நீ கிடச்சதாலே வாழ்க்கை எவ்ளோ அழகா இருக்கு.. மகாலட்சுமியுடன் ரொமான்ஸ் வீடியோ வெளியிட்ட ரவீந்தர்

சென்னை: வாழ்க்கை ரொம்ப அழகா இருக்கு என இப்போதுதான் தெரிஞ்சுகிட்டோம் என மனைவியுடன் ரொமான்ஸ் செய்து ரவீந்தர் வீடியோ வெளியிட்டுள்ளார்.

முதலில் ஆங்கராக இருந்த மகாலட்சுமி, பிறகு சின்னத்திரை சீரியல்களில் நடித்து வந்தார். இவர் சென்னையை சேர்ந்தவர். 32 வயதாகும் இவருக்கு ஏற்கெனவே திருமணமாகி சச்சின் என்ற மகன் உள்ளார். ஆனால் முதல் கணவருடன் மகாலட்சுமிக்கு கருத்து வேறுபாடு ஏற்பட்டு இருவரும் பிரிந்து விட்டனர்.

தற்போது இரண்டாவது முறையாக தயாரிப்பாளர் ரவீந்தரை கடந்த ஆண்டு செப்டம்பர் 1ஆம் தேதி திருமணம் செய்து கொண்டார். இருவரும் காதலித்து திருப்பதியில் திருமணம் செய்து கொண்டனர். இவர் தனது மகனை தன்னுடனேயே வைத்துக் கொண்டார். மகனின் பெயரான சச்சின் என்பதை கையில் பச்சை குத்தியுள்ளார்.

இவர் 2019 ஆம் ஆண்டு நடிகை ஜெயஸ்ரீ ராவின் கணவர் ரகுநாதனுடன் தேவதையை கண்டேன் சீரியலில் நடித்த போது பழக்கம் ஏற்பட்டதாகவும் தன் கணவருடன் மகாவுக்கு காதல் இருப்பதாகவும் ஜெயஸ்ரீ குற்றம்சாட்டினார். இது பெரும் சர்ச்சையை ஏற்படுத்தியிருந்தது. மகாலட்சுமி சன் மியூசிக்கில் பணியாற்றியுள்ளார்.

இவர் ராதிகாவின் அரசி சீரியலில் நடித்திருந்தார். அதன் பிறகு யாமிருக்க பயமேன், செல்லமே, வாணி ராணி, பிள்ளை நிலா, அன்பே உள்ளிட்ட சீரியல்களில் நடித்துள்ளார். வாணி ராணியில் பூங்கொடி கதாபாத்திரத்தில் நடித்து நன்கு அறியப்பட்டவர். 2022 ஆம் ஆண்டு தயாரிப்பாளர் ரவீந்தர் தயாரித்த முன்னறிவான் படத்தில் நடித்த போதுதான் மகாவுக்கு ரவியுடன் காதல் ஏற்பட்டது.

இதையடுத்து இருவரும் திருமணம் செய்து கொண்டனர். திருமணமாகி 11 மாதங்கள் ஆன நிலையில் இருவரும் அவ்வப்போது சமூகவலைதளங்களில் தங்களை பற்றிய புகைப்படங்களையும் வீடியோக்களையும் வெளியிட்டு வருவார்கள். இந்த நிலையில் ரவீந்தரும் மகாலட்சுமியும் ரொமான்ஸ் செய்யும் வீடியோவை ரவி தனது இன்ஸ்டாவில் பதிவிட்டுள்ளார்.

அதில் இருவரும் வெண்மையான நிற ஆடையை அணிந்திருக்கிறார்கள். அவர் கூறியிருப்பதாவது: நம்ம வாழ்க்கைல நாம திரும்பத் திரும்ப பாக்குற முகங்கள் நமக்கு நிறைய கிடைக்கும். ஆனா நம்ம வாழ்க்கைல திரும்பத் திரும்ப நினைக்க நல்ல குணமுள்ள ஆள் கிடைக்கிறது தான் கஷ்டம். அப்படி ஒரு ஆள் கிடச்ச வாழ்க்கை எவ்ளோ அழகா இருக்கும்னு நாங்க வாழ்றதுலதான் தெரிஞ்சுகிட்டோம்.. என தெரிவித்துள்ளார்.

English summary

Ravindar and Mahalakshmi romance each other and says that when someone loves you more than ur life then u are worth to live.