வீட்டுக்கு தேவையான அனைத்து பொருட்களும் வாங்குமிடம்...?

சென்னை: விஜய் டிவியின் நீயா நானா நிகழ்ச்சியில் உங்கள் பையனுக்கு கல்யாணம் பண்ணும்போது பெண் வீட்டில் சீர் வரிசையா இதையிதை கேட்கணும்னு வச்சு இருப்பீங்கள்ல அது என்ன என்னன்னு கேட்டார்.

அப்போதுதான் ஒரு பெண்மணி 30 பவுனுங்க சார்.. 30 பவுனு வீட்டுக்கு தேவையான ஜாமான் என்று சொன்னார்.

என்னென்ன பாத்திரம் கட்டாயம் என்றபோதுதான் அந்த பெண்மணி கூறியது வியப்பாக இருந்தது.

கட்டில் பீரோ

கட்டில்..பீரோ...ஃபிரிட்ஜ், வாஷிங் மெஷின்..டிவி என்று அடுக்கிக் கொண்டே போனார். அப்போது குறுக்கிட்ட நிகழ்ச்சித் தொகுப்பாளர் கோபிநாத், எனக்கு என்னென்னா... வீட்டுக்குத் தேவையான பாத்திரம்னா புரியுது. ஆனால்.. பீரோ எப்போ பாத்திரம் ஆச்சு?

அனைத்து பாத்திரங்களும்...

வாஷிங் மெஷின் எப்போ பாத்திரம் ஆச்சு? கட்டில் எப்போ பாத்திரம் ஆச்சு? டிவி எப்போ பாத்திரம் ஆச்சு?:என்று கேட்டபோது.. அந்த பெண்மணி சிரித்துக் கொண்டே வீட்டுக்குத் தேவையான அனைத்து பாத்திரங்களும் சார் என்று சொன்னார். அதற்கு கோபிநாத் கிண்டலாக வீட்டுக்குத் தேவையான அனைத்து பாத்திரங்களும் கிடைக்குமிடம்... என்று டேஷ்... விட்டார்.

டிரெடிஷனல் பாத்திரம்

முதல் முதல் பொண்ணு வரும்போது ரெண்டு குத்து விளக்கு, ஒரு காமாட்சி விளக்கு, ஒரு மரக்கா, ஒரு படி, ஒரு முக்காலி அவசியம் எடுத்து வர வேண்டும் என்று ஒரு நடுத்தர வயது பெண்மணி சொன்னார்.ஒரு கும்பா திண்டுக்கல் பக்கம் எடுத்து வரணும் சார். அதுல தண்ணி எடுத்துட்டு வந்து வாய் கொப்பளிச்சுட்டு மாப்பிள்ளை பால் வாங்கி குடிப்பாங்க சார்னு சொன்னார்.

கடை ஓனர் கூட

டிரெடிஷனல் பாத்திரம்னு கேட்ட உடனே இதைத்தானே முதலில் சொல்லி இருக்கணும். டிவி, ஃபிரிட்ஜ், வாஷிங் மிஷின்..பீரோ.. கட்டில்னு அடுக்கிகிட்டே போறீங்களே.. கடை ஓனர்கூட இப்படி சொல்லி இருக்க மாட்டார்னு கோபிநாத் சொன்னார்.

இப்படி பல்வேறு தாய்மார்கள் வித்தியாசமான சீர்வரிசைகள் கேட்கும் உண்மை நிகழ்ச்சியைப் பார்க்க நாளை பகல் 12 மணிக்கு விஜய் டிவியின் நீயா நானா நிகழ்ச்சியை பாருங்கள்

English summary

When Vijay TV's Neeiya Naana was married to your boy, the girl in the house tuned to hear about it and asked what it was.Just then a woman said that 30 poundunga sir .. 30 pound is a household bail.The woman was surprised when she asked what role was mandatory.