ஆளே மாறிட்டாங்களே மணிமேகலை.. இப்பவெல்லாம் முகத்தில் மலர்ச்சி! ஞாயிறும் செம பிஸியாமே.. குஷியில் போஸ்ட்

Updated: Monday, March 3, 2025, 20:16 [IST]

Subscribe to Oneindia Tamil

சென்னை: விஜய் டிவியிலிருந்து வெளியேறிய மணிமேகலை, தற்போது புதிய சேனலுக்கு சென்றுள்ள நிலையில், ஞாயிறு பணிக்கு செல்வது குறித்து மகிழ்ச்சியுடன் போஸ்ட் போட்டிருக்கிறார்.. இந்த போஸ்ட்டுக்கு, அவரது ரசிகர்கள் திரண்டு வந்து வாழ்த்துக்களையும், பாராட்டையும் சொல்லி வருகிறார்கள.

விஜய் டிவியின் நிகழ்ச்சி தொகுப்பாளராக பணியாற்றி கொண்டிருந்த மணிமேகலை வெளியிட்டிருந்த அறிக்கை மிகப்பெரிய பரபரப்பை சமீபத்தில் ஏற்படுத்தியிருந்தது.. சக நிகழ்ச்சி தொகுப்பாளர் பிரியங்காவை சாடியே அந்த அறிக்கையை மணிமேகலை வெளியிட்டதாகவும் கூறப்பட்டது.

கிரேஸ் பெருகியது

ஆனால் விஜய் டிவியின் பிரிபலங்கள் பிரியங்காவுக்கு ஆதரவு தந்திருந்த நிலையில், பெரும்பாலான பொதுமக்கள் மணிமேகலைக்கு தங்கள் ஆதரவை திரண்டு வழங்கியிருந்தனர்.. இதனால் மணிமேகலைக்கான கிரேஸ் அதிகமாகியது.. சுயமரியாதையுடன் வெளியேறுகிறேன் என்று மணிமேகலை கூறியிருந்த வார்த்தையும் இணையத்தில் வைரலாகி, பலரது கவனத்தையும் பெற்றிருந்தது.

இதையடுத்து, விஜய் டிவியிலிருந்து மணிமேகலை வெளியேறியதையடுத்து, எந்த சேனலில் இணைவார்? என்ற எதிர்பார்ப்பு எழுந்தது.. சன் டிவியில் இணைவதாக தகவல் வெளியாகிய நிலையில், ஜீ தமிழ் சேனலில் சமீபத்தில் மணிமேகலை இணைந்திருக்கிறார்.டான்ஸ் ஜோடி டான்ஸ் நிகழ்ச்சியையும் தொகுத்து வழங்க துவங்கிவிட்டார்.

புதிய அத்தியாயம்

"எனது தொழிலில் புதிய அத்தியாயம் ஜீ தமிழ் தொலைக்காட்சியின் டான்ஸ் ஜோடி உருவாகி வருகிறது. உங்கள் அனைத்து ஆசீர்வாதங்களும் தேவை. என்றும் அன்புடன் என்று பதிவிட்டிருந்தார்.. மேலும், கடினமாக உழையுங்கள், கடவுளை நம்புங்கள் என்றும் பதிவிட்டிருந்தார்.

சினேகா, ரம்பா, வரலட்சுமி சரத்குமார், பாபா பாஸ்கர் உள்ளிட்டோர் நடுவர்களாக பங்கேற்கும் இந்த நிகழ்ச்சியை ஆர்ஜே விஜய்யும், மணிமேகலையுடன் சேர்ந்து தொகுத்து வழங்குகிறார்.

தன்னம்பிக்கை

இந்நிலையில், கடந்த சில நாட்களாகவே வேலையே இல்லாத சூழலில் தற்போது ஞாயிற்றுக்கிழமையும் பணிக்கு செல்வதை குறிப்பிடும் வகையில், போட்டோக்களை தன்னுடைய சோஷியல் மீடியா பக்கத்தில் மணிமேகலை பகிர்ந்துள்ளார்.. இந்த போட்டோவை பார்த்த ரசிகர்கள், மணிமேகலையின் விடாமுயற்சியையும், தன்னம்பிக்கையையும் பாராட்டி, கமெண்ட்களை பதிவிட்டு கொண்டிருக்கிறார்கள்.