Sembaruthi Serial: செம்பருத்தி சீரியல் அம்மாவுக்குத்தான் சூப்பர் மாம் மகுடம் கொடுக்கலாம்!

Published: Tuesday, November 12, 2019, 12:40 [IST]

Subscribe to Oneindia Tamil

சென்னை: அம்மான்னா இப்படித்தான் இருப்பாங்கன்னும் இதுக்கு மேல சில நல்ல குவாலிட்டீஸோட இருப்பாங்கன்னும் சில சீரியல்ஸ் அம்மா உணர்த்தறாங்க.

அப்படிப்பட்ட அம்மாக்கள் பல வீடுகளில் இருந்தாலும், சீரியல்களில் இப்போதுதான் இப்படி எல்லாம் பார்க்க முடிகிறது.

இதையும் கொஞ்சம் விளக்கி சொன்னால்தான் மக்களுக்கும் புரிகிறது. எனவேதான் டிவி சீரியல்களின் இந்த சூப்பர் மாம் கணக்கெடுப்பு.

பிரியமானவள்,கண்மணி

சன் டிவியின் பிரியமானவள் சீரியல் அம்மா முதன் முதலில் அழகால் மக்களை தன் வசம் கட்டிப்போட்டு வைத்து இருந்தார்.அன்பான அமைதியான பாசமான அம்மா. கண்மணி சீரியலின் பூர்ணிமா பாக்கியராஜ் நடுத்தர வர்க்கத்து அம்மா மாதிரி புருஷன், குழந்தைகள் தவிர ஒன்றும் தெரியாது.பாசம்தான் காட்ட தெரியும்.

ரேவதி காயத்ரி ஜெயராம்

அழகு சீரியலில் ஸ்டார் காஸ்டக நடிக்கும் ரேவதி பற்றி சொல்லவே வேணாம்.அவங்க இயல்பாவே ரொம்ப அமைதியான சாந்தமான உருவம்.இவங்க அம்மாவா நடிச்சா ரொம்ப நல்ல அம்மாவாத்தான் நடிச்சு இருக்காங்க.இதில் நடிக்கும் காயத்ரி ஜெயராம் முதலில் கொஞ்சம் பிள்ளைக்கே வில்லியாக இருந்தாலும், இப்போது சுதா,பூர்ணா தனது பெண்கள்னு தெரிஞ்சவுடனே பாசக்கார அம்மாவா மாறிட்டாங்க.

சவுந்தர்யா அம்மா

விஜய் டிவியின் பாரதி கண்ணம்மா சீரியல் சவுந்தர்யா அம்மா நல்ல அம்மான்னாலும், கருப்பு ஆகாதுன்னு பெத்த பெண்ணின் கருப்பு பேத்தியை வெறுக்கறது... மகன் ஆசைப்பட்ட கருப்பு கண்ணம்மாவை வெறுக்கறதுன்னு சுத்தமா நல்ல குவாலிட்டி அடிபட்டு வில்லி அம்மாவாத்தான் இருக்காங்க.

மீனாட்சி அம்மா

அரண்மனை கிளி சீரியலில் மீனாட்சி அம்மாவா வரும் பிரகாதி நல்ல அம்மா.என்னதான் தொழிலதிபர் என்றாலும்.அம்மா என்று வரும்போது நல்ல குவாலிட்டி. யாருடனும் அதிர்ந்து பேசாமல், பிள்ளைகள் விருப்பம் ஒன்றையே குறிக்கோளாகக் கொண்டு வாழறாங்க. இவங்க உண்மையில் சூப்பர் மாம்தான் நடிகை பிரகதி நல்லாவே நடிச்சு இருக்காங்க.

செம்பருத்தி சீரியல்

ஜீ தமிழ் டிவியின் செம்பருத்தி சீரியல் அம்மா ரொம்பவே வித்தியாசம்.பெத்த பையன் ஆதி என்றாலும் அவனை நிக்க வச்சு ஆதாரமில்லாமல் எந்த கேள்வியும் கேட்கமாட்டாங்க.அவனது ஒவ்வொரு பேச்சுக்கு மதிப்பு கொடுத்து பொறுமையை கடைப் பிடிக்கறவங்க. கடைசியில் நல்லஅம்மாவுக்கான மகுடம் என்று கொடுத்தால் செம்பருத்தி சீரியல் அகிலாண்டேஸ்வரி அம்மாவுக்குத்தான் கொடுக்கலாம்.

Published On November 12, 2019