Chithi 2 Serial: சித்திக்கு கோவம் வந்துச்சு.. மூக்கை இப்படிக்கா அப்டிக்கா.. தடவி விட்டு!

Published: Tuesday, March 10, 2020, 10:45 [IST]

Subscribe to Oneindia Tamil

சென்னை: சன் டிவியின் சித்தி 2 சீரியலில் சாரதாவுக்கு மூக்கை விரலால் இந்தப் பக்கமும், அந்த பக்கமும் தடவும் மேனரிஸத்தை கடந்த இரண்டு எபிசோட்களாக புகுத்தி இருக்கிறார்கள்.

இவருக்கு பிறந்த அந்த பெண் குழந்தைக்கும் அந்த பழக்கம் இருப்பதாக காண்பிக்கிறார்கள். அவர் லண்டனில் வளர்கிறார். அங்கு அவர் சாரதா மாதிரி மூக்கின் இரண்டு புறமும் விரலால் தடவுகிறார்.

ராதிகாவை திடீர்னு இதை செய்ய வைக்கும்போது காட்சிக்கு ஒட்டாமல் இருக்கிறது. எதாவது கோபம், அல்லது அழுகை வரும்போது இப்படின்னு இருந்தால் கொஞ்சமாவது எடுபட்டு இருக்கும்.

அன்பு பேசியதில்

தனக்கு சூடு வச்சுட்டாங்க சித்தி என்று மனைவி நந்தினி சொன்னதை வைத்து, அன்பு நம்புவது.. சித்தியிடம் வந்து சூடு வலி உடனே போயிரும்.. ஆனா..அந்த காயம் ஆற பல நாள் ஆகும் சித்தின்னு அன்பு சொல்லிட்டு போறான். அப்போ போயி ராதிகா மூக்கின் இரு பக்கமும் விரலால் தடவுவது மாதிரி...

கணுக்கால் மச்சம்

கணுக்காலில் ராதிகாவுக்கு இருக்கும் மச்சம் போலவே, அவருக்கு பிறந்த பெண்ணுக்கும் இருக்கிறது. இது ஒன்றோடு இருந்திருக்கலாமே.. எதுக்கு இந்த மேனரிஸம் எல்லாம்.. இன்னும் இன்னும் என்று கதையை மேம்படுத்த பாருங்கள்.. என்னடா சித்தி 2 இப்படி போகுதே.. என்னாகுமோ ஏதாகுமோ என்று கவலையில் இருக்கிறார்கள் சித்தி முதல் சீசன் ரசிகர்கள்.

மருமகளை கை நீட்டுவது

வீட்டுக்கு வந்த மருமகளை கை நீட்டி அடிப்பது என்பது பெரும் தவறு.. இதை அசால்ட்டா செய்ய வச்சுட்டாங்க சாரதாவை. அப்புறம் தானா சூடு வச்சுக்கிட்டு அத்தை வச்சுட்டாங்கன்னு சொல்ற அளவுக்கு அந்த பொண்ணு நந்தினி புத்தி இப்படித்தான் போகும்.. வீட்டுக்கு வந்த மருமகளை அடிப்பது எவ்ளோ பெரிய தப்பு... இதை உணரும்படியான காட்சிகள் சித்தி 2 சீரியலில் இல்லை.

சித்தி கிரேஸ்

சித்தி முதல் சீசன் கிரேஸ் போகாமல் இன்னும் சித்தி 2 சீரியலை ரசிகர்கள் பார்த்துகிட்டு இருக்காங்க. அதை காப்பாத்திக்கற மாதிரியான கதை மாற்றம், காட்சி மாற்றம்தான் இப்பபோதைக்கு சித்திக்கு உடனடி தேவை. சித்தி 2 சீரியலின் புதிய இயக்குநர் சுலைமான் அதைத் தருவாரா பார்க்கலாம். சட்டுப்புட்டுன்னு ஒரு பரபரப்பை கிளப்பி சித்தியை அனல் பறக்க வைங்கப்பா.

Published On March 10, 2020