணும். பாட்டின்னு சொல்லலாமே.. வயதானவர்களை மதிக்க கற்றுக் கொடுங்கள் வித்தியாசமாக எடுக்கிறோம் என்று எதையாவது எடுப்பதை தவிர்த்தால் நன்றாக இருக்கும் என்றும் சுட்டிக்காட்டி இருந்தோம். இப்போது அந்த இரண்டு காட்சிகளை நீக்கிவிட்டு விஜய் டிவி ப்ரோமோ வெளியிட்டு வருகிறது.

கல்யாண வீடு சீரியல்

சன் டிவியின் கல்யாண வீடு சீரியலில், ரோஜாவை கேங்க் ரேப் செய்யும் காட்சிகள், அவர்களுக்கு ரோஜாவே தணடனை தரும்காட்சி என்று பெரிய விஷயத்தை இயக்குநர் திருமுருகன் கையில் எடுத்து இருக்கிறார்.இதற்கு அவர் சரியான தீர்வை சொன்னால் மட்டுமே எடுபடும் என்று சொல்லி இருந்தோம். அதே போல தொலைக்காட்சி கட்டுப்பாட்டு அமைப்பு இதற்கு கண்டனம் தெரிவித்து, சன் டிவிக்கு அபராதமும் வித்தது.சீரியலின் இயக்குநர் திருமுருகன் சீரியல் ஒளிபரப்பப்படுவதற்கு முன்னர் தொடர்ந்து சில நாட்கள் வருத்தம் தெரிவிக்க வேண்டும் என்றும் கட்டளை இட்டு இருந்தது.

இப்படிப்பட்ட தவறுகளை சமூக நலனுக்காக தொடர்ந்து சுட்டிக் காண்பித்து வருவோம். .மாற்றம் ஏற்பட்டால் சமூகத்துக்கு நல்லதுதானே!