Eeramana Rojaave: அடேய்ங்களா.. ஒரு மணி நேரத்துக்கு ஒரு தடவை 5 முத்தமா?

Updated: Monday, March 23, 2020, 23:09 [IST]

Subscribe to Oneindia Tamil

சென்னை: வீட்டில் இருந்து வேலை பார்த்தாலும் பார்த்தார்கள் மக்கள்... இந்த டிவியில் சீரியல்கள், முத்தம் மொத்தம்னு ஒரே ஹாட்! விஜய் டிவியின் ஈரமான ரோஜாவே சீரியல் எப்போதும் காதல் சீன்தான்... இப்போ இன்னும் மேலே போயி முத்த காட்சி

ஈரமான ரோஜாவே சீரியலில் முதலில் கல்யாணம்... அடுத்து ஒட்டாமல் இருப்பது...மெது மெதுவா காதல்...அடுத்து ரொம்ப மெதுவா முதலிரவுன்னு அடி எடுத்து வச்ச வெற்றி மலர் ஜோடிக்கு கோடிக்கணக்கான இளசுகள் ரசிகர்கள்.

இன்னிக்கு இந்த ஜோடி ஒப்பந்தம் ஒரு மணி நேரத்துக்கு 5 முத்தமாம்.. அதை கொடுக்க மறந்தால் ஒரு முத்தத்துக்கு 2 முத்தம் வட்டியாம்.. எப்படி இருக்கு?

கொரோனாவைரஸ்

வெற்றி காட்டில் இப்போதுதான் தன்னை தேடி வந்த சாமி, இதயக் கனிக்கு கொரோனாவைரஸ் குறித்த விளக்கம்.. கிருமிநாசினின்னா என்ன.. 80 சதவிகிதம் கை கொடுப்பதன் மூலம் பரவுது. 20 சதவிகிதம் காற்றின் மூலம் பரவுது..அதனால், நாம் வாய் சுகாதாரம், கை சுகாதாரம் கடைப் பிடிக்கணும்னு கிளாஸ் எடுத்துட்டு வீட்டுக்கு வர்றான்.

புகழ் அகிலா

புகழ் ஆன் லைன் ஆர்டர் எடுக்கும் உணவு வகைகளை டெலிவரி செய்யும் வேலை பார்க்கிறான். இவன் வெயிலில் உணவு டெலிவரி செய்யும் வேலையில் படும் கஷ்டங்களை பார்த்து, மனைவி அகிலா வெயிலில் இருந்து பாதுகாப்புக்கு மோர், இளநீர் என்று கொடுத்து அனுப்புகிறாள். இதுவும் கற்றுக்கொள்ள வேண்டியதாக இருக்கிறது.

வாழ்க்கை ஆரம்பம்

மன வாழ்க்கையை வாழ ஆரம்பித்துவிட்ட மலரும் வெற்றியும் இரவு பகல் பார்க்காமல் சந்தோஷமாக இருக்கிறார்கள். இதை பார்த்து வெற்றி பொண்டாட்டி பக்கம் சாய்ஞ்சுட்டான்னு அம்மா வெற்றியுடன் பேசாமல் இருக்க, இப்போது அம்மாவை வழிக்கு கொண்டு வர வேண்டும் என்று மலர், வெற்றி, அகிலா, புகழ் நால்வரும் திட்டம் போடுகிறார்கள். மாமியாரிடம் அன்பாக நடந்துக்கொண்டு அவரை தங்களது வழிக்கு கொண்டு வருவது எப்படி என்றும் கதையில் கொண்டு வருகிறார்கள்.

மணிக்கு 5 முத்தம்

அம்மாவை சந்தோஷமாக வச்சுக்கறது எப்படின்னு ஆலோசிக்க அகிலாவையும், புகழையும் வர சொல்லிட்டுத்தான் மலரிடம் வெற்றி மணிக்கு 5 முத்தம் கேட்டேன் நீ தர மறந்துட்டே... இப்போ ஒரு முத்தத்துக்கு ரெண்டு முத்தம் வட்டின்னு சொல்லி விடாப்பிடியாக கேட்டுக்கொண்டு இருக்கான். கதவை லொட்டு லொட்டுன்னு தட்டி ரொமான்ஸை கலைச்சுட்டான் தம்பி புகழ்.