கலர் கலர் ரீலு...சன் நியூஸ் வண்ணத்திரை பாரு!

Updated: Friday, March 20, 2020, 15:52 [IST]

Subscribe to Oneindia Tamil

சென்னை: ரீல் அறுந்து போகும் அளவுக்கு சிலர் கலர்கலரா பொய் சொல்வார்கள். ஆனால், சன் நியூஸ் வண்ணத்திரை இது ஆதாரத்துடன் கூடிய அக்மார்க் நிஜம். சன் நியூஸ் சானலில் தினமும் காலை 8:30 மணி முதல் 9:30 மணி வரை வண்ணத்திரை என்று சினிமா தொடர்புடைய நிகழ்ச்சி ஒளிபரப்பாகி வருது.

ஒரு சாதனையை குறிப்பிட்டு அந்த சாதனையோடு தொடர்புடைய விஷயங்களை சின்ன சின்ன காட்சிகளோடு நிகழ்ச்சியாகத் தொகுத்து வழங்குவதுதான் வண்ணத்திரை நிகழ்ச்சி.

இந்த நிகழ்ச்சி மூலம் தெரியாத பல் விஷயங்களை தெரிந்துக்கொள்ளும் வாய்ப்பு. முக்கியமாக சினிமா துறை தொடர்புடையவர்களுக்கு இது பெரும் பொக்கிஷமாக கிடைக்கும் நிகழ்ச்சி என்று சொல்லலாம்.

மாடர்ன் தியேட்டர்ஸ்

அந்த காலத்தில் படப்பிடிப்பு தளங்கள் சேலத்தில்தான் இருந்தன. சேலத்தில் மிகவும் புழப்பெற்ற தியேட்டர் என்றால் அது மாடர்ன் தியேட்டர்ஸ்தான். இதில் மேடை நாடகம், சினிமா வெளியீடு... சினிமா ஸ்டுடியோ என்று பல நிகழ்வுகள் அரங்கேறிய இடம். வண்ணத்திரையில் புதுமைகளை புகுத்திய மாடர்ன் தியேட்டர்ஸ் என்று ஒரு எபிசோட் ஒளிபரப்பி இருக்கிறார்கள்.

பாடகர் ஜெயச்சந்திரன்

மலையாள தேசத்து மயக்கும் குரல் என்று பாடகர் ஜெயச்சந்திரன் குறித்த பல்வேறு விஷயங்கள். இவர் இசை ஞானி இளையராஜா இசையில் ஜானைகியுடன் சேர்ந்து பாடிய டுயட்ஸ் ஏராளம். அப்படி புகழ்பெற்ற பாடல்களில் தாலாட்டுதே வானம், கொடியிலே மல்லிகைப்பூ மயக்குதே மானே போன்ற பாட்லகளை. இப்படி ஆயிரத்துக்கும் மேற்பட்ட பாடல்களை பாடி ரசிகர்கள் மனதில் இன்றும் நிலைத்து நிற்கும் பாடகர் ஜெயச்சந்திரன் குறித்து ஒரு எபிசோட் வண்ணத்திரை நிகழ்ச்சியில் ஒளிபரப்பாகி இருக்கிறது.

சக்தி கிருஷ்ணாசாமி

1960 களில் புகழ்பெற்ற வசனகர்த்தாவாக கொடிகட்டிப் பரந்த சக்தி கிருஷ்ணசாமி பற்றிய ஒரு தொகுப்பு நிகழ்ச்சியையும் வண்ணத்திரை நிகழ்ச்சி மூலம் ஒளிபரப்பி இருக்கிறது சன் நியூஸ் சானல். வீரபாண்டிய கட்ட பொம்மன், கர்ணன் போன்ற காவிய படங்களுக்கு வசனம் எழுதியவர். இவர் மேடை நாடகம் அரங்கேற்ற வேண்டும் என்கிற எண்ணத்தில் சக்தி என்கிற நாடக குழுவை துவங்கி நடத்தி வந்து இருக்கார். இவரது குழுவில் இருந்தவர்கள்தான் சிவாஜி, எம்.என்.நம்பியார் ஆகியோர்.

ஆடலுடன் பாடல்

இயக்குநர் கே.ஷங்கர் இயக்கத்தில் வெளியான படங்களில் எம்ஜிஆர், சிவாஜி என்று பல படங்களை இயக்கியவர் கே.ஷங்கர். இவர் கேரளாவில் பிறந்தவர்.. ஏவிஎம் ஸ்டிடியோவில் படத்தொகுப்பாளராக இருந்து, பின்னர் ஏவிஎம்மின் தயாரிப்பு படங்களை இயக்கி இயக்குநராகவும் அவதாரம் எடுத்தவர். எம்ஜிஆர் கே. சங்கர் கூட்டணி வெற்றி கூட்டணி என்று புகழ் பெற்ற காலக்கட்டம் அது. பணத்தோட்டம்..குடியிருந்த கோயில் இப்படி பல..ஆடலுடன் பாடலைக் கேட்டு என்கிற பாடல் பட்டி தொட்டி எல்லாம் பிரபலம் ஆனது. இதுக் குறித்தும் சன் நியூஸின் வண்ணத்திரை நிகழ்ச்சியில் ஒளிபரப்பினார்கள்.