Mega Serials: வேணாம் மக்களே வேணாம்... டிவி மெகா சீரியல்!
சென்னை: கோவிட் 19 தொற்று லாக்டவுனில் நிறைய விஷயங்களுக்கு நாம் பழக்கப்பட்டு விட்டோம். இதில் ஒன்றாக இந்த மெகா சீரியல் இல்லாமலும் பழக்கப்பட்டு இருக்கிறோம். உடல் நலம் கெட்டு மன நலம் கெட்டு போன இந்த மெகா சீரியலை இனியாவது ஒதுக்கலாமே!
இதிகாச புராதன கதைகள் கொண்ட சீரியல்கள் தவிர மற்ற மெகா சீரியல்களால் மக்களுக்கு எந்தவிதமான அனுகூலமும் இல்லை என்பதுதான் உண்மை. அதற்காக சீரியல்கள் வேண்டாம் என்று சொல்லவில்லை...10 எபிஸோட்ஸ்..12 எபிஸோட்ஸ் என்று இருந்தால் நன்றாக இருக்கும்தானே!
அர்த்தமில்லாமல், போகிற போக்கில் எல்லாம் வளைந்து சென்று மக்களுக்காக மக்களுக்காக என்று சொல்லி, அவர்களின் நாடி பிடித்துப் பார்த்து சீரியல்களின் எபிசோட்களை கொண்டு போகிறோம் என்று தாங்களே தங்களுக்கு நொண்டி சாக்கு சொல்லி பயணிக்கிறார்கள்.
அப்பாடா ஒரு மெகா சீரியல்!
நடிகர் நடிகைகள் அப்பாடா ஒரு மெகா சீரியல் கமிட்டாயிருச்சு என்று நிம்மதி பெரு மூச்சு விட்டுக்கொண்டு மெகா சீரியலில் கமிட்டாகி கார், வீடு என்று வாங்கி வாழ்க்கையில் செட்டில் ஆகிவிடலாம் என்று நினைப்பார்கள்.
மெகா சீரியல் இயக்குநர்
மெகா சீரியலில் கமிட்டான இயக்குநர். நல்ல பிரடியூசர்...இந்த டிவியில் நல்லா ரீச் ஆகும்...மெகா சீரியல் கமிட்டாகியாச்சு...மக்கள் எப்படி விரும்புகிறார்களோ அப்படி கதையில் திருப்பங்களை வைத்து ஜவ்வு மாதிரி ஒரு அஞ்சாறு வருஷத்துக்கு இழுத்து இதில் பல வருஷத்தை ஓட்டிடலாம் என்று நினைத்து மெகா சீரியலில் இயக்குநர் களம் இறங்குவார்.
நல்ல ரேட்டிங்
சீரியலை நல்ல ரேட்டிங்கில் கொண்டு போவதில் இயக்குநர் கைத்தேர்ந்தவரா இருக்கார். முதலீடு போட்டுவிட்டோம்.. இப்படியே சில வருஷங்கள் சீரியலை கொண்டு போயிடலாம். விளம்பரம்...வியாபாரம்..ஸ்லாட் என்று சில வருஷங்களுக்கு அலைய வேண்டியதில்லை என்று மெகா சீரியல் பிரடியூசர் நினைப்பார்.
ஸ்லாட் டைம் ஓகே
இந்த மெகா சீரியலுக்கான ஸ்லாட் டைம் நல்ல ரேட்டிங்கில்தான் இருக்குது. இப்போ எதுக்கு வேறு ஒரு சீரியலுக்கு ஸ்லாட் விலை பேசுவானேன்...நல்லாத்தானே போகுது.. போற வரைக்கும் போகட்டும் என்று சானல் நினைக்கும். இப்படி சங்கிலி பின்னலில் இருக்கும் மெகா சீரியலால் மக்களுக்கு எதாவது நன்மை இருக்கா?
ஒன்றை தவறவிட்டால்
மெகா சீரியலில் ஒரு எபிசோட் இல்லை ரெண்டு எபிசோட் இல்லை.. பல எபிசோட் நீங்கள் தவற விட்டு இருந்தாலும், அடுத்த எபிசோட் பார்க்கும்போது அந்த கதை புரிந்துவிடும். இதற்கு எதற்கு அங்கு இங்கு போகாமல் மெகா சீரியல் கதி என்று கிடக்க வேண்டும்? வீட்டை விட்டு அங்கு இங்கு போக விடாமல் செய்த மெகா சீரியல்கள் உடலும், மனதுக்கும் கேடு விளைவிப்பவை.
குறுந்தொடர் போதும்
இனி மெகா சீரியல் வேண்டாம்... குறுந்தொடர்கள் மட்டும் பொழுது போக்குக்கு போதும் என்கிற மன நிலைக்கு வாருங்கள் மக்களே...குடும்பத்தையும் கவனிக்க முடியும்...விருந்தினர் வீட்டுக்கு... கோயிலுக்கு என்று உங்கள் பொழுதை நல்ல வழியில் கழிக்கவும் முடியும்...ஒரு முடிவுக்கு வந்துவிடுங்கள்!
Click it and Unblock the Notifications
Sign in with Google