Eeramana Rojaave Serial: டோர் டெலிவரி... வீடு தேடி சாப்பாடு..என்ன கஷ்டம்?

Updated: Thursday, March 12, 2020, 15:39 [IST]

Subscribe to Oneindia Tamil

சென்னை: விஜய் டிவியின் ஈரமான ரோஜாவே சீரியலில் அகிலாவின் கணவன் புகழ், சாப்பாடு ஆர்டர் செய்கிறவர்களுக்கு வீடு தேடி சாப்பாடு கொண்டு கொடுக்கும் ஆன் லைன் டோர் டெலிவரி வேலை பார்க்கிறான்.

வேலைக்குப் போறேன்னு பைக்கில் ஊர் சுற்றுவதா இந்த டோர்டெலிவரி பாயின் வேலை? பொசுக்குன்னு ஒரு டோர் டெலிவரி பையனப் பார்த்து இப்படி சொல்லிட்டாளே.. அவன் எந்த அளவுக்கு கொந்தளிக்கப் போறான் என்று பார்த்தால் உண்மைதான்...

கோபம் வந்துருச்சு அவனுக்கு எங்களோட கஷ்டம் புரியாம இப்படி ஈஸியா சொல்லிட்டீங்களே மேடம்னு ரொம்ப ஃபீல் பண்ணிட்டான். அகிலாவால் ஒன்னும் பேச முடியலை.

அகிலா புகழ்

அண்ணன் வெற்றி வயலில் இறங்கி தானே விவசாயம் பார்த்துக்கொண்டு இருக்க, தம்பி புகழ் வீட்டில் சும்மா இருப்பது மனைவி அகிலாவுக்கு பிடிக்காமல் போகுது. இப்படி வெட்டியா வீட்டில் உட்கார்ந்து இருக்கியே.. நீயும் வேலைக்கு போகலேன்னா ரெண்டு பேரும் எப்படி உட்கார்ந்து சாப்பிட முடியும். நாளையிலேர்ந்து நான் வேலைக்கு போறேன்னு சொல்றா அகிலா.

ஆன்லைன் டோர்டெலிவரி

புகழுக்கு உடனே ரோஷம் வந்து ஆன்லைன் டோர்டெலிவரி செய்யும் வேலை பார்க்கிறான். காலையில் போனால் இரவுதான் வீட்டுக்கு வருகிறான். இதை பொறுத்துக்க முடியாமத்தான் ஒரு பையனிடம் வேலைக்கு போறோம்னு பைக்கில் பொழுதுக்கும் ஜாலியா ஊரை சுத்திட்டு ராத்திரி வீட்டுக்கு வரவேண்டியதுன்னு சொல்லிட்டா.

எங்க கஷ்டம்

எங்க கஷ்டம் உங்களுக்குத் தெரியுமா மேடம்..சாப்பாடு கொண்டு வர கொஞ்சம் லேட்டாயிருச்சுன்னா ஏதாவது பேசி உங்களை கூல் பண்றோம்னு சொல்றீங்க. அப்படி இல்லை மேடம்...ஒரு நாளைக்கு கொஞ்சம் கிலோ மீட்டர்னா பைக் ரிப்பேர் ஆகாது. தினமும் பல கிலோ மீட்டர் போகும் எங்க பைக் எதாவது ஒரு சமயம் பஞ்சர் அது இதுன்னு ஆகத்தான் மேடம் செய்யும்.

என்னதான் பிரச்சனை

பைக்கில் பிரச்சனை இல்லை... டிராஃபிக் பிரச்சனை என்று எது வந்தாலும் அதையும் சமாளிச்சு, கஸ்டமருக்கு பசி நேரத்துல உணவைத் தரணும்னு குறிக்கோளில்தான் மேடம் நாங்க இருப்போம். வெயில், மழை, புயல்னு எது இருந்தாலும் எங்களுக்கு உணவை சரியான நேரத்தில் உங்களுக்கு சேர்த்தால்தான் மேடம் எங்களை குறை சொல்ல மாட்டாங்க. லேட்டா வந்தா கேட்கறீங்களே.. என்னிக்காவது சரியான நேரத்துல வந்து உங்க பசியைத் தீர்த்தத்துக்கு நன்றி சொல்லி இருக்கீங்களான்னு கேட்கிறான். அகிலாவுக்கு கன்னத்தில் அடித்தது போல் இருக்கிறது.