வருஷத்திற்கு ஒன்னு எங்க இருந்துதான் வருதோ!.. வருந்திய மணி! வாழ்க்கைன்னா அப்படித்தான்! நெட்டிசன்கள்

Published: Monday, April 18, 2022, 14:27 [IST]

Subscribe to Oneindia Tamil

சென்னை: விஜே மணிமேகலையின் இரு சக்கர வாகனம் திருட்டு போன சம்பவம் குறித்து உருக்கமாக மணிமேகலை பதிவு செய்துள்ள நிலையில் அவருக்கு நெட்டிசன்கள் ஆறுதல் கூறி வருகிறார்கள்.

விஜே மணிமேகலை- குக் வித் கோமாளியில் கலக்கி வருகிறார். காமெடி ராணி என சொல்லும் அளவுக்கு அவரது காமெடி அனைவரையும் சிரிக்க வைக்கிறது. அவரது உடல் மொழி, முக பாவனை என அனைத்தும் சிரிப்பை ஏற்படுத்துகின்றன.

இவர் கடந்த சில ஆண்டுகளுக்கு முன்பு ஹூசைன் என்பவரை காதலித்து திருமணம் செய்து கொண்டார். இவர் கலக்க போவது யாரு நிகழ்ச்சியை தொகுத்து வழங்கியுள்ளார்.

யூடியூப் சேனல்

தனியாக யூடியூப் சேனலையும் நடத்தி வருகிறார். மணிமேகலைக்கு சமூகவலைதளங்களில் நிறைய பாலோயர்கள் உள்ளனர். மகிழ்ச்சி, துக்கம், காமெடி, என எதுவாக இருந்தாலும் சமூகவலைதளங்களில் ரசிகர்களுடன் மணிமேகலை பகிர்ந்து கொள்வார். இந்த நிலையில் அவர் கடந்த இரு தினங்களுக்கு முன்னர் போட்ட ஒரு பேஸ்புக் பதிவு வைரலாகி வருகிறது.

பைக் திருட்டு

அவர் தனது பதிவில், அசோக் நகரில் நண்பர் வீட்டுக்கு சென்ற போது எங்களது பைக் திருடு போய்விட்டது. கல்யாணத்திற்கு பிறகு கஷ்டப்பட்டு சம்பாதித்து ஆசையா வாங்குன எங்களது முதல் பைக். மிகவும் வருத்தமாக இருக்கிறது. வருஷத்திற்கு ஒரு சம்பவம் எங்க இருந்துதான் வருதோ. போலீஸில் புகார் கொடுத்துள்ளோம் என கூறியுள்ளார்.

பிரார்த்தனை

மேலும் தங்களது வாகன எண்ணையும் வண்டியையும் புகைப்படம் எடுத்தும் பேஸ்புக்கில் பதிவு செய்துள்ளார். மணிமேகலையின் இந்த சோகத்திற்கு நெட்டிசன்கள் ஆறுதல் கூறி வருகிறார்கள். "கவலைப்படாதீர்கள், நான் உங்களது மிகப் பெரிய விசிறி. போலீஸில் புகார் கொடுத்துவிட்டீர்கள் அல்லவா, நிச்சயம் கண்டுபிடித்து தருவார்கள். நான் பிரார்த்திக்கிறேன் என கூறுகிறார் இந்த நெட்டிசன்.

வாழ்க்கை என்றால் அப்படித்தான் இருக்கும்

சாதாரண பைக்குதானே, கவலைப்படாதே மகளே, உங்களுக்கு அந்த பைக் கிடைத்தாலும் கிடைக்காவிட்டாலும் ஒன்றை மட்டும் நினைவில் கொள். வாழ்க்கையில் எப்போதும் ஏற்றமும் இறக்கமும் இருக்கும். அதை நீ ஜீரணிக்கத்தான் வேண்டும் என்கிறார் இந்த வலைஞர்.