OTT This week: ஓடிடியில் ரிலீசானது கிஷ்கிந்தா காண்டம்.. வீக் எண்டுக்கு விருந்தாகும் படங்கள் லிஸ்ட்
சென்னை: இந்த வாரம் ஓடிடி தளங்கள் உங்களுக்கு பல்வேறு விதமான திரைப்பட அனுபவங்களை வழங்க தயாராக உள்ளன. மலையாள திரையுலகில் வசூல் வேட்டை நடத்திய கிஷ்கிந்தா காண்டம் உட்பட பல முக்கிய ரிலீஸ்கள் இந்த வாரம் நடந்துள்ளன.
வாங்க வரிசையாக பார்ப்போம்..
நயன்தாராவின் கதை: நயன்தாரா என்ற பெயரைக் கேட்டவுடன் உங்களுக்கு நினைவுக்கு வருவது என்ன? ஒரு சூப்பர்ஸ்டார், ஒரு அழகான முகம் அல்லது ஒரு காதல் கதை? நெட்ஃபிளிக்ஸில் வெளியாகியிருக்கும் 'நயன்தாரா: பியாண்ட் தி பேரி டேல்' இந்த எல்லா கேள்விகளுக்கும் விடையாக அமைகிறது. நயன்தாராவின் வாழ்க்கைப் பயணத்தை, அவரது கடின உழைப்பை, அவரது காதல் கதையை இந்த ஆவணப்படம் மிகவும் நெருக்கமாக பதிவு செய்துள்ளது.
ஏலியன் ரோமுலஸ்: ஏலியன் ரோமுலஸ் என்ற படம் உங்களை விண்வெளிக்கு ஒரு பயணமாக அழைத்துச் செல்லும். இந்த படம் ஏலியன் சம்பந்தப்பட்ட படங்களில் அதிக வசூல் செய்த படங்களில் இரண்டாவது இடம் பிடித்துள்ளது. இதன் மூலம் இந்த படத்தின் எதிர்பார்ப்பு எவ்வளவு என்பதை நாம் புரிந்து கொள்ளலாம்.
கிஷ்கிந்தா காண்டம், மர்ம பயணம்: திஞ்சித் அய்யாதன் இயக்கியுள்ள "கிஷ்கிந்தா காண்டம்" (Kishkindha Kandam) படம், மர்மம் நிறைந்த ஒரு திரில்லர் கதையாகும். கடந்த மாதம் தியேட்டர்களில் வெளியாகி ரசிகர்கள் மத்தியில் நல்ல வரவேற்பை பெற்ற இந்தப் படம், டிஸ்னி பிளஸ் ஹாட்ஸ்டார் ஓடிடி தளத்தில் தற்போது பார்க்க கிடைக்கிறது. ஆசிப் அலி, விஜயராகவன், அபர்ணா பாலமுரளி உள்ளிட்ட பலர் முக்கிய கதாபாத்திரங்களில் நடித்துள்ளனர். இந்தப் படம், 2024-ம் ஆண்டு அதிக வசூல் செய்த மலையாளப் படங்களில் ஒன்றாகும்.
விவேசினி: பவன் ராஜகோபாலன் இயக்கியுள்ள "விவேசினி" படம், டிரெக்கிங் சென்றவர்களுக்குள் ஏற்படும் உணர்ச்சியிலான மோதல்கள் மற்றும் குடும்ப உறவுகளை மையமாகக் கொண்ட ஒரு திரைப்படம். ஆஹா தமிழ் ஓடிடி தளத்தில் இந்தப் படம் தற்போது பார்க்க கிடைக்கிறது. நாசர், காவ்யா உள்ளிட்ட பலர் முக்கிய கதாபாத்திரங்களில் நடித்துள்ளனர்.
ஸ்பெல்பவுண்ட்: விக்கி ஜென்சன் இயக்கியுள்ள "ஸ்பெல்பவுண்ட்" படம், ஒரு அனிமேஷன் இசை சாகச கற்பனை நகைச்சுவைத் திரைப்படம். நெட்ஃபிளிக்ஸ் ஓடிடி தளத்தில் இந்தப் படம் தற்போது பார்க்க கிடைக்கிறது. லும்ப்ரியா எனப்படும் மாயாஜால உலகில் நிகழும் சாகசங்களை மையமாகக் கொண்ட கதை இதுவாகும். குழந்தைகள் மற்றும் குடும்பங்கள் இணைந்து பார்க்க ஏற்ற ஒரு அனிமேஷன் படம்.
மார்டின்: தமிழ் சினிமாவின் ஆக்ஷன் கிங் அர்ஜூனின் சகோதரி மகன் துருவா சர்ஜா நடிப்பில் உருவாகியுள்ள மார்டின் படம், ஆஹா தமிழ் ஓடிடி தளத்தில் நவம்பர் 22ம் தேதி வெளியாகவுள்ளது. இந்த படத்தின் திரைக்கதை அர்ஜூனால் எழுதப்பட்டுள்ளது, கதாநாயகியாக வைபவி சாண்டில்யா நடித்துள்ள இப்படம், ஆக்ஷன் காட்சிகளால் நிறைந்த ஒரு விறுவிறுப்பான படமாகும்.
எந்தெந்த தளங்களில் ஒரு பார்வை:
நெட்பிளிக்ஸ்: நயன்தாரா: பியாண்ட் தி பேரி டேல், ஸ்பெல்பவுண்ட்
சிம்பிளி சவுத்: ராக்கெட் டிரைவர்
டிஸ்னி+ஹாட்ஸ்டார்: கிஷ்கிந்தா காண்டம், ஏலியன் ரோமுலஸ்
ஆஹா தமிழ்: விவேசினி, மார்டின்
இந்த வாரம் உங்களுக்கு பிடித்தமான வகையை தேர்ந்தெடுத்து, உங்கள் ஓய்வு நேரத்தை இனிமையாக கழிக்கலாம்.
Click it and Unblock the Notifications
Sign in with Google