குக் வித் கோமாளியாமே...பாவம் ரேகாவும், வனிதா விஜயகுமாரும்!

Updated: Monday, November 4, 2019, 17:25 [IST]

Subscribe to Oneindia Tamil

சென்னை: விஜய் டிவி புதுசு புதுசா ஷோக்களை ஆரம்பிக்கும். சீக்கிரமே அதை முடிச்சும் வச்சுடும். அடுத்தடுத்து சீசன்கள் தொடர்ந்து இடைவெளி விட்டு இடைவெளி விட்டு ஒளிபரப்பாகிக் கொண்டே இருக்கும்.

அப்படி ஒரு பது வித சமையல் நிகழ்ச்சியை ஆரம்பிக்க உள்ளது விஜய் டிவி. குக் வித் கோமாளி என்று அதற்கு ஒரு பெயரையும் சூட்டி இருக்கிறது.

எந்த ஷோ நடத்தினாலும் அதில் நகைச்சுவையும் கலந்து இருக்க வேண்டும் என்பது விஜய் டிவியின் ஃபார்முலா போலும்.

கோமாளி செலிபிரிட்டி

விஜய் டிவியின் கலக்கப் போவது யாரு போன்ற நகைச்சுவை நிகழ்ச்சிகளில் கலந்துக் கொண்டு நகைச்சுவையாளர்கள் என்று பெயர் பெற்று விஜய் டிவியில் வலம் வரும் கலைஞர்கள் பலர். இவர்களை சும்மா விட்டு வைக்க கூடாது என்று முயற்சி எடுத்து குக் வித் கோமாளி ஷோவை ஆரம்பிக்க உள்ளது விஜய் டிவி.

நகைச்சுவை கலைஞர்

முதல் ப்ரோமோ நடிகை ரேகா..அதாவது கடலோர கவிதைகள் புகழ் நடிகை ரேகாவுடன் ஒரு நகைச்சுவை கலைஞர் பங்கு பெறுவது போல வெளியாகி உள்ளது.இதில் ரேகா அழகாக கொஞ்சம் இளமையாகவும் இருக்கிறார்.உன்னை வச்சுக்கிட்டு எப்படி எல்லாம் சமையல் கத்து தர்றதுன்னு ரேகா சொல்லிட்டு இதை கிள்ளிப் போடுன்னு சொல்றாங்க.

உடன் இருக்கும்

ரேகாவுடன் இருக்கும் விஜய் டிவியின் நகைச்சுவை கலைஞர் ரேகாவை கிள்ளி விட ஆ..ஐயோ என்று அலறுகிறார்.அவர் சொன்னது காய்ந்த மிளகாயை கிள்ளி போடு என்று. எதையாவது இப்படி நகைச்சுவையுடன் சொல்லி,நிகழ்ச்சியை நடத்திவிடும் விஜய் டிவி இந்த ஷோவை ஹிட்டாக்குமா என்று பார்க்கலாம்.

பத்த வை

வனிதா விஜயகுமாருடன் விஜய் டிவியின் இன்னொரு நகைச்சுவை கலைஞர் குக் வித் கோமாளியில் பங்கு பெறுகிறார். அதாவது இவர்கள் எல்லாம் கோமாளிகள் போல எதையாவது செய்வார்களாம்.. அப்படி மும்முரமாக சமையலில் இருக்கும் வனிதாவிடம், எதாவது எனக்கு வேலை சொல்லுங்கள் என்று கேட்க, பத்த வை என்கிறார் வனிதா.

இவர் உங்களைப் பத்தி அதை சொல்றாங்க.. இதை சொல்றாங்கன்னு பத்த வைக்கிறார்.பெயர் போல நிகழ்ச்சியும் கோமாளித் தனமாக இல்லாமல் இருந்தால் சரி.