பிக்பாஸ் சீசன் 6.. யாரு இந்த சர்ச்சை நடிகை கலந்துக்க போறாங்களா?.. ஒரே அக்கப்போராயிருக்குமே!
சென்னை: பிக்பாஸ் சீசன் 6 இல் அண்மையில் சர்ச்சையில் சிக்கிய நடிகை ஒருவர் கலந்து கொள்ள போகிறாராம்.
விஜய் டிவியில் பிக்பாஸ் எனும் பொழுதுபோக்கு நிகழ்ச்சி கடந்த 5 ஆண்டுகளாக நடைபெற்று வந்தது. இந்த நிகழ்ச்சியின் 5ஆவது சீசன் நடந்து முடிந்தது. இவற்றை கமல்ஹாசன் தொகுத்து வழங்கினார். 24 மணி நேரமும் இந்த நிகழ்ச்சியை காணும் வகையில் பிக்பாஸ் அல்டிமேட் எனும் நிகழ்ச்சியும் தொடங்கி முடிந்தது.
இந்த நிலையில் பிக்பாஸ் சீசன் 6 நிகழ்ச்சி வரும் அக்டோபர் 2 ஆம் தேதி கோலாகலமாக தொடங்கப்படுகிறது. இந்த நிகழ்ச்சிக்காக போட்டியாளர்கள் தேர்வு நடைபெறுகிறது. இந்த நிகழ்ச்சியின் முதல் 3 சீசன்களுமே ஜூன் மாதம் தொடங்கியது.
கொரோனா தொற்று
ஆனால் கொரோனா தொற்று, போட்டியாளர்களை தனிமைப்படுத்திவிட்டு பின்னர் பிக்பாஸ் வீட்டுக்கு அழைப்பது உள்ளிட்டவைகளால் கடைசி இரு சீசன்கள் அக்டோபரில் தொடங்கியது. 6ஆவது சீசன் நிகழ்ச்சியை சிம்பும் கமல்ஹாசனும் தொகுத்து வழங்குவார்கள் என கூறப்பட்டது.
கமல்ஹாசன்
ஆனால் இந்த சீசனை கமல்ஹாசன் மட்டும் தொகுத்து வழங்குவார் என கூறப்பட்டுள்ளது. இந்த சீசன் டிஸ்னி பிளஸ் ஹாட்ஸ்டார் ஓடிடி தளத்திலும் வெளியிடப்படும். இந்த நிகழ்ச்சியில் யார் யார் கலந்து கொள்கிறார்கள் என்ற பேச்சு கடந்த சில தினங்கள் அடிப்பட்டு வருகிறது. அதன்படி விஜே ரக்சன், சூப்பர் சிங்கர் ராஜலட்சுமி, நடிகர் கார்த்திக் குமார், மாடல் அஜய் உள்ளிட்டோர் கலந்து கொள்கிறார்கள்.
சர்ச்சை
இவர்களுடன் அண்மையில் சர்ச்சையை கிளப்பிய சீரியல் நடிகை ஸ்ரீநிதி கலந்து கொள்கிறார் என தகவல்கள் கூறுகின்றன. சிம்புவை தான் காதலிப்பதாக கூறிய ஸ்ரீநிதி அவதை திருமணம் செய்து கொள்ள அவரது வீட்டு முன்பு தர்ணா போராட்டம் செய்தார்.
ஸ்ரீநிதி
பின்னர் அவருடன் ஒரே வீட்டில் தங்கியிருந்த சக சீரியல் நடிகை நட்சத்திரா திருமணம் செய்து கொண்ட நபர் குறித்து சர்ச்சைக்குரிய வகையில் சில விஷயங்களை தெரிவித்தார். தனது மகள் போட்ட ட்வீட்டை யாரும் நம்ப வேண்டாம் என ஸ்ரீநிதியின் தாயார் கேட்டுக் கொண்டார். மேலும் தன்னுடனேயே இருந்து நட்சத்திரா பிரிந்து விட்டாரே என்ற விரக்தியில் இப்படி ட்வீட் போட்டதாகவும் தெரிவித்தார். எனவே இவர் பிக்பாஸில் கலந்து கொண்டால் என்னென்ன அக்கப்போர்கள் நடக்க போகிறதோ தெரியவில்லை.
Click it and Unblock the Notifications
Sign in with Google