சன் சிங்கரில் டார்லிங்.. கீ... நிக்கி கல்ராணி...

Published: Monday, April 8, 2019, 13:13 [IST]

Subscribe to Oneindia Tamil

சென்னை: சன் டிவியின் சன் சிங்கர் ரியாலிட்டி ஷோவின் ஃபினாலே நடந்தது. டார்லிங் படத்தின் மூலம் தமிழ் சினிமாவில் தடம் பதித்து, இப்போது கீ படம் வரை வந்திருக்கும் நடிகை நிக்கி கல்ராணி சிறப்பு விருந்தினரா கலந்துக்கிட்டார்.

அண்மையில் பிரபு தேவாவுடன் இணைந்து இவர் நடிச்சிருந்த சார்லி சாப்ளின் 2 படம் அவ்வளவாக போகலைன்னாலும், ஏ..ஏ..செவத்த மச்சான் பாடலில் பிரபு தேவாவுடன் இவர் சேர்ந்து ஆடியது கண்ணுக்கு குளிர்ச்சியா இருந்துச்சு.

கீ என்றால் பூட்டு சாவி இல்லை..நாம் எந்த செயல் செய்தாலும் அதில், நல்லதும் கெட்டதும் நடக்கும். அதுதான் கீக்கு அர்த்தம். படம் பார்த்தால் தலைப்புக்கான அர்த்தம் புரியும் என்று சொன்னார் நிக்கி.

டெக்னலாஜியில் நல்லதும் இருக்கு, கெட்டதும் இருக்கு, கெட்டது எப்படி எல்லாம் பாதிப்பைத் தருதுன்னு சொல்ற படம்தான் கீன்னு சொன்னார்.

நீங்க டார்லிங் படத்துல நடிச்சு தமிழ்நாட்டோட டார்லிங் ஆயிட்டீங்க..இப்போ கீ குடுத்தா ஆடற பொம்மை மாதிரி அழகாவும் இருக்கீங்க. ஒரு டான்ஸ் ஆடலாமேன்னு சொன்னதும், கீ கொடுத்த பொம்மை மாதிரி அழகாக ஆடினார் நிக்கி கல்ராணி.

பாடகர் மனோவின் மகன் ரித்தீஷ் மேடையில் அப்பாவுக்கு டஃப் காம்படீஷன் குடுப்பது போல அப்பாவுடன் சேர்ந்து என்னம்மா கண்ணு சவுக்கியமா என்கிற பாடலை அப்பாவுக்கு நிகராக பாடினார்.பாடலை கேட்கவும், அப்பா பிள்ளையைப் பார்க்கவும் மகிழ்ச்சியாக இருந்தது

தெய்வமகள் சீரியல் புகழ் கிருஷ்ணா தனது மனைவி சாயாசிங்குடன் சிறப்பு விருந்தினராக வந்திருந்தார். இவர்கள் இருவரும் கூட மேடையில் ஜோடி நடனம் ஆடி மகிழ்வித்தார்கள்.

Published On April 8, 2019