Lakshmi Stores Serial: லட்சுமி ஸ்டோர்ஸ் குஷ்பூ மாறிட்டார்...!

Updated: Thursday, November 21, 2019, 13:26 [IST]

Subscribe to Oneindia Tamil

Recommended Video

Lakshmi Stores லட்சுமி ஸ்டோர்ஸ் குஷ்பூ மாறிட்டார்...

சென்னை: சன் டிவியின் லட்சுமி ஸ்டோர்ஸ் சீரியலில் நடித்து வரும் குஷ்பூ கதாபாத்திரத்துக்கு ஏற்ப எளிமையாக மாறி இருக்கார்.

லட்சுமி ஸ்டோர்ஸ் சீரியலின் நேரம் காலம் காலமாக நடிகை ராதிகாவின் ராடான் டிவிக்கு ஒதுக்கின நேரம். நடிகை ராதிகா சரத்குமாரின் சந்திரகுமாரி சீரியல் அவ்வளவாக எடுபடவில்லை.

அதனால், அந்த சீரியலின் நேரத்தை 6:30 மணிக்கு மாற்றிக் கொடுத்து, வஹ்ஸ்க்கமான 9:30 மணி நேரத்தை குஷ்பூ தயாரிப்பு நிறுவனத்துக்கு ஒதுக்கித் தந்தது. குஷ்பூவும் இந்த நேரத்தை நன்றாகவே பயன்படுத்தி சீரியலை நன்றாகவே கொண்டு போக வைக்கிறார்.

மகா லட்சுமி

லட்சுமி ஸ்டோர்ஸ் மகா லட்சுமியாக நடிக்கும் குஷ்பூ நல்ல குடும்ப பெண் கதாபாத்திரமாக இருந்தாலும், பரம்பரை ஜவுளிக் கடையை பார்த்துக்கும் நல்ல பொறுப்பிலும் இருக்கார். ஆனால், இவர் வீட்டில் இருக்கும் போதும் சரி, கடையில் இருக்கும்போதும் சரி, பாதி முதுகு தெரியும்படி ஜாக்கெட் அணிந்து மகாலட்சுமியாக நடித்து வந்தார்.

டாட்டூ முதுகு

அதுவும் குஷ்பூ முதுகு, கை கழுத்து என்று எல்லா இடத்திலும் டாட்டூ போட்டு இருப்பார். இதுவும் பாதி முதுகு தெரியும் ஜாக்கெட்டும் சேர்ந்து உண்மையில் மகாலட்சுமி கதாபாத்திரம் எடுபடாமல்தான் இருந்தது. அதோடு எப்போதும் போல ஸ்டைலாக விரித்துப் போட்ட தலை முடியை முன்னால் போட்டுக் கொள்வது என்று கதாபாத்திரத்துக்கு குஷ்பூ ஒட்டாமல்தான் இருந்தார்.

இதை சொல்லாமலே

இதை சொல்லாமலே எப்படி இருக்க முடியும். இவரின் இந்த முதுகு தெரியும் ஜாக்கெட் கதாபாத்திரத்துக்கு ஒட்டவில்லை, கொஞ்சம் முகம் சுளிக்க வைக்கிறது என்று சுட்டிக் காண்பித்துதான் இருந்தோம். இதில் தவறு ஒன்றும் இல்லை என்கிற நினைவில்.

சீரியலில் இப்போது

லட்சுமி ஸ்டோர்ஸ் சீரியலை தொடர்ந்து பார்க்கும்போது, இப்போது கடந்த ஓரிரண்டு எபிசோட்களாக குஷ்பூ முதுகு தெரியும்படி ஜாக்கெட் அணிந்து வருவதில்லை. தலை பின்னல், போனி டெயில் முதுகை கவர் பண்ணிய ஜாக்கெட், காட்டன் புடவை என்று அசத்தி வருகிறார். பார்க்க நன்றாக இருக்கிறது.