Roja Serial: நீல நயனங்களில் ஒரு நீண்ட கனவு வந்தது.. லதாவை பார்க்கையில்...!

Updated: Saturday, October 5, 2019, 13:33 [IST]

Subscribe to Oneindia Tamil

சென்னை: சன் டிவியின் ரோஜா சீரியல் நல்ல ரேட்டிங்கில் உள்ளது. அடிக்கடி நிறைய ஸ்டார் காஸ்ட் நடிகர் நடிகைகளை இறக்கி ரேட்டிங்கை தக்க வைத்து வருகிறார்கள்.

இதில் வசன கர்த்தாவின் வசனங்கள் அதிரடியான கவுன்டர் என்று ரசிக்கும்படி இருக்கிறது. நாயகனாக நடிக்கும் அர்ஜுன், ரோஜாவுக்கு நிறைய ரசிகர் ரசிகைகள் இருக்கிறார்கள்.

இப்போது அன்னபூரணியின் அக்கா என்று நடிகை எம்ஜிஆர் லதாவை புதிதாக களம் இறக்கி உள்ளார்கள்.

எம்ஜிஆர் குருநாதர்

நடிகை லதா எம்ஜிஆர் தன்னை வெறும் லதா என்று போடுவதை விட எம்ஜிஆர் லதா என்று பெயர் போடுவதையே விரும்புகிறார். எனவே, பேனர், போஸ்டர் போன்ற விஷயங்களில் தனது குருநாதர் எம்ஜிஆர் பெயரை தனது பெயரின் முன்னால் அல்லது பின்னால் சேர்க்க சொல்கிறார். இவர் பல சீரியல்களில் நடித்து வந்தாலும், ரோஜா சீரியலில் புதிதாக களம் இறக்கப்பட்டு உள்ளார்.

நீலக் கலர் புடவை

சன் டிவியின் ரோஜா சீரியலில் வெளிநாட்டில் வசித்து வந்த பெண்மணியாக, அன்னபூரணி அம்மாவின் அக்கா காமாட்சியாக களம் இறக்கப்பட்டு உள்ளார். நீல கலர் புடவையில் கொண்டை போட்டு சைடில் ஒற்றை ரோஜாவை செருகி மிக அருமையாக காட்சி தந்துள்ளார்.இதை பார்க்கையில் இவரின் பழைய படங்களும், அதில் இவர் துறுதுறுப்பாக நடித்து இருப்பதும் நினைவுக்கு வருகிறது.

நீண்ட கனவு

எம்ஜிஆருடன் இவர் ஆடிப்பாடி அசத்தி இருக்கும் பல பாடல்களில் நீல நயனங்களில் ஒரு நீண்ட கனவு வந்தது என்கிற பாடல்தான் ரோஜா சீரியலில் லதாவைப் பார்க்கையில் நினைவுக்கு வந்தது. அந்த பாடலில் லதா அணிந்து இருக்கும் உடை படு கவர்ச்சியாக இருக்கும். சுட்டித் தனமாக இந்த பாடலை கண்களை அடித்து, நாக்கை கடித்து என்று பாடி ஆடி நடித்து அசத்தி இருப்பார்.

அக்கா கண்டிப்பு

அன்னபூரணி அம்மாவின் அக்காவாக ரோஜா சீரியலில் நடிகை லதா வருகிறார்.வடிவுக்கரசியை மிரட்டுவது, உருட்டுவது என்று என்ட்ரி காட்சியே பலமாக இருக்கிறது. ரோஜாவுக்கு ஆதரவாக இவர் சீரியலில் நடித்து வருகிறார். பழைய கலாச்சாரங்கள் பற்றியும், அதை மீட்டு எடுப்பது பற்றியும் பேசுவதும் நன்றாக இருக்கிறது.