ஓ இதுக்குத்தான் ராஜா ராணி சீசன் 2 வில் நடிக்க மாட்டேனு சொன்னாரா ஆலியா மானசா?
சென்னை: ராஜா ராணி சீசன் 2 வில் ஆலியா மானசா நடிக்க மறுத்ததற்கான காரணம் என்ன என்பது குறித்த தகவல்கள் வெளியாகியுள்ளன.
விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் எனும் சீரியல் டிஆர்பி ரேட்டில் முக்கிய இடத்தை பிடித்துள்ளது. இந்த சீரியலில் 4 அண்ணன் தம்பிகள், அவர்களுடைய மனைவிகளுக்கிடையே நடைபெறும் பாச பிணைப்பு, சண்டை சச்சரவுகள்தான் இந்த நாடகத்தின் கதை களமாகும்.
தங்கள் வீட்டில் நடப்பது போன்றே இருப்பதால் இந்த சீரியலை பொதுமக்கள் கொண்டாடி வருகிறார்கள். இந்த நிலையில் இந்த சீரியலில் பெரிதும் விரும்பப்பட்ட கேரக்டர் என்றால் அது முல்லை கேரக்டர்.
விஜே சித்ரா
இந்த கேரக்டரில் நடித்து வந்த விஜே சித்ரா கடந்த 2020 ஆம் ஆண்டு தூக்கிட்டு தற்கொலை செய்து கொண்டார். இதையடுத்து அவருக்கு பதிலாக யார் முல்லையாக நடிப்பார்கள் என பல போட்டோஷூட்டுக்கு பிறகு காவியா அறிவுமணி என்பவர் தேர்வு செய்யப்பட்டு இவருக்கு பதில் இனி இவர் என போடப்பட்டு நடித்து வந்தார்.
முல்லை கேரக்டர்
இரு ஆண்டுகளாக முல்லை கேரக்டரில் நடித்து வந்த காவியாவுக்கு சினிமாவில் நடிக்க வேண்டும் என்பதுதான் கனவாம். ஆனால் சீரியலில் நடித்து வருவதால் அவரது சினிமா வாய்ப்பு இல்லாமல் போகிறதாம். இதனால் சீரியலில் இருந்து விலக காவியா முடிவு செய்துள்ளதாக கூறப்படுகிறது.
இவருக்கு பதில் இனி இவரா
இதனால் இவருக்கு பதில் யார் முல்லையாக நடிப்பார்கள் என பேச்சு நடந்து வரும் நிலையில் காவியாவுக்கு பதில் ஆலியா மானஸா முல்லை கேரக்டரில் நடிக்கவுள்ளதாக தகவல்கள் வெளியாகியுள்ளன. இது எந்த அளவிற்கு உண்மை என தெரியவில்லை. இதனால் ரசிகர்கள் ஆவலுடன் காத்துக் கொண்டிருக்கிறார்கள்.
முல்லையாக ஆலியா
ஏற்கெனவே ராஜா ராணி சீரியலில் நடித்த ஆலியா, தன்னுடன் நடித்த சஞ்சீவை திருமணம் செய்து கொண்டார். அவருக்கு ஒரு மகள் இருந்த நிலையில் ராஜா ராணி 2 சீரியலில் சந்தியா எனும் கேரக்டரில் நடித்து வந்தார். பின்னர் இரண்டாவது முறை ஆலியா கர்ப்பம் தரித்ததால் அந்த சீரியலில் இருந்து விலகினார்.
ராஜா ராணி சீசன் 2 வை மறுத்த ஆலியா
அவருக்கு பதிலாக ரியா விஸ்வநாதன் சந்தியா கேரக்டரில் நடித்து வருகிறார். இதையடுத்து அவருக்கு கடந்த மார்ச் மாதம் ஆண் குழந்தை பிறந்துள்ளது. இந்த நிலையில் மீண்டும் ராஜா ராணி சீசன் 2 வில் நடிப்பீர்களா என ரசிகர்களின் கேள்விக்கு பதில் அளித்த ஆலியா நிச்சயமாக இல்லை என தெரிவித்திருந்தது
Click it and Unblock the Notifications
Sign in with Google