Nila Serial, Tamil Selvi Serial: நிலா மற்றும் தமிழ்ச்செல்வி சீரியல்களின் சங்கமம்!
சென்னை: சன் டிவியில் முற்பகல் நேரத்தில் ஒளிபரப்பாகும் சீரியல்களான தமிழ்ச்செல்வி மற்றும் நிலா ஆகிய இரண்டு சீரியல்களும் வரும் வாரம் மட்டும் சங்கமம் ஆகி ஒளிபரப்பாக உள்ளதாம்.
பகல் 12:30 மணிக்கு ஆரம்பித்து 1:30 மணி வரை இரண்டு சீரியல்களும் ஒன்றாக ஒளிபரப்பாக உள்ளது.
இரண்டு சீரியல்களின் கதையும் அடி தடி வெட்டு குத்து கதைதான்...
வில்லி நீலாம்பரி
நிலா சீரியலில் சன் டிவியின் சன் சிங்கர் நிகழ்ச்சித் தொகுப்பாளினி பவித்ரா நிலாவாக நடித்து இருக்கிறார். நீலாம்பரி என்று புகழ்பெற்ற பெயரை வில்லி கதாபாத்திரத்துக்கு வைத்து இருக்கிறார்கள். நீலாம்பரி கதாபாத்திரம் இளமையான தோற்றத்துடன் அழகாக இருந்தாலும், வெயிட் கிடையாது.
ஆரம்பத்தில் தமிழ்ச்செல்வி
ஆரம்பத்தில் தமிழ்ச்செல்வி கதையை கிராமத்தில் பெண்களின் கல்விக்கு முக்கியத்துவம் கொடுத்து எடுத்து இருந்தார்கள். தமிழ்ச்செல்வி கலெக்டருக்கு படிக்க வேண்டும் என்று ஆசைப்பட்டு, கடைசியில் அதற்கு பல தடங்கல். இப்போது கல்யாணம் ஆகி. குழந்தை பிறந்தால் புருஷனுக்கு ஆபத்து என்று ஜோதிடத்தில் சொல்கிறார்கள்.
குடும்ப கட்டுப்பாடு
குழந்தை பிறந்தால் புருஷனுக்கு ஆபத்து என்று ஜோதிடத்தில் சொல்வதால், தமிழ்ச்செல்வி மாமியாரை அழைத்துக் கொண்டு, குடும்ப கட்டுப்பாடு ஆபரேஷன் செய்து கொள்கிறாள். ஆனால், மருத்துவர்கள் ஆபரேஷன் செய்துவிட்டதாக சொல்லி சமாளித்து அனுப்பிவிட இப்போது தமிழ்ச்செல்வி கர்ப்பமாக இருக்கிறாளாம்.
கார்த்திக் நிலா
நிலா அவள் காதலிக்கும் கார்த்திக்கை கல்யாணம் செய்துக் கொள்ள கூடாது என்று அவளது அத்தை, மற்றும் நீலாம்பரி இருவரும் சதி செய்கிறார்கள். கார்த்திக்கை கொல்வதாக நீலாம்பரி மிரட்டுகிறாளாம். கார்த்திக்கை கொலை செய்துவிட்டு, அந்த கொலையை நீலாம்பரி மேல் போட்டுவிடலாம் என்று அத்தை சதி செய்கிறார்களாம். மொத்தத்தில் போட்டுத் தள்ளு என்கிற வார்த்தை இவர்களுக்கு அல்வா சாப்பிடுவது என்று சொல்வது போல.
இந்த இரண்டு சீரியல்களின் ரேட்டிங்கை ஓரளவுக்கு உயர்த்த சன் டிவி திட்டமிட்டு சங்கமத்தை நடத்த முன்வந்துள்ளது.
Click it and Unblock the Notifications
Sign in with Google